Yeˬlaˬmiˇ 7:5 - Akha

⁵ “Naw maꞈ dehꞈ jeˬ dehꞈ kawˆ paˇ-awˇ, naw maꞈ mˇ luꞈ shaˇ luꞈ-eu jeˬ-ahˇ byehˇ-awˬ. Tiˬ gʼaˬ tiˇ gʼaˬ dehꞈ tsaˬ dehꞈ tsahˇ geuꞈ-awˬ.

Yeˬlaˬmiˇ 7:5 ပူးပေါင်းရင်းမြစ်များ

Iˇsaˬyaˇ 1:19

Naw maꞈ nui ma keuˆ-eu laꞈ kʼoeˇ ngaˬ-eu ehˇ dawˬ naˇ haˬ naˇ, miˇ tsaˬ miˇ tsiˇ ya dzaˬ tehꞈ-a.

Iˇsaˬyaˇ 16:3

Aˬ yawꞈ maꞈ Yuˇdaˆ tsawˇ haˬ-ahˇ ehˇ-eu, “Aˬ joˆ-ehˇ jahˇ paˬ nga lehˇ mehˬ nehˬ laꞈ sheˇ. Nahˇ tsaˇ kʼaˆ ngeh aˇ bawˇ naˇ shmˇ awˆ-eu loꞈ-ehˇ, naw maꞈ-euˬ naˇ shmˇ uˬ moˆ gʼaˬ naˬ bi naˬ laꞈ-awˇ, ngehˬ gʼeh dah teˬ laꞈ-awˬ. Uˬ duˬ tahˬ shaˇ duˬ poˆ-eu nga maꞈ-ahˇ, tiˬ poˆ sheuˬ zaꞈ nehˬ laꞈ.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.

Yeˬlaˬmiˇ 22:15

Poeˬ-euˬ shuˬ liˇ daˇ kawˬ shaˇ-awˇ, aˬ cawˬ naˆ maˬ tseˇ muiˬ-eu nymˇ tsoˆ doˆ nya naˇ, maˬ gaˇ-eu sahˬ paˬ pyeuꞈ ta loˇ. Nawˬ da yaw dehꞈ dehꞈ-euˬ tiˬ jeˬ-iˬ ehˇ kʼaˇ maˬ za-a. Yaw tsaˬ yaw dawˇ dawˇ-ehˇ dehꞈ-euˬ miˇ neh, aˬ yawꞈ neh kʼaˇ mˇ kʼaˇ shaˇ yaꞈ-euˬ jeˬ, yawˬ jeˬ na luꞈ guiˬ lahˬ baw luꞈ-eu meh.

Yeˬlaˬmiˇ 22:3

“Yaw tsaˬ yaw dawˇ jeˬ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ dawˬ biꞈ-eu ma. Aˬ cawˬ neh mehˇ shuiˇ bi shuiˇ dzaˬ-euˬ tsawˇ haˬ deuˬ-ahˇ, mehˇ shuiˇ shuiˇ dzaˬ-eu tsawˇ haˬ deuˬ-euˬ aˬ laꞈ laꞈ kʼoeˇ neh ka kʼoꞈ doˆ nehˬ-awˬ. Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ nehˬ. Maˬ lehˬ maˬ ca-eu tsawˇ haˬ deuˬ-ahˇ muiˬ-eu shawˇ-eu jawˇ duˬ heu tsahˇ laꞈ kʼoeˇ taˬ sehꞈ.

Yeˬlaˬmiˇ 26:13

Naw maꞈ-euˬ dehꞈ jeˬ dehꞈ kawˆ hawˇ-eu, naw maꞈ mˇ luꞈ shaˇ luꞈ-eu jeˬ noeˬ paˇ jiˇ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ ya naˇ haˬ geuꞈ meh. Naw maꞈ kʼoeˇ loꞈ-ehˇ jahˇ naˇ, aˬ yawꞈ nui ma noeˬ paˇ-awˇ, naw maꞈ kʼoeˇ taˆ bi keuˆ le ma lehˇ aˬ yawꞈ neh ehˇ taˬ-euˬ jeˬ, maˬ bi keuˆ le ni byehˇ tehꞈ-a.

