8 Jeˬluˇbeˬ aˬ yawꞈ mawˇ yawꞈ-euˬ aˬ dahˇ uˬ moˆ, tsawˇ haˬ zaˬ-euˬ aˬ laꞈ-ahˇ duˇ-eu aˬ laꞈ tsoꞈ gaˇ ngaˇ mawˇ-euˬ ma.
Myaˆ pyawˬ oeˬ pyawˬ hawˇ-eu aˬ dahˇ oeˬ dahˇ uˬ taꞈ, aˬ yawꞈ mawˇ yawꞈ tsawˇ haˬ-euˬ aˬ laꞈ-ahˇ duˇ-eu aˬ laꞈ oeˬ laꞈ tsoꞈ-eu meh. Aˬ dahˇ tiˬ dahˇ uˬ moˆ tiˬ laꞈ tsoꞈ-eu meh.
Aˬ yawꞈ mawˇ yawꞈ myaˆ pyawˬ oeˬ pyawˬ tsoꞈ-awˇ, aˬ dahˇ oeˬ dahˇ tsoꞈ-eu meh. Aˬ dahˇ aˬ yawꞈ dahˇ yawꞈ-euˬ uˬ moˆ, tsawˇ haˬ zaˬ-euˬ aˬ laꞈ-ahˇ duˇ-eu aˬ laꞈ tiˬ laꞈ tsoꞈ-eu meh.
Kʼoeˇ ngeh, Seˬlaˬpeˬ mˬ taˆ gʼaˬ kʼehˇ kʼoeˇ tiˬ gʼaˬ, lawˇ duˬ kʼoeˇ taˆ ciˆ nyawˆ neh tehˬ doˆ-euˬ neˇ hoˬ ni doꞈ luꞈ-eu miˬ dzaˬ miˬ jiˆ yuˇ-awˇ, ngaˇ jawˇ gaˇ zaw ka leꞈ-euˬ meh.
Jeˬluˇbeˬ tiˬ mawˇ aˬ yawꞈ maꞈ gʼahˇ ceh doꞈ luꞈ-eu miˬ dzaˬ laꞈ kʼoeˇ aˬ laꞈ cawˬ ahˇ-awˇ, miˬ jiˆ tawˆ doˆ laꞈ-awˇ, tsawˇ haˬ kʼoeˇ gʼaˬ-euˬ aˬ laꞈ laꞈ kʼoeˇ tawˆ ahˇ nehˬ ngeh, tsawˇ haˬ kʼoeˇ gʼaˬ miˬ jiˆ kʼoeˇ yuˇ-awˇ doˆ-iˇ-euˬ meh.
Jeˬluˇbeˬ kʼoeˇ deuˬ-euˬ gaˇ dzeˇ aˇ beuˆ oeˬ beuˆ tsoꞈ gaˇ ya mawˇ-euˬ ma. Tiˬ mawˇ-euˬ gaˇ dzeˇ tiˬ beuˆ tsoꞈ-awˇ, aˇ beuˆ kʼoeˇ deuˬ aˇ poeˬ kʼaˆ-eu kʼaˬ lo sehˇ loꞈ-ehˇ yaw shehꞈ bya-eu meh.