Yeˬsaˬgeˬlaˇ 13:3 - Akha

³ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Miˬyehˇ gʼaˇ duˬ ngehˬ dah-eu aˬ dzawˬ aˇ gah heu deuˬ shaˬ zahˬ naꞈ dui dui tehꞈ-a. Aˬ yawꞈ maꞈ yawˬ ha neh kʼaˇ noeˬ doˆ-euˬ jeˬ ngehˬ dah-eu meh.

Yeˬsaˬgeˬlaˇ 13:3 ပူးပေါင်းရင်းမြစ်များ

Dawqdaq 15:14

Zaˬ siˬ zaˬ, tsawˇ gahˇ poˆ, aˇ gah zaˬ, aˬ jaꞈ jaꞈ.

Dawqdaq 15:2

Zaˬ siˬ mehˬ laˇ tsawˇ gahˇ myahˬ-awˇ, aˇ gah kʼaˬ meh dawˬ doeˇ kʼaˇ-eu meh.

Yeˬlaˬmiˇ 23:1

Sahˬpaˬ Miˬyehˇ-euˬ tsawˇ jeuˬ-ahˇ laˆ cawˆ-awˇ, miˇ kʼahˬ doe ni teh byaˆ nehˬ-euˬ aˬ yuiꞈ aˬ tsu deuˬ-aˬ, shaˬ zahˬ naꞈ dui dui tehꞈ-a.

Yeˬlaˬmiˇ 23:16

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ ehˇ gaˇ taˬ naˇ haˬ. Aˬ yawꞈ maꞈ naw maꞈ-ahˇ, maˬ tsaˬ maˬ dawˇ-eu noeˬ tmˬ duˬ biꞈ byah nehˬ laꞈ-euˬ meh. Ngaˬ neh bi ehˇ-euˬ dawˬ naw maꞈ-ahˇ maˬ ehˇ nehˬ ni, aˬ yawꞈ maꞈ neh kʼaˇ noeˬ doˆ-euˬ jeˬ tehꞈ-ehˇ ehˇ nehˬ-euˬ meh.

Yeˬlaˬmiˇ 23:9

Sahˬpaˬ Miˬyehˇ baˬ da, aˬ yawꞈ-euˬ muiˬ-eu shawˇ-eu dawˬ baˬ da, ngaˇ nui ma tsawˬ paˆ-awˇ, yaw dzuˬ dzuˬ dui dui nya. Jiˇ baˬ yehꞈ-eu tsawˇ haˬ loꞈ-ehˇ duˇ-awˇ, jiˇ baˬ aˇ dzehˬ dawˇ dzeuˇ-euˬ gaˇ duˇ nya.

Yeˬlaˬmiˇ 28:15

Kʼoeˇ naˇ, Haˬnaˬniˇyaˆ-ahˇ ngaˇ heu loꞈ-ehˇ paˇ ehˇ nehˬ-euˬ ma. “Haˬnaˬniˇyaˆ-oˇ, naˇ haˬ sheˇ. Sahˬpaˬ Miˬyehˇ neh nawˬ-ahˇ kʼehˇ gʼeh leꞈ-euˬ maˬ ngeuˇ gaˇ, nawˬ neh jaˬ myawꞈ myawꞈ-euˬ dawˬ-ahˇ tsawˇ haˬ heu deuˬ jah laˇ ni nawˇ jahˇ luꞈ-eu meh.

Ngoeˇ dawˬ 2:14

Miˬyehˇ gʼaˇ duˬ ngehˬ dah-eu deuˬ, nawˬ-ahˇ jaˬ myawꞈ myawꞈ nehˬ-euˬ meh. Nawˬ-ahˇ aˬ cawˬ maˬ bi nyehꞈ ni, nawˬ-euˬ yaw lehˬ iˬ baˇ deuˬ-ahˇ, aˬ yawꞈ maꞈ maˬ pah doˆ nehˬ-a. Aˬ yawꞈ maꞈ ngehˬ-euˬ tmˇ-euˬ jeˬ, nawˬ-ahˇ gaˇ ma sheuˬ bahˬ-euˬ meh.

Yeˬsaˬgeˬlaˇ 13:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ yawꞈ maꞈ-ahˇ heu loꞈ-ehˇ ehˇ-eu meh lehˇ ehˇ nehˬ-awˬ. “Aˬ cawˬ-ahˇ ja maw laꞈ tuiˆ paꞈ nehˬ-awˇ, naˇ kʼawˇ-ahˇ ja maw paˇ dzeh lahˇ nehˬ-eu naw maꞈ zaˬ miˬ zaˬ deuˬ, ya noeˬ shaˬ dui dui tehꞈ-a. Aˬ cawˬ -euˬ saꞈ laˇ kʼoeˇ taˆ dzoeˬ nya-eu baoˬ ahˇ laˇ ni, naw maꞈ kʼoeˇ loꞈ-ehˇ jahˇ nehˬ-euˬ meh. Ngaˬ-euˬ tsawˇ haˬ deuˬ-euˬ saꞈ laˇ shiˇ ni jahˇ-awˇ, aˬ cawˬ-euˬ saꞈ laˇ dehꞈ ni jahˇ-eu laꞈ kʼoeˇ, naw maꞈ-ahˇ muiˬ laˇ ni, mˇ mawꞈ-eu meh.

