Yeˬlaˬmiˇ 7:2 - Akha

² “Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ yawꞈ-awˇ, dawˬ heu deuˬ dzawˇ gaˬ nehˬ-awˬ. Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, gʼoˆ kʼehˬ heu kʼehˬ-ahˇ kʼaˇ uˇ laˇ-eu Yuˇdaˆ tsawˇ haˬ dawˬ tawˆ luꞈ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ.

Yeˬlaˬmiˇ 7:2 ပူးပေါင်းရင်းမြစ်များ

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

Jaceuq 122:2

Yeˬluˇsaˬlehˬ meuˬ-oˇ, nawˬ-euˬ lahˇ kʼehˬ laꞈ kʼoeˇ, nga maꞈ nymˬ-mˇ yawꞈ luꞈ ma.

Iˇsaˬyaˇ 1:10

Sawˇdoˬ meuˬ kʼoeˇ taˆ uˆ lahˇ-eu deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Gawˇmawˇlaˆ meuˬ-ahˇ jawˇ-eu tsawˇ haˬ deuˬ-oˇ, Miˬyehˇ mehˬ-eu tsoˆ-eu dawˬ-ahˇ naˬ bawˇ ciˬ kʼmˇ sheˇ.

Yeˬlaˬmiˇ 10:1

Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ Sahˬpaˬ Miˬyehˇ ehˇ luꞈ-eu dawˬ-ahˇ naˇ haˬ-awˬ.

Yeˬlaˬmiˇ 11:6

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-ahˇ gaˇ ma doe ni ngaˬ-euˬ dawˬ tsaꞈ gaˬ-iˇ-awˇ, dawˬ ma saˇ jaˇ-ahˇ taꞈ-eu dawˬ deuˬ-ahˇ naˇ haˬ-awˇ caw teh-awˬ lehˇ ehˇ nehˬ-awˬ.

Yeˬlaˬmiˇ 19:14

Kʼoeˇ naˇ, Sahˬpaˬ Miˬyehˇ ngaˬ-ahˇ kʼehˇ gʼeh-awˇ, aˬ yawꞈ-euˬ gʼaˇ duˬ bi ngehˬ dah-iˇ-euˬ Tawˇpehˆ lehˇ kuˇ-eu jawˇ duˬ kʼoeˇ tsahˇ-ahˇ neh ngaˇ doˆ laˇ-awˇ, Uˬ duˬ tahˬ nymˇ nymˇ ma-euˬ kmˇ cehˇ laꞈ kʼoeˇ yawꞈ-awˇ, tsawˇ haˬ dawˬ tawˆ luꞈ-ahˇ heu loꞈ-ehˇ ehˇ nehˬ-euˬ ma.

Yeˬlaˬmiˇ 2:2

“Yeˬluˇsaˬlehˬ meuˬ-ahˇ iˇ-awˇ, tsawˇ haˬ yawˬ gʼaˬ na luꞈ-ahˇ heu loꞈ-ehˇ ehˇ nehˬ-awˬ. “Iˇsaˬleˬlaˆ-oˇ, nawˇ yaw nyiˇ gʼeh ngeh, ngaˬ-ahˇ saˇ jaˇ ziꞈ-euˬ ngaˇ siˬ nya ma. Aˇ nyaꞈ sheuˬ dahˬ dzaˬ-euˬ yaw shuiꞈ pyeuꞈ ngeh, nawˇ ngaˬ-ahˇ gaˬ dui dui-euˬ meh. Kʼaˇ shuiꞈ deh ga bawˇ tsahˬ bawˇ dahˇ hawˇ-eu, yaˇ maˬ mˇ dzaˬ haw-euˬ miˇ gahˬ gahˬ ma laꞈ kʼoeˇ, ngaˬ-euˬ mehˬ nah nawˇ caw teh laꞈ-euˬ meh.

Yeˬlaˬmiˇ 2:4

Yaˬkoˆ-euˬ zaˬ Yaˬkoˆ-euˬ uˆ, Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬlaˬmiˇ 26:2

Sahˬpaˬ Miˬyehˇ ngaˬ-ahˇ ehˇ-eu, “Uˬ duˬ tahˬ nymˇ nymˇ ma-euˬ pu ka yawꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-awˇ, kʼoeˇ gaˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ-ahˇ, ngaˬ neh nawˬ-ahˇ biꞈ taˬ-euˬ dawˬ deuˬ tiˬ dawˬ-iˬ maˬ dzeˇ ni dzawˇ mehˬ nehˬ-awˬ.