Yeˬlaˬmiˇ 7:3

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ-euˬ Miˬyehˇ heu loꞈ-ehˇ ehˇ-eu meh. ‘Naw maꞈ dehꞈ jeˬ dehꞈ kawˆ paˇ naˇ, miˇ kʼahˬ heu kʼahˬ laꞈ kʼoeˇ bi jawˇ daˆ leꞈ ma.

Yeˬsaˬgeˬlaˇ 18:17

Yaw haiˬ jeˬ aˬ yawꞈ maˬ mˇ-a. Pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ caw teh-awˇ, ngaˬ-euˬ dawˬ naˇ haˬ geuꞈ-eu meh. Aˬ yawꞈ aˬ da-euˬ iˬ baˇ baˬ da neh aˬ yawꞈ maˬ ya shiˇ-ehˇ maˇ maˇ ni ya dehꞈ tehꞈ-a.

Yeˬsaˬgeˬlaˇ 18:5

“Muiˬ dui dui-eu yaw sui yaw dawˇ tsawˇ haˬ tiˬ gʼaˬ jawˇ-eu ehˇ lawˬ.

Yeˬsaˬgeˬlaˇ 18:8

Aˬ yawꞈ pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Yaw haiˬ jeˬ maˬ mˇ-ehˇ, dawˬ ja kʼaˇ doˆ laˇ ngeh dawˇ coe ni jahˇ tsehˆ nehˬ-eu meh.

Uˬ duˬ 25:17

Iˇsaˬleˬlaˆ tsawˇ haˬ cawˬ cawˬ, tsawˇ gahˇ taˬ gahˇ dzaˬ. Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˬ.

Zaˬkaˬliˇ 7:7

Dawˬ heu dawˬ-aˬ, Yeˬluˇsaˬlehˬ meuˬ dehꞈ dzaˬ dui dui-awˇ tsawˇ haˬ behˇ dui dui ngeh yamˬ-ahˇ, Miˬyehˇ gʼaˇ duˬ ngehˬ dah-euˬ deuˬ-ahˇ gʼoeˇ-awˇ, Sahˬpaˬ Miˬyehˇ neh ehˇ dzeuˇ yaꞈ-euˬ dawˬ meh. Kʼoeˇ ngeh yamˬ-ahˇ, meuˬ meuˬ ma dawˬ peh jaˆ-eu meuˬ deuˬ laꞈ kʼoeˇ tehꞈ-ehˇ maˬ ngeuˇ ni, miˇ kʼahˬ laꞈ oˆ dzaˬ hawˇ-eu nahˇ ma ga kʼehˬ paw gawˬ jawˬ dawˬ dahˬ-ahˇ keuˆ ni tsawˇ haˬ jawˇ byah jiˇ-euˬ meh.

Yaˇ kʼaˬ daˇ 21:12

Jaˬbehˆ-euˬ aˇ jeuˬ laꞈ kʼoeˇ, miˬ daꞈ daꞈ shuiꞈ oeˬ yaˇ gʼaˬ aˬ yawꞈ maꞈ mawˇ-awˇ, Kaˬnaˬ miˇ kʼahˬ Shiˇloˬ meuˬ-ahˇ, aˬ yawꞈ maꞈ-euˬ taˆ jaˆ gaˇ sheuˬ kʼoꞈ laꞈ-euˬ meh.

Yaˇ kʼaˬ daˇ 5:1

Kʼoeˇ ngeh nah, Diˬboˇlaˬ hawˇ-eu Aˬbiˇnamˬ-euˬ aˬ li Baˬyehˇ aˬ nyaꞈ caˇ dawˬ heu bymˇ caˇ-euˬ meh.