Yeˬlaˬmiˇ 9:23 - Akha

²³ Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Yeˬlaˬmiˇ 9:23 ပူးပေါင်းရင်းမြစ်များ

Yawˇbaˆ 32:13

Naw maꞈ tsawˇ gahˇ poˆ mawˇ taˬ-euˬ ma lehˇ, aˬ joˆ-ehˇ ehˇ nya te. Yawˇbaˆ-ahˇ naw maꞈ maˬ ja gʼaˬ nya-eu miˇ neh, Miˬyehˇ ya ja gaˇ keuˆ tehꞈ-a.

Yawˇbaˆ 41:15

Aˬ yawꞈ-euˬ dahˇ teˇ-ahˇ dehˬ daˬ duˬ teuˇ geuˆ ni tsoꞈ-awˇ, kʼaˬ lo loꞈ-ehˇ gʼahˇ-eu meh.

Jaceuq 33:5

Tsaˬ-eu dawˇ-eu sui-eu jeˬ-ahˇ, SahˬpaˬMiˬyehˇnui gaˬ ahˇ-awˇ, maˬtsehˆleˇ-eu yawꞈgaˬ-eu jeˬ, miˇtsaˬkʼoeˇtaˆbyah luꞈ-eu meh.

Jaceuq 34:3

SahˬpaˬMiˬyehˇ-euˬtsawˇmyahˇ-ahˇ, tiˬkawˆloꞈ-ehˇciˬhuiˬnehˬ-awˇ, tiˬkawˆloꞈ-ehˇja ceuˬkaˇ-euˇ.

Jaceuq 44:9

Ehˇkʼawꞈnymˬ-mˇnawˇnga maꞈ-ahˇ, byehˇdzeh-awˇbi shaˬ-eu laꞈkʼoeˇ, aˬcawˬneh bi gʼaˬleˇ-euˬmeh. Guiˇmaꞈdeh uiˬ-awˇdoˆ-iˇngeh, nga maꞈnehˬ-ehˇnawˇmaˬjawˇ-a.

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Dawqdaq 3:5

Nawˬ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ gʼoe-awˬ. Yawˬ ha bym-eu byehˆ-eu jeˬ-ahˇ taˬ gʼoe.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Iˇsaˬyaˇ 10:8

Aˬ yawꞈ heu loꞈ-ehˇ ngehˬ-eu meh. “Ngaˬ-euˬ guiˇ maꞈ-ahˇ kʼaˇ uˆ lahˇ-eu yawˬ gʼaˬ na luꞈ, dzoeˬ dzaˬ oꞈ-eu sahˬ paˬ tehꞈ maˬ ngeuˇ-a loˇ.

Iˇsaˬyaˇ 20:5

Suˬdaˬ miˇ kʼahˬ-ahˇ noeˬ tmˬ-awˇ, Iˇjiˇtuˆ miˇ kʼahˬ-ahˇ nui kʼaˬ tsmˬ-euˬ tsawˇ haˬ deuˬ, daˬ ga-awˇ ya shaꞈ dawˇ tehꞈ-a.

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.

Iˇsaˬyaˇ 5:21

Yawˬ haˇ yawˬ ha tsawˇ gahˇ ahˇ ma lehˇ noeˬ-awˇ, yawˬ haˇ yawˬ ha bym ma lehˇ noeˬ-eu deuˬ, ya noeˬ shaˬ dui dui tehꞈ-a.

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 48:14

“Mawˇbaˆ tsawˇ haˬ deuˬ-oˇ, naw maꞈ guiˇ deuˆ-eu kʼaˬ dui kʼaˆ dui dui ma lehˇ, aˬ jeˬ miˇ neh ehˇ te.

Yeˬlaˬmiˇ 48:7

“Mawˇbaˆ nawˇ-aˬ, yawˬ ha-euˬ gʼaˬ hawˇ-eu, yawˬ ha pyuˇ shuiˇ-ahˇ nui kʼaˬ tsmˬ-euˬ meh. Ehˇ kʼawꞈ, nymˬ-mˇ aˬ cawˬ neh guiˇ bi deuˆ gʼaˬ-awˇ, naw maꞈ-euˬ Sheˬmoˇshaˆ miˬ yehˇ kʼoeˇ yehˇ, sahˬ paˬ zaˬ yo deuˬ hawˇ-eu piˇ ma deuˬ nehˬ-ehˇ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a.