Yeˬlaˬmiˇ 28:5

Kʼoeˇ naˇ, piˇ ma deuˬ hawˇ-eu Uˬ duˬ tahˬ nymˇ nymˇ ma laꞈ kʼoeˇ kʼaˇ yawꞈ luꞈ-eu tsawˇ haˬ deuˬ mehˬ shi, Haˬnaˬniˇyaˆ-ahˇ ngaˇ heu loꞈ-ehˇ ehˇ nehˬ-euˬ ma.

Yeˬlaˬmiˇ 34:4

Zeˬdaˬkiˇ-oˇ, nawˬ-euˬ gaˇ kawˆ ngaˇ ehˇ gaˇ naˇ haˬ sheˇ. Guiˇ deuˆ-eu laꞈ kʼoeˇ nawˇ maˬ ya shiˇ-aˇ.

Yeˬlaˬmiˇ 36:10

Kʼoeˇ naˇ, tsawˇ haˬ dawˬ tawˆ luꞈ naˇ haˬ luꞈ ngeh, ngaˬ neh gui ka ka nehˬ-euˬ dawˬ deuˬ boꞈ ahˇ jiˇ taˬ-euˬ sahˬ boꞈ paˇ yoˆ kʼoeˇ yoˆ, Baˬluˆ gui mehˬ nehˬ-euˬ meh. Shaˇpaˬ-euˬ aˬ li pyeuꞈ-eu Uˬ duˬ tahˬ nymˇ nymˇ ma -euˬ saˇ naˇ gaˇ tuˆ tehˬ luꞈ-eu Geˬmaˬliˇyaˆ-euˬ aˇ lawˆ laꞈ kʼoeˇ uˇ-awˇ, aˬ yawꞈ gui mehˬ-euˬ meh. Aˇ lawˆ kʼoeˇ lawˆ-aˬ, Uˬ duˬ tahˬ nymˇ nymˇ ma-euˬ poˆ kaˬ laꞈ taˆ kaˬ-ahˇ, Gʼoˆ kʼehˬ yaw shuiꞈ lehˇ kuˇ-eu kʼoeˇ kʼehˬ dawˬ peh jaˆ-eu meh.

Yeˬlaˬmiˇ 36:6

Ehˇ kʼawꞈ, miˇ kʼahˬ zaˬ deuˬ maˬ dzaˬ maˬ dawˇ ni lah-eu aˇ nah paˇ keuˆ laˇ ngeh, nawˬ-ahˇ kʼoeˇ gaˇ bi uˇ leˇ-awˇ, ngaˬ neh nawˬ-ahˇ gui ka ka nehˬ-awˇ bi boꞈ-euˬ, Sahˬpaˬ Miˬyehˇ neh ehˇ taˬ-euˬ dawˬ kʼoeˇ deuˬ dawˬ tawˆ luꞈ-ahˇ, yawˬ gʼaˬ na luꞈ ya gaˬ ni, sahˬ boꞈ paˇ yoˆ kʼoeˇ bi gui nehˬ leˇ mawꞈ-eu ma. Yawˬ ha kʼaˇ jawˇ-eu meuˬ-ahˇ neh laˇ uiˬ taˬ-euˬ Yuˇdaˆ tsawˇ haˬ deuˬ ahˇ leˇ-ehˇ, tsawˇ haˬ yawˬ gʼaˬ na luꞈ gaˬ nya-eu tsahˇ-ahˇ jawˇ-awˇ, yaw kʼaˆ kʼaˆ-ehˇ guˇ-awˇ gui mehˬ nehˬ-awˬ.

Yeˬlaˬmiˇ 44:24

Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ-ahˇ ngaˇ heu loꞈ-ehˇ ehˇ nehˬ-euˬ ma. “Yuˇdaˆ miˇ kʼahˬ-ahˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ le-euˬ tsawˇ haˬ dawˬ tawˆ luꞈ Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬlaˬmiˇ 7:1

Sahˬpaˬ Miˬyehˇ-euˬ dawˬ Yeˬlaˬmiˇ jawˇ gaˇ heu loꞈ-ehˇ keuˆ le-euˬ meh.

