Yeˬlaˬmiˇ 9:19 - Akha

¹⁹ Ziˇoˬ meuˬ-ahˇ tsawˇ ngoeˇ ngoeˇ luꞈ gaˇ naˇ haˬ sheˇ. “Nga maꞈ cawˆ-iˇ jiˇ-euˬ miˇ-a. Myaˆ pyawˬ maˬ ciˬ diˇ coeˇ miˇ-a. Nga maꞈ-euˬ nymˇ jiˇ bi laˆ byoˆ jiˇ-awˇ, yawˬ ha miˇ kʼahˬ-ahˇ ya byehˇ dzeh gaˇ keuˆ miˇ-a” lehˇ ngoeˇ luꞈ meh.

Yeˬlaˬmiˇ 9:19 ပူးပေါင်းရင်းမြစ်များ

Iˇsaˬyaˇ 32:9

Saˇ lehˆ ni dehꞈ-eu zaˬ miˬ zaˬ deuˬ-oˇ, ngaˇ ehˇ gaˇ tuˇ-awˇ naˇ haˬ sheˇ. Kʼahˬ lahˇ kʼaˇ maˬ za-eu aˬ buˇ deuˬ-oˇ, ngaˇ ngehˬ gaˇ naˬ bawˇ ciˬ kʼmˇ sheˇ.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 2:14

“Iˇsaˬleˬlaˆ zaˬ kʼaˆ-a loˇ. Zaˬ kʼaˆ geuꞈ-eu gʼaˇ duˬ dehꞈ le taˬ loˇ. Toˆ-ehˇ ngeuˇ naˇ aˬ yawꞈ-ahˇ muiˇ-eu deuˬ, aˬ jeˬ miˇ neh aˬ yawꞈ-ahˇ yehˬ bawˬ-ehˇ jahˇ ta.

Yeˬlaˬmiˇ 4:13

Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.

Yeˬlaˬmiˇ 4:20

Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

Yeˬlaˬmiˇ 7:15

Naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-ahˇ ngaˬ neh teh dzeh nehˬ-euˬ loꞈ-ehˇ, naw maꞈ-ahˇ kʼawꞈ maˬ mawˇ laˇ gaˇ ngaˇ teh dzeh ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 7:19

Ehˇ kʼawꞈ, ngaˬ-ahˇ bi coeˬ laˇ-eu jeˬ aˬ yawꞈ maꞈ mˇ luꞈ ta loˇ. Maˬ ngeuˇ-a. Yawˬ haˇ yawˬ ha bi coeˬ leˇ-awˇ, yawˬ haˇ yawˬ ha daˬ laˆ ga-eu jeˬ aˬ yawꞈ maꞈ mˇ luꞈ-eu meh.

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Ngoeˇ dawˬ 4:15

“Maˬ shawˇ-eu deuˬ heu gaˇ taˬ laˇ. Maˬ tahˬ ciˆ laˇ ni cehˆ-awˬ” lehˇ, aˬ cawˬ neh bi teh dzeh-euˬ meh. Aˬ cawˬ miˇ kʼahˬ doe ni iˇ kʼawꞈ, tiˬ gʼaˬ-iˬ maˬ ha geuꞈ nehˬ-a.

Ngoeˇ dawˬ 5:2

Nga maꞈ za taˬ-euˬ jeˬ biˇ deuˬ, aˬ cawˬ tsawˇ jeuˬ yuˇ geuꞈ jiˇ-awˇ, nga maꞈ neh tsoˆ-euˬ nymˇ laꞈ kʼoeˇ, boeˇ miˬ siˬ kʼaˬ deuˬ jawˇ luꞈ meh.

Yeˬsaˬgeˬlaˇ 27:2

“Tsawˇ haˬ zaˬ-oˇ, Duˇlu meuˬ gʼaˇ duˬ tsawˇ ngoeˇ ngoeˇ-eu caˇ dawˬ caˇ nehˬ-awˬ.

Uˬ duˬ 18:25

Aˬ yawꞈ maꞈ kʼoeˇ loꞈ-ehˇ mˇ-eu baˬ da neh, miˇ kʼahˬ kʼoeˇ kʼahˬ jawꞈ dui dui-eu miˇ kʼahˬ pyeuꞈ laˇ taˬ-euˬ meh. Kʼoeˇ miˇ neh, miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ-awˇ, miˇ kʼahˬ kʼoeˇ kʼahˬ tsawˇ haˬ kʼoeˇ deuˬ-ahˇ uˬ pehꞈ pehꞈ doˆ dzeh tehꞈ-a.

Uˬ duˬ 18:28

Miˇ kʼahˬ kʼoeˇ kʼahˬ-ahˇ naw maꞈ laˆ jawꞈ naˇ, naw maꞈ mehˬ hu jawˇ luꞈ-eu tsawˇ jeuˬ kʼoeˇ jeuˬ-ahˇ uˬ pehꞈ pehꞈ doˆ dzeh nehˬ-euˬ loꞈ-ehˇ, naw maꞈ-ahˇ kʼawꞈ, miˇ kʼahˬ kʼoeˇ kʼahˬ uˬ pehꞈ pehꞈ doˆ dzeh tehꞈ-a.

Uˬ duˬ 20:22

Sahˬpaˬ Miˬyehˇ ehˇ-eu, “Naw maꞈ-ahˇ ngaˇ sheuˬ uˇ gʼeh-eu lehˇ gʼeh-eu Kaˬnaˬ miˇ kʼahˬ kʼoeˇ, naw maꞈ-ahˇ uˬ pehꞈ maˬ ya pehꞈ doˆ dzeh-eu gʼaˇ duˬ, ngaˬ-euˬ zahˇ dawˬ kʼoꞈ dawˬ deuˬ hawˇ-eu, ngaˬ neh biꞈ taˬ-euˬ dawˬ deuˬ dawˬ tawˆ luꞈ-ahˇ naˇ haˬ geuꞈ-awˬ.

Miˇkaˬ 2:10

Tsawˬ tuˇ-awˇ doˆ-iˇ-awˬ. Naw maꞈ gʼaˇ duˬ buˬ-iˇ law-iˇ-eu gaˇ ma maˬ paˇ dahˇ meh. Naw maꞈ-euˬ iˬ baˇ baˬ da neh jawˇ duˬ heu tsahˇ ya piˬ ya byoˆ-iˇ meh.

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

Dawˬmehˬ 28:29

Myaˆ behꞈ loꞈ-ehˇ, nah gʼahˇ nah gaˆ-ahˇ laꞈ sawˆ sawˆ-ehˇ ya cah-awˇ, nawˬ-euˬ gaˇ ma nawˇ maˬ poˆ mawˇ nya ni ya shaˬ tehꞈ-a. Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, maˬ baw maˬ za le ni pyeuꞈ-iˇ tehꞈ-a. Aˬ myah luꞈ aˬ cawˬ kʼehˬ-eu jeˬ hawˇ-eu smˇ kʼaˆ kʼaˆ dzaˬ-eu jeˬ-ahˇ ya daˬ-awˇ, nawˬ-ahˇ caw ba le-eu gʼaˬ maˬ jawˇ-ehˇ pyeuꞈ tehꞈ-a.