Yeˬlaˬmiˇ 9:10 - Akha

¹⁰ Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬlaˬmiˇ 9:10 ပူးပေါင်းရင်းမြစ်များ

Iˇsaˬyaˇ 41:15

Seuˬ yaw shuiꞈ taꞈ tsoꞈ-euˬ cehˇ diˬ lawˬ loꞈ-ehˇ, nawˬ-ahˇ ngaˇ bi pyeuꞈ laˇ ma. Gawˬ jawˬ deuˬ-ahˇ nawˇ diˬ meuˇ diˬ loeˇ-awˇ, gawˬ duˇ deuˬ-ahˇ kʼaˬ lehˇ laˆ lehˇ tehꞈ-a.

Iˇsaˬyaˇ 49:19

“Nawˬ-euˬ miˇ kʼahˬ cawˆ-iˇ-awˇ meuˬ tsoeˬ tsoeˬ-iˇ jiˇ-euˬ kʼawꞈ, jawˇ kʼoꞈ laˇ-eu tsawˇ haˬ myaˬ-eu miˇ neh, miˇ kʼahˬ nyiˇ-iˇ gaˇ duˇ tehꞈ-a. Nawˬ-ahˇ laˆ cawˆ yaꞈ-eu deuˬ-aˬ, gaˇ mahˇ kaˬ gaˇ bi teh byoˆ jiˇ tehꞈ-a.

Yeˬlaˬmiˇ 12:10

Boeˇ miˬ siˬ kʼaˬ sahˬ paˬ sahˬ ma deuˬ ga uiˬ-awˇ, ngaˬ-euˬ aˬ gaꞈ yaˇ kmˇ laˆ cawˆ-euˬ meh. Ngaˬ-euˬ deh yaˇ aˬ yawꞈ maꞈ nawˬ pahˬ-awˇ, muiˬ dui dui-eu miˇ tsaˬ kʼoeˇ-ahˇ kʼaˇ shuiꞈ deh yaˇ laˆ pyeuꞈ-eu meh.

Yeˬlaˬmiˇ 12:11

Miˇ kʼahˬ kʼoeˇ-ahˇ kʼaˇ shuiꞈ deh yaˇ bi pyeuꞈ-iˇ-awˇ, ngaˬ-euˬ mehˬ shi yaw cawˆ-ehˇ jaˆ-eu meh. Miˇ kʼahˬ kʼahˬ lah kʼaˇ shuiꞈ deh pyeuꞈ-iˇ-awˇ, tsawˇ haˬ tiˬ gʼaˬ-iˬ myaˆ haw maˬ cawˬ-a.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 14:6

Bawˇ tsahˬ mahˬ tahˬ laˆ deuˬ gawˬ duˇ uˬ du yawꞈ-awˇ, bawˇ tsahˬ aˬ kuiˬ loꞈ-ehˇ saꞈ gʼawˇ ma ma luꞈ-awˇ, dzaˇ maˬ ya dzaˬ-eu baˬ da neh, myaˆ nuiˆ maˬ mawˇ nya-a.

Yeˬlaˬmiˇ 2:15

Aˇ laˬ jaˬ shiˇ loꞈ-ehˇ aˬ yawꞈ maꞈ aˬ yawꞈ-ahˇ lmˬ-awˇ, aˬ yawꞈ-euˬ miˇ kʼahˬ kʼaˇ shuiꞈ deh yaˇ laˆ pyeuꞈ-awˇ, aˬ yawꞈ-euˬ meuˬ deuˬ cawˆ jiˇ-awˇ, meuˬ tsoeˬ tsoeˬ jiˇ-euˬ meh.