Yeˬsaˬgeˬlaˇ 37:1

Sahˬpaˬ Miˬyehˇ-euˬ aˬ laꞈ ngaˬ-euˬ kʼoeˇ taˆ keuˆ le-awˇ, shaˬ yoeˬ yaw koˆ ga byah taˬ-euˬ deh kʼawꞈ-ahˇ, aˬ yawꞈ-euˬ yaw sahˇ ngaˬ-ahˇ sheuˬ gʼeh nehˬ laꞈ-euˬ meh.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Aˬmoˆ 7:16

Nymˬ-mˇ Sahˬpaˬ Miˬyehˇ ehˇ gaˇ naˇ haˬ sheˇ. Miˬyehˇ gʼaˇ duˬ ngehˬ dah ngehˬ dah-ehˇ Iˇsaˬleˬlaˆ tsawˇ haˬ deuˬ-ahˇ bi coeˬ leˇ-eu dawˬ taˬ paˇ ngehˬ lehˇ nawˇ ngaˬ-ahˇ ehˇ-eu meh.

Miˇkaˬ 1:2

Tsawˇ jeuˬ dawˬ tawˆ luꞈ naˇ haˬ sheˇ. Miˇ tsaˬ tsawˇ haˬ zaˬ dawˬ tawˆ luꞈ, naˬ bawˇ ciˬ kʼmˇ-awˇ naˇ haˬ sheˇ. Naw maꞈ yaw doeˇ mˇ-euˬ gaˇ kawˆ, Baoˬ huiˬ-eu Sahˬpaˬ Miˬyehˇ-aˬ, naw maꞈ-ahˇ saˇ kiˇ kamˬ tehꞈ-a. Naˇ haˬ sheˇ. Mˬ taˆ aˬ yawꞈ-euˬ nymˇ laꞈ kʼoeˇ, aˬ yawꞈ dawˬ ngehˬ gaˇ naˇ haˬ sheˇ.

Miˇkaˬ 3:1

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-oˇ, ngaˇ ehˇ gaˇ naˇ haˬ sheˇ. Miˇ kʼahˬ zaˬ deuˬ yaw tsaˬ yaw dawˇ dawˇ-ehˇ dehꞈ ni naw maꞈ haw-eu tsaˬ meh.

Miˇkaˬ 3:9

Yaw tsaˬ yaw dawˇ jeˬ-ahˇ bye-awˇ, yaw tsaˬ jeˬ-ahˇ yaw lehˬ jeˬ laˆ pyeuꞈ-eu Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ.

Maꞈtehˬ 13:9

Naˬ bawˇ kʼaˇ tsoꞈ-eu deuˬ naˇ haˬ-awˬ.”

Yoˇhaˬ 18:20

Yeˬsuˇ ehˇ-eu, “Ngaˇ aˬ cawˬ-ahˇ dawˬ kʼaˇ ngehˬ cawˬ ngeh, tsawˇ haˬ gʼawˬ mya ni jawˇ-eu mehˬ shi bya cehˆ ni ngehˬ cawˬ-euˬ ma. Tsawˇ haˬ dawˬ tawˆ luꞈ uiˬ laˇ-eu jawˇ duˬ pyeuꞈ-eu uˬ duˬ tahˬ nymˇ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ tehꞈ-ehˇ ngaˇ mehˬ-euˬ tsoˆ-euˬ ma. Yaw zaꞈ-ahˇ ngehˬ kʼoeˬ tmˇ kʼoeˬ-euˬ tiˬ jeˬ-iˬ maˬ jaˆ.

Gʼaˬkʼehˇ 5:20

“Uˬ duˬ tahˬ nymˇ nymˇ ma laꞈ kʼoeˇ yawꞈ leˇ-awˇ, yaw shuiꞈ dehꞈ paˇ-euˬ gaˇ kawˆ heu tiˬ byah tiˬ loꞈ ja mehˬ leˇ-awˬ.”

Gʼaˬkʼehˇ 5:42

Kʼoeˇ naˇ, Uˬ duˬ tahˬ nymˇ nymˇ ma laꞈ kʼoeˇ maˬ ehˇ, nymˇ doe ni maˬ ehˇ, Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu hawˇ-eu mehˬ nehˬ tsoˆ nehˬ-eu jeˬ, yawˬ nah na luꞈ maˬ tsehˆ leˇ ni mˇ daˆ leꞈ-euˬ meh.

Panmaeq 2:11

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-aˬ, nyiˬ poˆ tiˬ poˆ shiˇ-eu jeˬ-ahˇ maˬ paˇ ya daˬ meh.

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.

Panmaeq 2:29

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.

Panmaeq 2:7

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, Miˬyehˇ-euˬ Eˬdeˬ yaˇ kmˇ laꞈ kʼoeˇ bawˇ-eu dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ ngaˇ bi dzaˬ ma.

Panmaeq 3:13

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.

Panmaeq 3:22

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.

Panmaeq 3:6

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.