Yeˬsaˬgeˬlaˇ 11:22 - Akha

²² Jeˬluˇbeˬ kʼoeˇ deuˬ zaw diˇ-awˇ, aˇ beuˆ kʼoeˇ deuˬ kʼawꞈ aˬ yawꞈ maꞈ nehˬ-ehˇ le gʼeh leꞈ-euˬ meh. Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ-euˬ kʼoeˇ taˆ jaˆ-eu meh.

Yeˬsaˬgeˬlaˇ 11:22 ပူးပေါင်းရင်းမြစ်များ

Yeˬsaˬgeˬlaˇ 1:28

Yaw shehꞈ kʼoeˇ laꞈ kʼoeˇ, aˇ deˇ leˇ kʼah loꞈ-ehˇ gʼeh-eu yaw shehꞈ gʼawˬ mya jeˬ ahˇ-eu meh. Kʼoeˇ-aˬ, Sahˬpaˬ Miˬyehˇ jawˇ-eu gaˇ kawˆ bi siˬ-eu naˇ guiˇ guiˇ laˇ-eu yaw shehꞈ pyeuꞈ-eu meh. Kʼoeˇ gaˇ ya mawˇ ngeh, ngaˇ moꞈ tsahˬ-ehˇ ga-iˇ-awˇ, dawˬ ngehˬ-eu teˇ saˇ ya gaˬ-euˬ ma.

Yeˬsaˬgeˬlaˇ 10:19

Aˬ yawꞈ maꞈ aˬ dahˇ dahˇ diˬ diˬ laˇ-awˇ, ngaˇ haw haw-ehˇ jawˇ ngeh zaw diˇ-euˬ meh. Aˇ beuˆ kʼoeˇ deuˬ kʼawꞈ caw teh gʼeh-euˬ meh. Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ aˬ yawꞈ maꞈ naˬ leˇ-awˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ kʼoeˇ, aˬ yawꞈ maꞈ-euˬ kʼoeˇ taˆ jaˆ luꞈ-eu meh.

Yeˬsaˬgeˬlaˇ 10:4

Sahˬpaˬ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ jawˇ gaˇ neh tuˇ laˇ-awˇ, Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ le-euˬ meh. Kʼoeˇ ngeh, Uˬ duˬ tahˬ nymˇ nymˇ ma-ahˇ mˬ dmˇ byah-awˇ, pu ka tiˬ byah ni yaw shehꞈ bya-eu meh.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Yeˬsaˬgeˬlaˇ 9:3

Kʼoeˇ naˇ, Jeˬluˇbeˬ kʼoeˇ taˆ jawˇ-eu Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ kʼoeˇ, naˬ leˇ taˬ-euˬ gaˇ neh luˆ laˇ-awˇ, Uˬ duˬ tahˬ nymˇ nymˇ ma -ahˇ uˇ leˇ-eu gʼoˆ kʼehˬ jaˆ gaˇ jiˆ le-euˬ meh. Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu gʼaˬ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.