Yeˬlaˬmiˇ 2:6

Iˇjiˇtuˆ miˇ kʼahˬ-ahˇ aˬ yawꞈ maꞈ-ahˇ ngaˬ neh ka kʼoꞈ doˆ-awˇ, kʼaˇ shuiꞈ tehꞈ-ehˇ jaˆ-eu miˇ kʼahˬ, gui coˇ ni gʼeh-eu guˆ-eu gaˆ-eu miˇ kʼahˬ, tsawˇ haˬ zaˬ maˬ jawˇ-eu miˇ kʼahˬ, maˬ iˇ maˬ laˇ tsehˆ-eu miˇ kʼahˬ pyeuꞈ-eu, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ sheuˬ doˆ-euˬ kʼawꞈ, ngaˇ jawˇ meh lehˇ aˬ yawꞈ maꞈ tiˬ pawꞈ-iˬ maˬ noeˬ-a.

Yeˬlaˬmiˇ 23:10

Sahˬpaˬ Miˬyehˇ-ahˇ saˇ jaˇ maˬ ziꞈ-eu tsawˇ haˬ, miˇ kʼahˬ heu kʼahˬ laꞈ kʼoeˇ byah-awˇ, haiˬ-eu jeˬ-ahˇ poˆ-awˇ dehꞈ-eu laꞈ kʼoeˇ, aˬ yawꞈ maꞈ-euˬ baoˬ-ahˇ yehˬ bawˬ-ehˇ zmˬ-eu meh. Sahˬpaˬ Miˬyehˇ yaˬ kʼehˇ yaˬ-euˬ miˇ neh,. miˇ tsaˬ tahˬ kʼawˇ tsawˇ ngoeˇ ngoeˇ-awˇ, jeˬ zaˬ gaˆ kʼahˬ nyoeˬ-iˇ koˆ-iˇ-eu meh.

Yeˬlaˬmiˇ 50:3

“Laꞈ taˆ paw pyawˬ-ahˇ jawˇ-eu tsawˇ jeuˬ tiˬ jeuˬ Baˬbuˇloˬ miˇ kʼahˬ-ahˇ guiˇ deuˆ le-awˇ, kʼaˇ shuiꞈ deh ga laˆ pyeuꞈ nehˬ yaꞈ tehꞈ-a. Tsawˇ haˬ hawˇ-eu jeˬ zaˬ dawˬ tawˆ luꞈ cehˆ byoˆ jiˇ-awˇ, tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.”

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Yeˬlaˬmiˇ 8:18

Ngaˇ noeˬ shaˬ-eu maˬ byoˆ-iˇ nya miˇ-a. Nui ma shaˬ zahˬ mˇ-eu maˬ jiˇ miˇ-a.

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Ngoeˇ dawˬ 5:18

Ziˇoˬ gawˬ jawˬ ciˬ cuˇ jaˆ-awˇ, bawˇ tsahˬ kʼaˬ yehˇ gaˆ dzaˬ luꞈ meh.

Yeˬsaˬgeˬlaˇ 14:15

“Maˬ ngeuˇ naˇ, tsawˇ haˬ-ahˇ laˆ sehꞈ-eu jeˬ zaˬ yaw haiˬ deuˬ ngaˇ pyehˬ gʼeh leꞈ-awˇ, miˇ kʼahˬ kʼoeˇ kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ iˇ maˬ laˇ nya ni bi laˆ shaˬ ma.

Yeˬsaˬgeˬlaˇ 27:2

“Tsawˇ haˬ zaˬ-oˇ, Duˇlu meuˬ gʼaˇ duˬ tsawˇ ngoeˇ ngoeˇ-eu caˇ dawˬ caˇ nehˬ-awˬ.

Yeˬsaˬgeˬlaˇ 29:11

Kʼoeˇ gaˇ tsawˇ haˬ hawˇ-eu jeˬ zaˬ cah tsehˆ-eu maˬ jawˇ ni pyeuꞈ-iˇ tehꞈ-a. Oeˬ tseˇ kʼoꞈ byah ni tiˬ jeˬ-iˬ maˬ dehꞈ maˬ jawˇ ni pyeuꞈ-iˇ tehꞈ-a.

