Yeˬsaˬgeˬlaˇ 1:3 - Akha

³ Baˬbuˇloˬ miˇ kʼahˬ Ceˬbaˬ lawˇ baˬ lawˇ dzeˇ kʼoeˇ gaˇ, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ ngaˇ ya gaˬ-awˇ, aˬ yawꞈ-euˬ baoˬ ngaˬ-euˬ kʼoeˇ taˆ keuˆ le-euˬ meh.

Yeˬsaˬgeˬlaˇ 1:3 ပူးပေါင်းရင်းမြစ်များ

1 Sahˬpaˬ 18:46

Kʼoeˇ ngeh, Sahˬpaˬ Miˬyehˇ-euˬ baoˬ Eˇliˇyaˆ kʼoeˇ taˆ keuˆ le-euˬ meh. Aˬ yawꞈ-euˬ mehˬ tsoeˬ joꞈ-ahˇ yaw muiˬ paˬ-ehˇ dzahˬ ziꞈ-awˇ, Yeˬsaˬleˬlaˇ meuˬ-ahˇ le-eu gaˇ ma kahˇ li, Aˬhaˆ-euˬ mehˬ hu aˬ yawꞈ cehˆ-euˬ meh.

2 Sahˬpaˬ 3:15

Deuˇ-mˬ diˬ nya-eu tsawˇ haˬ kʼoeˇ gʼaˬ deuˇ-mˬ diˬ luꞈ ngeh, Sahˬpaˬ Miˬyehˇ-euˬ baoˬ Eˇliˇshehˇ kʼoeˇ taˆ keuˆ le-euˬ meh.

Jaceuq 137:1

Baˬbuˇloˬ lawˇ baˬ dawˬ peh nga maꞈ nuiˇ-awˇ, Ziˇoˬ meuˬ-ahˇ noeˬ mawˇ-eu laꞈ kʼoeˇ tsawˇ ngoeˇ ngoeˇ-euˬ ma.

Yeˬlaˬmiˇ 1:2

Aˬmo-euˬ aˬ li Yawˇshiˆ gʼaˬ, Yuˇdaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ tseˇ smˇ kʼoꞈ tiˬ kʼoꞈ-ahˇ, Yeˬlaˬmiˇ kʼoeˇ taˆ Sahˬpaˬ Miˬyehˇ-euˬ dawˬ keuˆ le-euˬ meh.

Yeˬlaˬmiˇ 1:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 29:15

“Baˬbuˇloˬ miˇ kʼahˬ laꞈ kʼoeˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ, Sahˬpaˬ Miˬyehˇ neh naw maꞈ-ahˇ biꞈ nehˬ laꞈ-euˬ meh lehˇ naw maꞈ ehˇ-eu meh.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Yeˬsaˬgeˬlaˇ 10:15

Jeˬluˇbeˬ kʼoeˇ deuˬ-aˬ, Ceˬbaˬ lawˇ baˬ dawˬ peh ngaˬ neh mawˇ-euˬ kʼoeˇ deuˬ meh. Jeˬluˇbeˬ kʼoeˇ deuˬ jaˬ lehˇ laꞈ kʼoeˇ tuˇ diˇ laˇ-euˬ meh.

Yeˬsaˬgeˬlaˇ 12:13

Ehˇ kʼawꞈ, ngaˇ baw gʼaꞈ kʼmˇ-awˇ, aˬ yawꞈ-ahˇ kʼmˇ paꞈ ma. Kʼoeˇ naˇ, aˬ yawꞈ-ahˇ ngaˇ Baˬbuˇloˬ meuˬ-ahˇ sheuˬ gʼeh-awˇ, meuˬ kʼoeˇ meuˬ-ahˇ maˬ ya mawˇ-ehˇ ya shiˇ tehꞈ-a.

Yeˬsaˬgeˬlaˇ 3:14

Gʼaˬ kʼaˆ dui dui-eu Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ oe-awˇ, aˬ yawꞈ-euˬ yaw sahˇ ngaˬ-ahˇ ciˬ gʼeh ngeh, ngaˇ nui ma naˇ-awˇ, nui ma pehˇ-euˬ ma.

Yeˬsaˬgeˬlaˇ 3:15

Kʼoeˇ naˇ, aˬ cawˬ neh bi nyehꞈ ka leꞈ-awˇ jawˇ-eu Iˇsaˬleˬlaˆ tsawˇ haˬ deuˬ jawˇ-eu Ceˬbaˬ lawˇ baˬ daw peh jaˆ-eu Teˬlaˬbiˇ meuˬ-ahˇ ngaˇ oe keuˆ-awˇ, ngaˬ neh ya gaˬ ya mawˇ yaꞈ-euˬ gaˇ kawˆ deuˬ-ahˇ zahˬ leˇ-awˇ, shiꞈ nah jawˇ-euˬ ma.

