Yeˬlaˬmiˇ 9:16 - Akha

¹⁶ Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”

Yeˬlaˬmiˇ 9:16 ပူးပေါင်းရင်းမြစ်များ

Neˬhaˬmiˇ 1:8

Moˇseˬ-ahˇ nawˬ neh ehˇ taˬ yaꞈ-euˬ dawˬ kʼoeˇ dawˬ-ahˇ noeˬ keuˆ nehˬ laꞈ-awˬ. Nawˇ aˬ yawꞈ-ahˇ heu loꞈ-ehˇ ehˇ taˬ yaꞈ-euˬ meh. Naw maꞈ Iˇsaˬleˬlaˆ tsawˇ haˬ deuˬ ngaˬ-ahˇ saˇ jaˇ maˬ ziꞈ naˇ, aˬ cawˬ tsawˇ jeuˬ yaw kaˬ-ahˇ naw maꞈ-ahˇ bi jawˇ byoˆ jiˇ ma.

Jaceuq 106:27

Aˬ yawꞈ maꞈ-euˬ zaˬ deuˬ aˬ cawˬ tsawˇ jeuˬ yaw kaˬ-ahˇ bi jawˇ byoˆ-awˇ, aˬ cawˬ-euˬ miˇ kʼahˬ-ahˇ bi shiˇ jiˇ ma lehˇ ehˇ nehˬ-euˬ meh.

Dawˬ tsoˆ 12:5

Yaw goˇ-ahˇ nawˇ maˬ daˆ peuˬ-ehˇ, nawˇ gaˇ ma cah-eu kʼahˬ lahˇ paˬ-ehˇ pyeuꞈ-iˇ tehꞈ-a. Nawˬ-euˬ uˬ duˬ pyuˇ le-awˇ, yawˬ ha-euˬ gʼawˇ mawˇ maˬ laˆ luˆ coeˇ-eu uˬ taꞈ, nui kʼahˇ dawˬ tawˆ luꞈ byoˆ jiˇ tehꞈ-a. Aˇ saˬ saˬ-eu naˬ duˬ-ahˇ aˬ dui le luꞈ-awˇ, poˆ kaˬ lehˆ kawˆ-ahˇ tsawˇ ngoeˇ ngoeˇ-eu teˇ saˇ gaˬ doˆ laˇ tehꞈ-a.

Yeˬlaˬmiˇ 13:24

Kʼaˇ shuiꞈ deh ga paw neh oe-euˬ jaˬ lehˇ lehˇ ma, gʼo yoeˬ baw byoˆ gʼeh-eu loꞈ-ehˇ, Sahˬpaˬ Miˬyehˇ naw maꞈ-ahˇ byaˆ dzeh nehˬ tehꞈ-a.

Yeˬlaˬmiˇ 24:10

Aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le ma.”

Yeˬlaˬmiˇ 25:27

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Yeˬlaˬmiˇ 29:17

Baoˬ huiˬ-eu Sahˬpaˬ Miˬyehˇ ehˇ-eu, ‘Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le-awˇ, maˬ dzaˬ nya ni buꞈ-iˇ taˬ-euˬ siˬ guˬ aˇ siˬ loꞈ-ehˇ, aˬ yawꞈ maꞈ-ahˇ ngaˇ bi pyeuꞈ-iˇ ma.

Yeˬlaˬmiˇ 44:27

Naw maꞈ maˬ baw maˬ za le-eu uˬ taꞈ, ya luˬ ya seˇ-iˇ gaˇ ngaˇ haw ma. Naw maꞈ tiˬ gʼaˬ-iˬ maˬ dzeuˇ-iˇ nya ni, guiˇ deuˆ-eu baˬ da neh maˬ ngeuˇ naˇ, naˇ-eu gawˇ-eu baˬ da neh ya shiˇ jiˇ tehꞈ-a.

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Yeˬlaˬmiˇ 8:19

Miˇ kʼahˬ kʼahˬ lah ni naˇ haˬ doe haw sheˇ. Ngaˬ-euˬ tsawˇ jeuˬ ngoeˇ-eu gaˬ laˇ miˇ-a. “Sahˬpaˬ Miˬyehˇ Ziˇoˬ-ahˇ maˬ paˇ jawˇ meh loˇ. Ziˇoˬ sahˬ paˬ cehˆ byoˆ mehˬ loˇ.” Sahˬpaˬ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, ngaˇ nui ma pehˇ laˇ ni naw maꞈ mˇ teˬ. Gaˇ dahˇ maˬ tsoeˬ leˇ-eu boeˇ miˬ siˬ kʼaˬ miˬ yehˇ mehˬ shi, aˬ jeˬ baˬ da neh awˆ byaˆ te.”

