Yeˬlaˬmiˇ 8:19 - Akha

¹⁹ Miˇ kʼahˬ kʼahˬ lah ni naˇ haˬ doe haw sheˇ. Ngaˬ-euˬ tsawˇ jeuˬ ngoeˇ-eu gaˬ laˇ miˇ-a. “Sahˬpaˬ Miˬyehˇ Ziˇoˬ-ahˇ maˬ paˇ jawˇ meh loˇ. Ziˇoˬ sahˬ paˬ cehˆ byoˆ mehˬ loˇ.” Sahˬpaˬ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, ngaˇ nui ma pehˇ laˇ ni naw maꞈ mˇ teˬ. Gaˇ dahˇ maˬ tsoeˬ leˇ-eu boeˇ miˬ siˬ kʼaˬ miˬ yehˇ mehˬ shi, aˬ jeˬ baˬ da neh awˆ byaˆ te.”

Yeˬlaˬmiˇ 8:19 ပူးပေါင်းရင်းမြစ်များ

Jaceuq 135:21

Ziˇoˬ gawˬ jawˬ kʼoeˇ taˆ aˬ yawꞈ-ahˇ ja ceuˬ-awˬ. Aˬ yawꞈ-euˬ nymˇ pyeuꞈ-eu Yeˬluˇsaˬlehˬ meuˬ laꞈ kʼoeˇ, aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 137:1

Baˬbuˇloˬ lawˇ baˬ dawˬ peh nga maꞈ nuiˇ-awˇ, Ziˇoˬ meuˬ-ahˇ noeˬ mawˇ-eu laꞈ kʼoeˇ tsawˇ ngoeˇ ngoeˇ-euˬ ma.

Jaceuq 146:10

Sahˬpaˬ Miˬyehˇ-aˬ, mˬ maˬ maˬ byaˆ zaˇ ziˇ sahˬ paˬ pyeuꞈ-eu meh. Ziˇoˬ meuˬ-oˇ, nawˬ-euˬ Miˬyehˇ uˆ lahˇ-eu jeˬ, mˬ maˬ maˬ byaˆ zaˇ ziˇ ziꞈ tehꞈ-a. Sahˬpaˬ Miˬyehˇ-ahˇ ja ceuˬ-awˬ.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 31:6

Maˬngeuˇ-eu miˬyehˇ-ahˇgʼoe-eu, tsawˇhaˬdeuˬ-ahˇnawˇ bye-eu meh. Nawˬ-ahˇtehꞈ-ehˇngaˇgʼoe-eu ma.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 13:5

Miˇ kʼahˬ kʼahˬ lah ni laˆ cawˆ jiˇ-eu gʼaˇ duˬ, Sahˬpaˬ Miˬyehˇ-euˬ nui kʼahˇ mˇ byah-eu lehˇ, mˬ dzeˇ miˇ dzeˇ miˇ kʼahˬ-ahˇ neh, aˬ yawꞈ maꞈ laˇ-euˬ meh.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 39:3

Kʼoeˇ naˇ, sahˬ paˬ Heˬsaˬgiˇ jawˇ gaˇ Iˇsaˬyaˇ le-awˇ, “Tsawˇ haˬ heu deuˬ aˬ geu gaˇ neh oe-awˇ, nawˬ-ahˇ aˬ jeˬ ehˇ le taˬ” lehˇ naˇ haˬ ngeh, “Aˬ yawꞈ maꞈ gaˇ mahˇ kaˬ dui dui-eu Baˬbuˇloˬ miˇ kʼahˬ-ahˇ neh oe-euˬ meh” lehˇ, Heˬsaˬgiˇ ehˇ kʼoꞈ nehˬ-euˬ meh.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Yeˬlaˬmiˇ 10:15

Miˬ yehˇ kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, tsawˇ haˬ zaˬ-euˬ cehꞈ lehꞈ ka duˬ tehꞈ meh. Sahˬpaˬ Miˬyehˇ zaꞈ le-awˇ kʼehˬ nehˬ ngeh, aˬ yawꞈ maꞈ byoˆ-iˇ laˆ-iˇ jiˇ tehꞈ-a.