Yeˬsaˬgeˬlaˇ 3:22

Sahˬpaˬ Miˬyehˇ-euˬ baoˬ ngaˬ nehˬ-ehˇ jawˇ-eu meh lehˇ ngaˬ-ahˇ siˬ laˇ-awˇ, aˬ yawꞈ ngaˬ-ahˇ ehˇ-eu, “Tuˇ-awˇ, deh kʼawꞈ-ahˇ iˇ-awˬ. Kʼoeˇ gaˇ, nawˬ-ahˇ ngaˇ dawˬ ngehˬ cawˬ le ma.”

Yeˬsaˬgeˬlaˇ 3:23

Kʼoeˇ naˇ, deh kʼawꞈ-ahˇ ngaˇ iˇ ngeh, Ceˬbaˬ lawˇ baˬ dawˬ peh ya mawˇ-euˬ poˆ loꞈ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ ngaˇ ya mawˇ-euˬ ma. Kʼoeˇ ngeh, ngaˇ moꞈ tsahˬ-ehˇ miˇ tsa coˬ-iˇ-euˬ ma.

Yeˬsaˬgeˬlaˇ 33:22

Tsawˇ haˬ kʼoeˇ gʼaˬ maˬ laˇ keuˆ mi naˆ-ehˇ, uˬ ciˬ uˬ taw paw neh Sahˬpaˬ Miˬyehˇ ngaˬ nehˬ-ehˇ jawˇ luꞈ-eu ngaˇ ya siˬ-euˬ ma. Yawˬ shawˬ yawˬ tsawˇ haˬ kʼoeˇ gʼaˬ laˇ keuˆ ngeh, Sahˬpaˬ Miˬyehˇ ngaˬ-ahˇ dawˬ ngehˬ nya-eu baoˬ paˇ biꞈ kʼoꞈ laꞈ-euˬ meh.

Yeˬsaˬgeˬlaˇ 37:1

Sahˬpaˬ Miˬyehˇ-euˬ aˬ laꞈ ngaˬ-euˬ kʼoeˇ taˆ keuˆ le-awˇ, shaˬ yoeˬ yaw koˆ ga byah taˬ-euˬ deh kʼawꞈ-ahˇ, aˬ yawꞈ-euˬ yaw sahˇ ngaˬ-ahˇ sheuˬ gʼeh nehˬ laꞈ-euˬ meh.

Yeˬsaˬgeˬlaˇ 40:1

Yeˬluˇsaˬlehˬ meuˬ bi deuˆ gʼaˬ-euˬ tseˇ oeˬ kʼoꞈ kʼawˆ laˇ-awˇ, nga maꞈ-ahˇ aˬ cawˬ miˇ kʼahˬ-ahˇ bi nyehꞈ gʼeh-awˇ jawˇ luꞈ-eu nyiˬ tseˇ ngaˬ kʼoꞈ tiˬ kʼoꞈ, kʼoꞈ shuiꞈ tseˇ nah-ahˇ, Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ keuˆ le-awˇ ngaˬ-ahˇ ciˬ gʼeh-euˬ meh.

Yeˬsaˬgeˬlaˇ 43:3

Nymˬ-mˇ poˆ ngaˇ ya siˬ ya mawˇ-euˬ heu-aˬ, Yeˬluˇsaˬlehˬ meuˬ-ahˇ Miˬyehˇ laˆ cawˆ le ngeh poˆ hawˇ-eu Ceˬbaˬ lawˇ baˬ dawˬ peh mawˇ-euˬ poˆ-ahˇ duˇ-eu meh. Baˬ ba miˇ tsaˬ tuˆ ni ngaˇ awˆ byaˆ-euˬ ma.

Yeˬsaˬgeˬlaˇ 8:1

Nga maꞈ aˬ cawˬ miˇ kʼahˬ-ahˇ bi nyehꞈ gʼeh-euˬ shiꞈ kʼoꞈ tiˬ kʼoꞈ ba la koꞈ siˬ tiˬ siˬ, ngaˬ nah tiˬ nah-ahˇ, Yuˇdaˆ miˇ kʼahˬ-ahˇ neh bi nyehꞈ daˆ laꞈ-euˬ aˬ yuiꞈ aˬ tsu deuˬ ngaˬ-euˬ nymˇ-ahˇ nuiˇ luꞈ ngeh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ ja pyuˬ ni keuˆ le-euˬ meh.

Daˬyeˬlaˇ 10:4

Tiˬ kʼoꞈ laꞈ kʼoeˇ ba la yaw beh siˬ nyiˬ tseˇ oeˬ nah-ahˇ, Tiˇgaˬliˇ lawˇ baˬ baˬ ma-euˬ lawˇ dzeˇ-ahˇ ngaˇ yawꞈ luꞈ-eu ma.

Hawˇseˬ 1:1

Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

Yawˇlaˆ 1:1

Heu-aˬ, Peˬduˇlaˆ-euˬ aˬ li Yawˇlaˆ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

2 Beˬtuˆluˆ 1:21

Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.