Yeˬlaˬmiˇ 8:13 - Akha

¹³ “Yaˇ kmˇ mˇ-eu deuˬ aˇ siˬ pyaˆ uiˬ-eu loꞈ-ehˇ, ngaˬ-euˬ tsawˇ haˬ deuˬ-ahˇ ngaˇ pyaˆ uiˬ mawꞈ-eu ma. Ehˇ kʼawꞈ, aˇ siˬ maˬ siˬ le-ehˇ aˇ paꞈ nyoeˬ-iˇ taˬ-euˬ, aˬ gaꞈ baw duˆ hawˇ-eu siˬ guˬ aˇ bawˇ-ahˇ duˇ-eu meh. Kʼoeˇ baˬ da neh gʼoˆ baˬ laꞈ nyiˇ-euˬ tsawˇ jeuˬ-ahˇ, aˬ yawꞈ maꞈ-euˬ miˇ kʼahˬ ngaˇ biꞈ-euˬ ma.”

Yeˬlaˬmiˇ 8:13 ပူးပေါင်းရင်းမြစ်များ

Iˇsaˬyaˇ 5:10

Mawˇ neˇ tseˇ guMawˇ neˇ tiˬ gu-euˬ nyoˬ tsehˬ tiˬ kahˇ tsehˬ-eu meh.* tsehˬ-euˬ aˬ gaꞈ yaˇ kmˇ, aˬ gaꞈ dzaˇ uiˇ ciˬ cuˇ tiˬ siˬCiˬ cuˇ tiˬ siˬ ehˇ-eu-aˬ, 5 gaˬ laˬ maˬ ngeuˇ naˇ, 22 liˆ byah-eu meh.* tehꞈ-ehˇ za le tehꞈ-a. Siˬ yoeˬ tiˬ puˬ sehˬ-awˇ mˇ ngeh, cehˇ tiˬ pehˬ tehꞈ-ehˇ za le tehꞈ-a.

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Yeˬlaˬmiˇ 14:15

Ngaˬ neh pyehˬ gʼeh leꞈ-awˇ Miˬyehˇ gʼaˇ duˬ bi ngehˬ dah le-euˬ tsawˇ haˬ maˬ ngeuˇ gaˇ, ngaˬ-euˬ tsawˇ myahˇ-ahˇ dehˬ lehꞈ dehˬ lehꞈ-ehˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ miˇ kʼahˬ heu kʼahˬ kʼoeˇ taˆ maˬ keuˆ le-aˇ lehˇ ehˇ luꞈ-eu tsawˇ haˬ kʼoeˇ deuˬ-ahˇ, Sahˬpaˬ Miˬyehˇ pyeuꞈ-eu ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nawˬ-ahˇ ehˇ nehˬ nyaˇ. Guiˇ deuˆ-eu jeˬ hawˇ-eu mehꞈ-eu shuꞈ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.

Yeˬlaˬmiˇ 17:8

Tsawˇ haˬ kʼoeˇ gʼaˬ yaw dehꞈ dehꞈ-eu jeˬ-aˬ, lawˇ gawˆ dawˬ peh dehꞈ-eu aˇ bawˇ, iˇ cuꞈ-ahˇ duˬ ciˇ toeˬ puꞈ-awˇ, aˇ paꞈ nyoeˇ jawꞈ ni jaˆ luꞈ-eu miˇ neh, jawˇ la yaw lahˇ-ahˇ maˬ guˆ-ehˇ, uˬ yehˇ-ahˇ kʼahˬ maˬ ya lahˇ ni, aˇ siˬ siˬ-eu maˬ tsehˆ leˇ-eu aˇ bawˇ-ahˇ duˇ-eu meh.

Yeˬlaˬmiˇ 5:17

Naw maꞈ-euˬ dzaˬ la gʼo cehˇ aˬ yawꞈ maꞈ dzaˬ-awˇ, naw maꞈ-euˬ aˬ buˇ aˬ li deuˬ-ahˇ aˬ yawꞈ maꞈ sehꞈ tehꞈ-a. Naw maꞈ-euˬ yawˇ hawˇ-eu mawˇ neˇ sehꞈ dzaˬ-awˇ, aˬ gaꞈ yaˇ kmˇ, siˬ guˬ guˬ yaˇ, aˬ yawꞈ maꞈ laˆ cawˆ jiˇ tehꞈ-a. Naw maꞈ nui kʼaˬ tsmˬ-eu ziꞈ dah ni gʼeh-eu meuˬ deuˬ kʼawꞈ, aˬ yawꞈ maꞈ-euˬ guiˇ maꞈ neh bi laˆ cawˆ tehꞈ-a.