Yeˬsaˬgeˬlaˇ 33:28

Miˇ kʼahˬ heu cawˆ-iˇ-awˇ ciˬ cuˇ ni pyeuꞈ-iˇ ni ngaˇ jahˇ ma. Aˬ yawꞈ maꞈ nui kʼaˬ tsmˬ dui dui-euˬ baoˬ aˇ saˬ ya saˬ tehꞈ-a. Iˇsaˬleˬlaˆ gawˬ jawˬ deuˬ bawˇ tsahˬ tsahˬ ma ma-iˇ-awˇ, tsawˇ haˬ tiˬ gʼaˬ-iˬ maˬ iˇ maˬ laˇ tsehˆ ni byehˇ tehꞈ-a.

Yeˬsaˬgeˬlaˇ 6:6

Iˇsaˬleˬlaˆ miˇ kʼahˬ-ahˇ kʼaˇ jaˆ-eu meuˬ deuˬ dawˬ tawˆ luꞈ bi laˆ cawˆ jiˇ ma. Kʼoeˇ ngeh jawˇ, aˬ yawꞈ maꞈ-euˬ lawˇ duˬ deuˬ hawˇ-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ pyaˆ-iˇ shaˆ-iˇ jiˇ-awˇ, yaw saw jeˬ doꞈ damˬ duˬ kʼawꞈ cawˆ-iˇ jiˇ-awˇ, aˬ yawꞈ maꞈ-euˬ kuiˇ zaˇ laꞈ zaˇ dawˬ tawˆ luꞈ piˬ-iˇ byoˆ-iˇ jiˇ tehꞈ-a.

Hawˇseˬ 4:3

Kʼoeˇ loꞈ-ehˇ gʼeh-eu baˬ da neh, miˇ kʼahˬ heu tsawˇ ngoeˇ ngoeˇ laˇ-awˇ, meuˬ zaˬ deh zaˬ dawˬ tawˆ hawˇ-eu, bawˇ tsahˬ jeˬ zaˬ dawˬ tawˆ maˬ ehˇ, kʼoeˇ taˆ zaw-eu aˇ jiˇ hawˇ-eu, laˆ shaˆ ngaˬ shaˬ ngaˬ deˇ maˬ ehˇ, piˬ-iˇ byoˆ-iˇ jiˇ gaˇ keuˆ meh.”

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.

Yawˇlaˆ 1:19

Jeˬ zaˬ gaˆ kʼahˬ, aˇ bawˇ sahˬ kʼaˆ, miˬ dzaˬ neh bi puiˆ-euˬ loꞈ-ehˇ, nyoeˬ jiˇ kʼoˆ jiˇ-euˬ baˬ da neh, Sahˬpaˬ Miˬyehˇ-oˇ nawˬ-ahˇ ngaˇ, gaˇ kawˆ heu guˇ gaˬ luꞈ-eu ma.

Aˬmoˆ 5:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ gʼaˇ duˬ ngaˇ tsawˇ ngoeˇ ngoeˇ-eu laꞈ kʼoeˇ tsawˇ shiˇ caˇ dawˬ caˇ gaˇ naˇ haˬ sheˇ.

Aˬmoˆ 5:16

Kʼoeˇ miˇ neh, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu, “Meuˬ laꞈ kʼoeˇ jaˆ-eu gaˇ ma doe ni noeˬ shaˬ-awˇ ui ui-ehˇ ngoeˇ tehꞈ-a. Tsawˇ ngoeˇ ngoeˇ dzaˬ-eu deuˬ nehˬ-ehˇ tsawˇ haˬ shiˇ taˬ-euˬ gaˇ tsawˇ ngoeˇ bi ngoeˇ caw-eu gʼaˇ duˬ, deh yaˇ mˇ dzaˬ-eu shaˬ zaˬ zahˬ zaˬ deuˬ-ahˇ keuˆ ni ya kuˇ gaˇ keuˆ tehꞈ-a.

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.