Yeˬlaˬmiˇ 8:17 - Akha

¹⁷ Sahˬpaˬ Miˬyehˇ heu loꞈ-ehˇ ehˇ-eu meh. “Haw yawˬ. Doꞈ kʼaˆ-eu aˇ lawˇ-ahˇ, naw maꞈ jawˇ gaˇ ngaˇ pyehˬ leꞈ ma. Aˇ lawˇ-ahˇ toˇ naˬ nya-eu deuˬ toˇ gaˇ maˬ naˇ haˬ-ehˇ, aˇ lawˇ kʼoeˇ deuˬ naw maꞈ-ahˇ toˆ tehꞈ-a.”

Yeˬlaˬmiˇ 8:17 ပူးပေါင်းရင်းမြစ်များ

Jaceuq 58:6

Miˬyehˇ-oˇ, guˆ laˇ paˬ-ehˇ gʼeh-eu aˇ laˬ jaˬ shiˇ heu deuˬ-euˬ juiˇ ngawˬ kʼehꞈ nehˬ-awˬ.

Dawˬ tsoˆ 10:11

Aˇ lawˇ neh jeˬ huˬ bi toˆ shaw naˇ, aˇ lawˇ-ahˇ laˆ yah nya-eu tsawˇ gahˇ tiˬ jeˬ-iˬ gaˇ dahˇ maˬ paˇ tsoeˬ meh.

Iˇsaˬyaˇ 14:29

“Piˇliˇtiˆ tsawˇ haˬ kʼaˇ jawˇ kʼaˇ deuˬ-oˇ, naw maꞈ-ahˇ diˬ-eu daˇ cuiˇ kʼehꞈ-iˇ-euˬ miˇ neh, naw maꞈ laˬ kʼaˬ taˬ cehˇ. Shiˇ dzeuˇ-euˬ aˇ lawˇ kʼoeˇ mawˇ-euˬ duˬ ciˇ-ahˇ, doꞈ kʼaˆ dzehˬ-eu aˇ lawˇ yaw shuiꞈ doˆ laˇ tehꞈ-a. Aˇ lawˇ ya uˆ ceuꞈ deˇ laˇ ngeh, zaw nya-eu aˇ lawˇ ceuꞈ doˆ leꞈ tehꞈ-a.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Bawˇtsahˬ 21:6

Kʼoeˇ ngeh, Sahˬpaˬ Miˬyehˇ aˬ yawꞈ maꞈ jawˇ gaˇ doꞈ kʼaˆ-eu aˇ lawˇ pyehˬ gʼeh leꞈ-awˇ, Iˇsaˬleˬlaˆ tsawˇ haˬ gʼawˬ mya ni aˇ lawˇ neh bi toˆ sehꞈ-eu meh.

Dawˬmehˬ 32:24

Mehꞈ-eu baˬ da ziˇ ya jiˇ-awˇ, naˇ-eu baˬ da ya shiˇ tehꞈ-a. Bawˇ tsahˬ jeˬ zaˬ pyehˬ gʼeh leꞈ-awˇ, aˬ yawꞈ maꞈ-ahˇ bi kawꞈ sehꞈ ma. Doꞈ kʼaˆ aˇ lawˇ pyehˬ gʼeh leꞈ-awˇ, aˬ yawꞈ maꞈ-ahˇ bi toˆ sehꞈ ma.

Panmaeq 9:19

Aˬ jeˬ miˇ neh ehˇ naˇ, mahˬ kʼoeˇ deuˬ-euˬ baoˬ-aˬ, kʼaˬ meh hawˇ-eu dawˬ miˬ-ahˇ ahˇ-eu meh. Aˬ yawꞈ maꞈ-euˬ dawˬ miˬ-aˬ, uˬ duˬ tsoꞈ-awˇ, aˇ lawˇ-ahˇ duˇ-eu meh. Dawˬ miˬ kʼoeˇ neh tsawˇ haˬ zaˬ-ahˇ laˆ tahˬ laˆ naˇ nehˬ-eu meh.