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Yeˬsaˬgeˬlaˇ 22:31

Ehˇ kʼawꞈ, maˬ poˆ mawˇ nya nya. Kʼoeˇ miˇ neh, ngaˇ nui ma pehˇ-eu jeˬ aˬ yawꞈ maꞈ kʼoeˇ taˆ bi keuˆ le-awˇ, aˬ yawꞈ maꞈ neh mˇ-euˬ jeˬ aˇ poeˬ, miˬ dzaˬ loꞈ-ehˇ aˬ yawꞈ maꞈ-ahˇ ngaˇ laˆ cawˆ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Hawˇseˬ 2:12

‘Ngaˬ-euˬ zaˬ kʼaˬ deuˬ neh ngaˬ-ahˇ, byawˬ gʼa poeˬ biꞈ-euˬ meh’ ehˇ-eu, yawꞈ-euˬ aˬ gaꞈ baw duˆ hawˇ-eu, siˬguˬ aˇ bawˇ kʼoeˇdeuˬ dawˬtawˆ, ngaˇ laˆ piˬ laˆ byoˆ jiˇ nehˬ ma. Bawˇ tsahˬ bawˇ dahˇ bi pyeuꞈ-iˇ-awˇ, bawˇ tsahˬ jeˬ zaˬ yaw haiˬ deuˬ neh, bi dzaˬ bi dawˇ byoˆ jiˇ leꞈ ma.

Yawˇlaˆ 1:7

Aˬ dui maꞈ-euˬ aˬ gaꞈ yaˇ kmˇ, aˬ yawꞈ maꞈ neh laˆ cawˆ jiˇ-awˇ, siˬ guˬ aˇ bawˇ dawˬ tawˆ luꞈ kʼawꞈ, aˬ yawꞈ maꞈ teuꞈ dzaˬ jiˇ-euˬ meh. Baˆ kʼoˆ dawˬ tawˆ luꞈ dzaˬ jiˇ-awˇ, uˬ laꞈ ba coˬ ni jaˆ-eu meh.

Uˬ duˬ 26:20

Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Haˬbaˬkuˆ 3:17

Siˬ guˬ aˇ yehˆ maˬ yehˆ le-ehˇ, aˬ gaꞈ aˇ siˬ maˬ siˬ le kʼawꞈ, Saˬ loˬ aˇ siˬ maˬ sahˇ le-ehˇ, dzaˬ la gʼo cehˇ maˬ za le kʼawꞈ, ciˬ myehꞈ hawˇ-eu yawˇ shiˇ jiˇ-awˇ, mawˇ neˇ mawˇ kuˆ ciˬ cuˇ jaˆ kʼawꞈ,

Haˬgaiˇ 1:11

Deh ga hawˇ-eu gawˬ jawˬ-ahˇ maˬ ehˇ, cehˇ yaˇ hawˇ-eu aˬ gaꞈ yaˇ-ahˇ maˬ ehˇ, saˬ loˬ tsiˇ aˇ bawˇ bawˇ yaˇ hawˇ-eu sahˬ lahˬ dawˬ tawˆ luꞈ kʼoeˇ taˆ maˬ ehˇ, tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, naw maꞈ neh kʼaˇ ka-euˬ yawˬ jeˬ na luꞈ kʼoeˇ taˆ maˬ ehˇ, uˬ yehˇ maˬ bi yehˇ le ni ngaˇ jahˇ-euˬ ma.”

Haˬgaiˇ 2:17

Naw maꞈ neh kʼaˇ ka taˬ-euˬ jeˬ bi cawˆ-iˇ jiˇ-eu lehˇ, lahˇ dui dui-eu jaˬ lehˇ hawˇ-eu, uˬ yehˇ aˇ siˬ deuˬ ngaˇ pyehˬ gʼeh leꞈ kʼawꞈ, naw maꞈ nui ma maˬ paˇ laˇ-a.

Maˬlaˬkiˇ 3:11

Naw maꞈ neh dzaˬ la gʼo cehˇ ka taˬ-euˬ gaˇ aˇ mawˇ maˬ bi teuꞈ cawˆ-eu uˬ taꞈ, naw maꞈ-euˬ aˬ gaꞈ yaˇ kmˇ-ahˇ aˬ gaꞈ aˇ siˬ bi loˆ le ma.

Maꞈtehˬ 21:19

Gaˇ ma gaˇ dzeˇ dehꞈ-eu siˬ guˬ aˇ bawˇ tiˬ bawˇ mawˇ-awˇ haw-iˇ ngeh, aˇ siˬ maˬ siˬ ni aˇ paꞈ tehꞈ-ehˇ mehˇ luꞈ gaˇ ya mawˇ-euˬ meh. “Aˬ kaˇ naˇ, nawˇ aˇ siˬ tiˬ jawˇ-iˬ maˬ paˇ siˬ le-aˇ” lehˇ, siˬ guˬ aˇ bawˇ kʼoeˇ bawˇ-ahˇ Yeˬsuˇ ehˇ nehˬ ngeh, aˇ bawˇ kʼoeˇ tiˬ poˆ tehꞈ-ehˇ nyoeˬ-iˇ koˆ-iˇ-euˬ meh.

Yaˬkoˆ 1:11

Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.