Yeˬsaˬgeˬlaˇ 10:2 - Akha

² Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu gʼaˬ-ahˇ Miˬyehˇ ehˇ nehˬ-eu, “Jeˬluˇbeˬ kʼoeˇ deuˬ-euˬ uˬ moˆ jaˆ-eu aˇ beuˆ kʼoeˇ deuˬ-euˬ yaw kaˬ-ahˇ uˇ leˇ-awˇ, nawˬ-euˬ aˬ laꞈ tiˬ byah ni, doꞈ luꞈ-eu miˬ jiˆ tawˆ doˆ laˬ-iˇ-awˇ, meuˬ-euˬ kʼoeˇ taˆ byaˆ gʼeh-awˬ.”

Yeˬsaˬgeˬlaˇ 10:2 ပူးပေါင်းရင်းမြစ်များ

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Jaceuq 140:10

Neˇ hoˬ ni doꞈ luꞈ-eu miˬ jiˆ aˬ yawꞈ maꞈ kʼoeˇ taˆ bi ga le-awˬ. Tiˬ jawˇ-iˬ maˬ gʼoꞈ doˆ laˇ nya-eu duˬ kʼahˬ-ahˇ, aˬ yawꞈ maꞈ-ahˇ bi ga ahˇ-awˬ.

Jaceuq 18:10

Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.

Doˆ-iˇ 25:18

Shuiˇ yuˇ-awˇ, Jeˬluˇbeˬ mawˇ kawˇ nyiˬ hmˬ jahˇ-awˬ.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Yeˬsaˬgeˬlaˇ 1:13

Jeˬluˇbeˬ kʼoeˇ oeˬ mawˇ yaw kaˬ-ahˇ, maˬ naˬ leˇ ni iˇ luꞈ-eu miˬ dzaˬ doꞈ luꞈ-eu tsiˇ kʼmˬ-ahˇ duˇ-eu tiˬ jeˬ ahˇ-eu meh. Miˬ lmˇ kʼoeˇ mˬ myawꞈ pyehˬ doˆ-eu meh.

Yeˬsaˬgeˬlaˇ 10:16

Aˬ yawꞈ maꞈ luˆ-iˇ ngeh, aˇ beuˆ kʼoeˇ deuˬ kʼawꞈ aˬ yawꞈ maꞈ nehˬ-ehˇ iˇ gʼeh-awˇ, aˬ yawꞈ maꞈ aˬ dahˇ mˇ pyeh-awˇ zaw gʼeh ngeh kʼawꞈ, aˇ beuˆ kʼoeˇ deuˬ iˇ caw gʼeh-eu meh.

Yeˬsaˬgeˬlaˇ 9:11

Kʼoeˇ naˇ, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu gʼaˬ gʼoꞈ laˇ-awˇ, “Nawˬ neh dawˬ biꞈ-euˬ loꞈ-ehˇ, ngaˇ mˇ gʼaˬ-euˬ ma” lehˇ ehˇ gaˬ laˇ-euˬ meh.

Daˬyeˬlaˇ 7:9

Ngaˇ haw haw-ehˇ jawˇ ngeh, dzoeˬ dzaˬ nuiˇ mahˬ ciˬ taˬ le-euˬ meh. Mˬ bymˬ miˇ bymˬ bymˬ ngeh neh dehꞈ luꞈ-eu gʼaˬ, dzoeˬ dzaˬ nuiˇ mahˬ tiˬ mahˬ kʼoeˇ taˆ nuiˇ le-euˬ meh. Aˬ yawꞈ dm luꞈ-eu mehˬ tsoeˬ saˬ laˬ loꞈ-ehˇ pyuˇ deuˬ ni gʼeh-awˇ, aˬ yawꞈ-euˬ uˬ duˬ tsehˇ kahˇ shawˇ jehˆ ni gʼeh-eu yawˇ caꞈ hm-ahˇ duˇ-eu meh. Aˬ yawꞈ-euˬ dzoeˬ dzaˬ nuiˇ mahˬ miˬ dzaˬ doꞈ luꞈ-eu daˇ jawˇ kʼoeˇ taˆ jaˆ-awˇ, miˬ lmˇ nyehˆ oˬ ni jaˆ-eu meh.

Panmaeq 8:5

Kʼoeˇ naˇ, tsiˇ yaw saw jeˬ doꞈ duˬ kʼoeˇ-ahˇ mˬ taˆ gʼaˬ kʼehˇ kʼoeˇ gʼaˬ yuˇ-awˇ, lawˇ duˬ kʼoeˇ taˆ doꞈ luꞈ-eu miˬ dzaˬ pehˆ ahˇ-awˇ, miˇ tsaˬ kʼoeˇ taˆ biˬ ka gʼeh-euˬ meh. Kʼoeˇ ngeh, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-awˇ, mˬ myawꞈ myawꞈ-awˇ miˇ luˆ luˆ-euˬ meh.