Yeˬlaˬmiˇ 49:4

Aˬ jeˬ miˇ neh naw maꞈ loꞈ-ehˇ gʼeh-eu saˇ jaˇ maˬ ziꞈ-eu tsawˇ jeuˬ kʼahˬ sehˇ jehˆ te. Naw maꞈ-euˬ gʼaˬ teˬ le luꞈ-eu maˬ siˬ laˇ nya loˇ. Naw maꞈ-euˬ gʼaˬ-ahˇ naw maꞈ gʼoe-awˇ, tsawˇ haˬ tiˬ gʼaˬ-iˬ nga maꞈ-ahˇ guiˇ maꞈ deuˆ laˇ peuˬ-aˇ lehˇ, aˬ jeˬ miˇ neh naw maꞈ ehˇ te.

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Yeˬsaˬgeˬlaˇ 7:19

Sahˬpaˬ Miˬyehˇ nui ma pehˇ-eu jeˬ shehˆ tehˬ leꞈ ngeh, pyuˇ hawˇ-eu shuiˇ neh maˬ ka kʼoꞈ nya-eu baˬ da neh, pyuˇ hawˇ-eu shuiˇ deuˬ-ahˇ yaw jawꞈ yaw laꞈ biˬ dzeh-eu loꞈ-ehˇ, gaˇ ma doe ni byaˆ dzeh taˬ tehꞈ-a. Aˬ yawꞈ maꞈ loˬ-eu jeˬ gʼaˇ duˬ hawˇ-eu uˬ maˆ dehˆ laˇ-eu gʼaˇ duˬ, pyuˇ hawˇ-eu shuiˇ gaˇ dahˇ maˬ tsoeˬ-ehˇ pyeuꞈ-iˇ tehꞈ-a. Pyuˇ hawˇ-eu shuiˇ baˬ da neh, aˬ yawꞈ maꞈ iˬ baˇ mˇ-euˬ meh.

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Maˬkuˆ 10:24

Dawˬ kʼoeˇ dawˬ-ahˇ ya gaˬ ngeh, zaˬ lahˇ deuˬ tsoˆ leˇ jiˇ-euˬ meh. Ehˇ kʼawꞈ, Yeˬsuˇ paˇ ehˇ-eu, “Ngaˬ-euˬ zaˬ deuˬ-oˇ, Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.

Lormav 1:22

Yaw gahˇ ma lehˇ yawˬ haˇ yawˬ ha ehˇ kʼawꞈ, aˬ dzawˬ aˇ gah-ahˇ duˇ-eu meh.

1 Gawˇliˬtu 1:31

Kʼoeˇ miˇ neh, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Kʼahˬ sehˇ kʼaˇ jehˆ-eu tsawˇ haˬ deuˬ Sahˬpaˬ Miˬyehˇ neh mˇ-euˬ gaˇ-ahˇ tehꞈ-ehˇ jehˆ luꞈ-uˇ.”

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

Piˇliˇpiˆ 3:10

Ngaˇ geuꞈ mawꞈ-eu jeˬ-aˬ, Ka li-ahˇ siˬ nya-awˇ gʼoꞈ dehꞈ laˇ-euˬ Ka li neh mˇ yaꞈ-euˬ jeˬ-ahˇ mˇ nya laˇ mawꞈ-eu tiˬ jeˬ, aˬ yawꞈ kʼaˇ ya daˬ-euˬ loꞈ-ehˇ daˬ-awˇ aˬ yawꞈ kʼaˇ shiˇ-euˬ loꞈ-ehˇ shiˇ mawꞈ-eu tiˬ jeˬ,

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.

1 Saˬmeuˬlaˆ 17:42

Daˬbiˇ-ahˇ aˬ yawꞈ mawˇ duˬ ngeh, noeˬ teˬ dui dui-awˇ, nui ma pehˇ laˇ-euˬ meh. Aˬ jeˬ miˇ neh ehˇ naˇ, Daˬbiˇ-aˬ, nahˬ jawˆ ni gʼeh-awˇ, aˇ gʼehˇ muiˬ dui dui-eu aˬ li zaˬ guˬ tiˬ gʼaˬ pyeuꞈ luꞈ gaˇ aˬ yawꞈ ya mawˇ-euˬ meh.