Yeˬsaˬgeˬlaˇ 11:17

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ ehˇ nehˬ-awˇ, Ngaˬ neh teh byaˆ-awˇ bi jawˇ-euˬ miˇ kʼahˬ deuˬ laꞈ kʼoeˇ neh aˬ yawꞈ maꞈ-ahˇ ngaˇ sheuˬ kʼoꞈ-awˇ, Iˇsaˬleˬlaˆ miˇ kʼahˬ biꞈ kʼoꞈ nehˬ ma.

Yeˬsaˬgeˬlaˇ 12:15

“Aˬ cawˬ miˇ kʼahˬ-ahˇ aˬ cawˬ tsawˇ jeuˬ yaw kaˬ-ahˇ, aˬ yawꞈ maꞈ-ahˇ ngaˇ teh byaˆ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.

Yeˬsaˬgeˬlaˇ 14:17

“Maˬ ngeuˇ naˇ, miˇ kʼahˬ kʼoeˇ kʼahˬ kʼoeˇ taˆ guiˇ deuˆ-eu jeˬ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi sehꞈ cuˆ-eu gʼaˇ duˬ, laˆ sehꞈ laˆ naˇ-eu keu ka deuˬ bi hehˇ ahˇ leꞈ ma.

Yeˬsaˬgeˬlaˇ 20:23

Kʼoeˇ miˇ neh, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ ngaˇ heu loꞈ-ehˇ saˇ jaˇ paˇ dzaˬ-euˬ ma. Aˬ yawꞈ maꞈ-ahˇ miˇ kʼahˬ doe ni teh byaˆ nehˬ ma lehˇ ngaˇ ehˇ tsehˆ nehˬ-euˬ ma.

Yeˬsaˬgeˬlaˇ 27:2

“Tsawˇ haˬ zaˬ-oˇ, Duˇlu meuˬ gʼaˇ duˬ tsawˇ ngoeˇ ngoeˇ-eu caˇ dawˬ caˇ nehˬ-awˬ.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Aˬmoˆ 5:16

Kʼoeˇ miˇ neh, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu, “Meuˬ laꞈ kʼoeˇ jaˆ-eu gaˇ ma doe ni noeˬ shaˬ-awˇ ui ui-ehˇ ngoeˇ tehꞈ-a. Tsawˇ ngoeˇ ngoeˇ dzaˬ-eu deuˬ nehˬ-ehˇ tsawˇ haˬ shiˇ taˬ-euˬ gaˇ tsawˇ ngoeˇ bi ngoeˇ caw-eu gʼaˇ duˬ, deh yaˇ mˇ dzaˬ-eu shaˬ zaˬ zahˬ zaˬ deuˬ-ahˇ keuˆ ni ya kuˇ gaˇ keuˆ tehꞈ-a.

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Dawˬmehˬ 28:25

“Nawˬ-ahˇ muiˇ-eu deuˬ nawˬ-ahˇ gʼaˬ leˇ ni Sahˬpaˬ Miˬyehˇ jahˇ tehꞈ-a. Naw maꞈ dawˬ tawˆ luꞈ tiˬ paw dzeˇ neh tehꞈ-ehˇ iˇ-awˇ aˬ yawꞈ maꞈ-ahˇ guiˇ deuˆ-iˇ kʼawꞈ, teu paw heu paw ehˇ tsaˬ maˬ siˬ ni ya cehˆ byaˆ-awˇ, naw maꞈ kʼoeˇ taˆ keuˆ le teuˇ le-eu jeˬ-ahˇ ya mawˇ ngeh, miˇ tsaˬ kʼoeˇ taˆ jawˇ-eu tsawˇ haˬ dawˬ tawˆ luꞈ tsawˬ guˆ-iˇ dui dui tehꞈ-a.

Dawˬmehˬ 28:36

“Nawˇ maˬ ehˇ, nawˬ-euˬ aˬ poeˬ aˬ bawˇ deuˬ maˬ ehˇ, dzeuˇ laˇ ngeh tiˬ jawˇ-iˬ maˬ jawˇ haw-euˬ boeˇ miˬ siˬ kʼaˬ deuˬ-euˬ miˇ kʼahˬ-ahˇ, nawˇ hawˇ-eu nawˬ-euˬ sahˬ paˬ-ahˇ Sahˬpaˬ Miˬyehˇ sheuˬ gʼeh tehꞈ-a. Kʼoeˇ gaˇ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ nawˇ uˬ duˬ ya tahˬ tehꞈ-a.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.