Yeˬsaˬgeˬlaˇ 19:4 - Akha

⁴ Miˇ kʼahˬ tsawˇ jeuˬ tsawˇ ca dawˬ tawˆ, aˬ yawꞈ gaˇ kawˆ luiˬ gʼa laˇ-awˇ, shaˬ duˬ duˬ-awˇ laˆ mi-euˬ meh. Shmˇ kuˆ seuˬ neh gʼeu doˆ laꞈ-awˇ, Iˇjiˇtuˆ-ahˇ tsahˇ gʼeh-euˬ meh.

Yeˬsaˬgeˬlaˇ 19:4 ပူးပေါင်းရင်းမြစ်များ

2 Sahˬpaˬ 23:31

Yoˇaˬhaˆ Yuˇdaˆ sahˬ paˬ pyeuꞈ laˇ ngeh, nyiˬ tseˇ smˇ kʼoꞈ kʼawˆ-awˇ, Yeˬluˇsaˬlehˬ meuˬ-ahˇ jawˇ-awˇ ba la smˇ siˬ uˆ lahˇ-euˬ meh. Aˬ yawꞈ-euˬ aˬ ma-aˬ, Liˇbaˬnahˬ meuˬ-ahˇ jawˇ-eu Yeˬlaˬmiˇ-euˬ aˬ buˇ Haˬmuˇtaˬlaˇ meh.

2 Laˬsaˬbaˬ 36:4

Neˬkawˇ-aˬ, Yoˇaˬhaˆ-euˬ aˬ nyiˇ Eˇliˇkmˬ-ahˇ Yuˇdaˆ sahˬ paˬ ka nehˬ-awˇ, Yeˬhawˇyaˬkmˬ lehˇ tsawˇ myahˇ myahˇ paˇ nehˬ-eu meh. Yoˇaˬhaˆ gʼaˬ-ahˇ-aˬ, Neˬkawˇ neh Iˇjiˇtuˆ miˇ kʼahˬ-ahˇ nyehꞈ gʼeh-euˬ meh.

2 Laˬsaˬbaˬ 36:6

Baˬbuˇloˬ sahˬ paˬ Neˬbuˬkaˬneˬzaˬ gʼaˬ Yuˇdaˆ miˇ kʼahˬ-ahˇ uˇ le-awˇ, Yeˬhawˇyaˬkmˬ-ahˇ shmˇ caˆ paꞈ-awˇ, Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Yeˬsaˬgeˬlaˇ 19:3

Aˬ yawꞈ-euˬ zaˬ jaˬ shiˇ tiˬ mawˇ, bo saˆ huiˬ-awˇ loˆ laˇ-euˬ meh. Jeˬ zaˬ kawꞈ sehꞈ-eu dzaw bym-awˇ, tsawˇ haˬ-ahˇ kawꞈ sehꞈ dzaˬ-euˬ meh.

Yeˬsaˬgeˬlaˇ 19:5

Aˬ ma kʼoeˇ mawˇ noeˬ tmˬ-euˬ jeˬ, cawˆ-iˇ shaw-euˬ gaˇ ya mawˇ ngeh, zaˬ tiˬ mawˇ paˇ bo saˆ huiˬ-awˇ, jaˬ shiˇ yaw loˆ huiˬ laˇ-euˬ meh.