Yeˬlaˬmiˇ 14:19

Sahˬpaˬ Miˬyehˇ nawˇ Yuˇdaˆ tsawˇ haˬ-ahˇ, byehˇ tsehˆ tsehˆ nehˬ laꞈ-euˬ ma loˇ. Ziˇoˬ meuˬ-ahˇ nawˇ maˬ haw nahˇ te loˇ. Nga maꞈ jaˆ gʼaˬ maˬ yaˇ taˬ nya gaˇ keuˆ, aˬ jeˬ miˇ neh nawˇ laˆ naˇ nehˬ laꞈ te. Nui saˇ oꞈ-eu jeˬ-ahˇ nga maꞈ poˆ kʼawꞈ, yaw muiˬ tiˬ jeˬ-iˬ maˬ baw-a. Naˇ gawˇ taˬ leˇ gaˇ nga maꞈ noeˬ tmˬ kʼawꞈ, guˆ-eu gaˆ-eu jeˬ paˇ keuˆ le-euˬ meh.

Yeˬlaˬmiˇ 14:9

Aˬ cawˬ neh ja pyuˬ ni bi nyehꞈ mi-euˬ tsawˇ haˬ hawˇ-eu ngehˬ maˬ gʼeh nehˬ nya-ehˇ pyeuꞈ-iˇ-euˬ yehˇ loꞈ-ehˇ, aˬ joˆ-ehˇ gʼeh laꞈ te. Sahˬpaˬ Miˬyehˇ nawˇ nga maꞈ nehˬ-ehˇ aˬ diˇ jawˇ luꞈ meh. Nga maꞈ nawˬ-euˬ tsawˇ haˬ pyeuꞈ luꞈ-eu ma. Nga maꞈ-ahˇ taˬ byehˇ dzeh nehˬ laꞈ.”

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Yeˬlaˬmiˇ 27:10

Aˬ yawꞈ maꞈ naw maꞈ-ahˇ mehˇ shuiˇ shuiˇ-awˇ, naw maꞈ-euˬ miˇ kʼahˬ-ahˇ neh gaˇ mahˇ kaˬ gaˇ naw maꞈ-ahˇ bi nyehꞈ byoˆ gʼeh-eu lehˇ tsawˇ gahˇ gahˇ-eu meh. Ngaˇ naw maꞈ-ahˇ teh doˆ-awˇ, naw maꞈ ya luˬ ya seˇ-iˇ tehꞈ-a.

Yeˬlaˬmiˇ 31:6

Meuˬ-ahˇ loꞈ piˇ-eu tsawˇ haˬ deuˬ, aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ, Ziˇoˬ gawˬ jawˬ-ahˇ le beuˇ lehˇ, Eˇpaˬleˬ miˇ kʼahˬ gawˬ jawˬ gawˬ duˇ kʼoeˇ taˆ guˇ tehꞈ-a.”

Yeˬlaˬmiˇ 32:30

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, nyiˇ ngeh neh ngaˇ nui ma maˬ saˇ-eu jeˬ tehꞈ-ehˇ mˇ-euˬ meh.

Yeˬlaˬmiˇ 7:19

Ehˇ kʼawꞈ, ngaˬ-ahˇ bi coeˬ laˇ-eu jeˬ aˬ yawꞈ maꞈ mˇ luꞈ ta loˇ. Maˬ ngeuˇ-a. Yawˬ haˇ yawˬ ha bi coeˬ leˇ-awˇ, yawˬ haˇ yawˬ ha daˬ laˆ ga-eu jeˬ aˬ yawꞈ maꞈ mˇ luꞈ-eu meh.

Yeˬlaˬmiˇ 8:20

Ngaˬ-euˬ tsawˇ jeuˬ ngoeˇ-awˇ ehˇ-eu, “Cehˇ laˆ luiˆ-eu aˇ yamˬ dzeuˇ-awˇ, jawˇ la buˬ-iˇ-euˬ kʼawꞈ, aˬ dui-ahˇ ka kʼoꞈ-euˬ jeˬ maˬ keuˆ le-aˬ siˬ.”

Yeˬlaˬmiˇ 9:16

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”

Yeˬsaˬgeˬlaˇ 48:35

Meuˬ meuˬ lahˇ tiˬ jawˬ oeˬ heˇ ngaˬ yaˇ lmˇ byah-eu meh. Aˬ kaˇ naˇ, meuˬ kʼoeˇ meuˬ-euˬ tsawˇ myahˇ-aˬ, “ Sahˬpaˬ Miˬyehˇ heu gaˇ jawˇ meh” lehˇ ya kuˇ paˇ tehꞈ-a.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Yawˇlaˆ 3:21

Shiˬ laˆ yoeˇ-euˬ tsawˇ haˬ deuˬ-ahˇ, maˬ bi dzeuˇ-iˇ ni kʼehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, Ziˇoˬ gawˬ jawˬ kʼoeˇ taˆ jawˇ ma.”