Yeˬsaˬgeˬlaˇ 13:4

Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ Miˬyehˇ gʼaˇ duˬ ngehˬ dah nehˬ-eu deuˬ-aˬ, meuˬ meuˬ tsoeˬ-ahˇ jawˇ-eu bawˇ tsahˬ aˬ kuiˬ loꞈ-ehˇ tiˬ jeˬ-iˬ gaˇ dahˇ maˬ tsoeˬ-a.

Yeˬsaˬgeˬlaˇ 34:2

“Tsawˇ haˬ zaˬ-oˇ, Iˇsaˬleˬlaˆ tsawˇ jeuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ-ahˇ, dawˬ heu deuˬ ciˬ pi nehˬ-awˬ. Aˬ yawꞈ maꞈ-ahˇ ngaˬ-euˬ gʼaˇ duˬ ngehˬ dah nehˬ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu meh lehˇ ehˇ nehˬ-awˬ. Iˇsaˬleˬlaˆ-ahˇ bo-eu yawˇ bo-eu yaw sahˇ deuˬ-oˇ, naw maꞈ kʼoeˇ taˆ doeˇ dui dui-eu jeˬ keuˆ le tehꞈ-a. Naw maꞈ yawˬ ha gʼawˇ mawˇ gaˇ kawˆ tehꞈ-ehˇ shaˇ noeˬ-awˇ, yawˇ deuˬ-ahˇ maˬ haw-a.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Zaˬkaˬliˇ 11:15

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Gaˇ dahˇ maˬ tsoeˬ-eu yawˇ bo-eu yaw sahˇ tiˬ poˆ paˇ geuꞈ haw sheˇ.

Luˇkaꞈ 11:40

Aˬ dzawˬ aˇ gah deuˬ-oˇ, laꞈ nyiˇ hawˇ-eu laꞈ kʼoeˇ nyiˬ paw luꞈ aˬ yawꞈ tiˬ gʼaˬ neh beh-euˬ maˬ ngeuˇ-a loˇ.

Luˇkaꞈ 11:52

“Zahˇ dawˬ kʼoꞈ dawˬ mehˬ-eu saˬ laˬ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, zaˬ siˬ tsawˇ gahˇ laˇ gʼoˆ-euˬ mawˬ tawꞈ kahˬ naw maꞈ tuˆ tehˬ taˬ-awˇ, naw maꞈ maˬ uˇ leˇ-eu uˬ taꞈ, aˬ cawˬ uˇ leˇ gaˇ naw maꞈ laˆ tsoeˬ-eu meh.”

1 Gawˇliˬtu 9:16

Ngaˇ Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh kʼahˬ sehˇ jehˆ kʼaˇ za-eu maˬ ngeuˇ. Maˬ mehˬ-ehˇ maˬ gʼeh nya ni Miˬyehˇ neh ciˬ pi nehˬ laꞈ-euˬ meh. Ngaˇ Laˬ kʼaˬ cehˇ-eu Guiˬ lahˬ dawˬ maˬ mehˬ naˇ, ngaˬ-euˬ gʼaˇ duˬ aˇ naˆ ni guˆ kʼaˇ za-eu nga.

1 Tiˆmoˇseˬ 6:4

nui ma huiˬ dui taˬ-awˇ, tiˬ jeˬ-iˬ maˬ siˬ nya-eu tsawˇ haˬ pyeuꞈ-eu meh. Dawˬ gaˇ kawˆ tsawˇ pyehˇ pyehˇ-awˇ ja dzaˬ mawꞈ-eu nui ma ahˇ-eu meh. Kʼoeˇ miˇ neh, myaˆ naˆ-eu, ceh dzaˬ-eu, ja bu ja doeˇ-eu, aˬ cawˬ-ahˇ yaw doeˇ jahˇ mawꞈ-eu, heu loꞈ-ehˇ gʼeh-eu jeˬ bi doˆ laˇ-eu meh.

2 Tiˆmoˇseˬ 3:9

Ehˇ kʼawꞈ, aˬ yawꞈ maꞈ gʼawˬ mahˇ ni iˇ gʼeh kʼaˇ maˬ za-a. Aˬ jeˬ miˇ neh ehˇ naˇ, aˬ yawꞈ maꞈ aˇ naˆ ni dzawˬ-eu gaˇ kawˆ tsawˇ haˬ yawˬ gʼaˬ na luꞈ siˬ duˬ mawˇ duˬ tehꞈ-a. Kʼoeˇ-aˬ, Yaˬneˬ hawˇ-eu Yaˬbeˬ aˬ nyaꞈ pyeuꞈ dzeuˇ yaꞈ-euˬ gaˇ duˇ-eu meh.