Aaˇbaˬdiˇ 1:17

“Ehˇ kʼawꞈ, Ziˇoˬ gawˬ jawˬ kʼoeˇ taˆ, tiˬ paˆ na deuˬ ya cehˆ buˬ-awˇ, gawˬ jawˬ kʼoeˇ jawˬ muiˬ-eu shawˇ-eu, jawˇ duˬ tiˬ tsahˇ pyeuꞈ laˇ tehꞈ-a. Yaˬkoˆ-euˬ zaˬ deuˬ uˆ deuˬ-aˬ, aˬ yawꞈ maꞈ-ahˇ oꞈ-eu miˇ kʼahˬ, aˬ yawꞈ maꞈ paˇ za kʼoꞈ tehꞈ-a.

Miˇkaˬ 4:9

Aˬ jeˬ miˇ neh nawˇ yaw kʼaˆ-ehˇ guˇ guˇ-ehˇ ngoeˇ te. Aˬ jeˬ miˇ neh zaˬ baw luꞈ-eu zaˬ miˬ zaˬ tiˬ gʼaˬ loꞈ-ehˇ nawˇ shaˬ zahˬ mˇ luꞈ te. Nawˬ-euˬ sahˬ paˬ hawˇ-eu nawˬ-ahˇ nui noeˬ nui duˇ biꞈ-eu deuˬ maˬ jawˇ-ehˇ pyeuꞈ-iˇ-euˬ miˇ neh te loˇ.

Zeˬpaˬniˇ 3:15

Nawˬ-ahˇ kʼehˬ nehˬ kʼaˆ nehˬ-eu jeˬ, Sahˬpaˬ Miˬyehˇ yuˇ dzeh jiˇ-awˇ, nawˬ-ahˇ muiˇ-eu deuˬ dawˬ tawˆ luꞈ, aˬ yawꞈ teh dzeh byoˆ jiˇ-euˬ meh. Iˇsaˬleˬlaˆ sahˬpaˬ pyeuꞈ-eu, Sahˬpaˬ Miˬyehˇ nawˬ nehˇ jawˇ-awˇ, nawˇ guˆ-eu jeˬ maˬ paˇ jaˆ meh.

Zaˬkaˬliˇ 2:9

“Sahˬpaˬ Miˬyehˇ naw maꞈ-ahˇ guiˇ deuˆ-awˇ, naw maꞈ-euˬ zaˬ kʼaˆ deuˬ neh naw maꞈ-ahˇ tahˇ joe paˇ bi joe dzaˬ gaˇ keuˆ tehꞈ-a” lehˇ, Sahˬpaˬ Miˬyehˇ ehˇ-eu meh. Kʼoeˇ loꞈ-ehˇ pyeuꞈ laˇ ngeh jawˇ, Baoˬ huiˬ-eu Sahˬpaˬ Miˬyehˇ neh ngaˬ-ahˇ kʼehˇ gʼeh leꞈ-euˬ gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Dawˬmehˬ 31:17

Kʼoeˇ loꞈ-ehˇ pyeuꞈ laˇ ngeh, aˬ yawꞈ maꞈ-ahˇ ngaˇ nui ma pehˇ ma. A yawꞈ maꞈ-ahˇ ngaˇ byehˇ dzeh nehˬ-awˇ, aˬ yawꞈ maꞈ ya luˬ ya seˇ-iˇ tehꞈ-a. Guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ aˬ yawꞈ maꞈ kʼoeˇ taˆ keuˆ le tehꞈ-a. Kʼoeˇ ngeh, aˬ yawꞈ maꞈ-euˬ Miˬyehˇ pyeuꞈ-eu ngaˇ, aˬ yawꞈ maꞈ nehˬ-ehˇ maˬ paˇ jawˇ-eu miˇ neh kʼoeˇ loꞈ-ehˇ gʼeh-eu jeˬ keuˆ le-eu nga lehˇ, aˬ yawꞈ maꞈ ya siˬ duˬ tehꞈ-a.

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.