Yeˬlaˬmiˇ 7:14 - Akha

¹⁴ Kʼoeˇ baˬ da neh, Shiˇloˬ meuˬ-ahˇ ngaˬ neh kʼaˇ jahˇ nehˬ-euˬ loꞈ-ehˇ, naw maꞈ gʼoe luꞈ-eu ngaˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu, naw maꞈ-ahˇ ngaˬ neh biꞈ taˬ-euˬ jawˇ duˬ heu tsahˇ nyiˬ paˆ-ehˇ, Shiˇloˬ meuˬ kʼoeˇ taˆ keuˆ le-euˬ jeˬ ngaˇ bi keuˆ le ma.

Yeˬlaˬmiˇ 7:14 ပူးပေါင်းရင်းမြစ်များ

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

2 Laˬsaˬbaˬ 7:21

“Nymˬ-mˇ aˇ yamˬ laꞈ kʼoeˇ, Uˬ duˬ tahˬ nymˇ nymˇ ma heu nymˇ-ahˇ taˬ huiˬ taˬ mahˇ dui dui luꞈ meh. Ehˇ kʼawꞈ, aˬ kaˇ heu gaˇ kʼaˇ iˇ kʼaˇ laˇ tsehˆ-eu tsawˇ haˬ deuˬ zahˬ dui dui leˇ-eu laꞈ kʼoeˇ, ‘Aˬ jeˬ miˇ neh miˇ kʼahˬ heu kʼahˬ hawˇ-eu Uˬ duˬ tahˬ nymˇ nymˇ ma heu nymˇ-ahˇ Sahˬpaˬ Miˬyehˇ heu loꞈ-ehˇ jahˇ nehˬ-euˬ ta’ lehˇ ya ehˇ gaˇ keuˆ tehꞈ-a.

Jaceuq 78:60

Tsawˇ haˬ zaˬ nehˬ-ehˇ aˬ yawꞈ jawˇ-euˬ jawˇ duˬ pyeuꞈ-eu, Shiˇloˬ meuˬ-ahˇ jaˆ-eu sehˬ gʼawˆ-ahˇ aˬ yawꞈ byehˇ dzeh-euˬ meh.

Iˇsaˬyaˇ 64:11

Nga maꞈ-euˬ aˬ poeˬ aˬ bawˇ deuˬ nawˬ-ahˇ ja ceuˬ-euˬ jawˇ duˬ, muiˬ-eu shawˇ-eu Uˬ duˬ tahˬ nymˇ nymˇ ma kʼoeˇ nymˇ, miˬ dzaˬ neh bi puiˆ byoˆ-euˬ meh. Nga maꞈ nui ma saˇ-eu jawˇ duˬ dawˬ tawˆ, luˬ-iˇ seˇ-iˇ jiˇ taˬ-euˬ meh.

Yeˬlaˬmiˇ 12:7

Sahˬpaˬ Miˬyehˇ ehˇ-eu, “Iˇsaˬleˬlaˆ-ahˇ ngaˇ byehˇ dzeh-euˬ ma. Ngaˬ neh tseˇ doˆ-euˬ tsawˇ jeuˬ-ahˇ maˬ paˇ haw ma. Ngaˇ gaˬ-eu tsawˇ haˬ heu deuˬ-ahˇ, muiˇ-eu deuˬ aˬ laꞈ laꞈ kʼoeˇ a nehˬ-euˬ ma.

Yeˬlaˬmiˇ 23:39

Aˬ yawꞈ maꞈ-ahˇ maˬ ehˇ, aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ meuˬ-ahˇ maˬ ehˇ, ngaˇ tsuˆ-awˇ, ngaˬ-ahˇ maˬ mawˇ laˇ gaˇ biˬ byoˆ nehˬ-eu uˬ taꞈ,

Yeˬlaˬmiˇ 26:18

“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.

Yeˬlaˬmiˇ 26:4

“Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh. “Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ taˬ-euˬ jaˆ-eu ma. Ngaˬ neh naw maꞈ-ahˇ mehˬ nehˬ tsoˆ nehˬ taˬ-euˬ jeˬ mehˬ nah caw teh-awˇ, naw maꞈ jawˇ gaˇ maˬ tsehˆ leˇ ni pyehˬ gʼeh leꞈ-euˬ, Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ yaw zeu baw-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ ya naˇ haˬ geuꞈ meh lehˇ ehˇ taˬ-euˬ jaˆ-eu ma. Ehˇ kʼawꞈ, aˬ yawꞈ maꞈ neh ngehˬ-euˬ dawˬ-ahˇ naw maꞈ tiˬ jawˇ-iˬ maˬ naˇ haˬ-a.

Yeˬlaˬmiˇ 7:10

Ngaˇ maˬ haw nahˇ-eu gaˇ heu deuˬ-ahˇ naw maꞈ mˇ kʼawꞈ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ ngaˬ-euˬ mehˬ shi naw maꞈ yawꞈ laˇ-awˇ, ‘Nga maꞈ kʼahˬ lahˇ duˬ maˬ jaˆ’ lehˇ ehˇ-eu meh.

Yeˬlaˬmiˇ 7:12

Ngaˬ-ahˇ uˬ duˬ bi tahˬ-eu gʼaˇ duˬ, ngaˬ neh tseˇ doˆ beh beh-euˬ jawˇ duˬ pyeuꞈ-eu Shiˇloˬ meuˬ-ahˇ haw leˇ-awˬ. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ iˬ baˇ mˇ-euˬ baˬ da neh, aˬ yawꞈ maꞈ-ahˇ ngaˇ aˬ joˆ-ehˇ jahˇ nehˬ-euˬ nga lehˇ haw duˬ leˇ-awˬ.

Yeˬlaˬmiˇ 7:4

Heu-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Aˬ dui maꞈ tiˬ jeˬ-iˬ kʼahˬ lahˇ kʼaˇ maˬ za-a’ lehˇ ehˇ-awˇ jaˬ myawꞈ myawꞈ gaˇ taˬ paˇ naˇ haˬ.

Ngoeˇ dawˬ 2:7

Aˬ yawꞈ-ahˇ lawˇ-euˬ lawˇ duˬ-ahˇ, Sahˬpaˬ Miˬyehˇ byehˇ dzeh nehˬ-awˇ, yawꞈ-euˬ hawˇ nymˇ lahˇ gawˬ taˬ-euˬ, bi laˆ cawˆ byoˆ jiˇ-eu gʼaˇ duˬ, muiˇ-eu deuˬ-ahˇ a nehˬ-euˬ meh. Uˬ duˬ tahˬ-eu zahˇ sahˇ kʼoꞈ bawˬ-iˬ, gʼeh ngeh guˇ-euˬ teˇ saˇ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ, yawꞈ maꞈ gʼaˬ leˇ-euˬ guˇ-eu meh.

Ngoeˇ dawˬ 4:1

Yaw shehꞈ guiˇ nyiˬ ni bya-euˬ shuiˇ, yaw shehꞈ byoˆ-iˇ jiˇ shaw-euˬ meh. Muiˬ-eu shawˇ-eu kʼaˬ lo tsaˬ byaˆ, gaˇ ma doe ni ga luꞈ-eu meh.

Yeˬsaˬgeˬlaˇ 23:31

Nawˬ-euˬ aˬ yuiꞈ-euˬ pehˬ zaˇ-ahˇ nawˇ caw teh-eu miˇ neh, aˬ yawꞈ-ahˇ bi dawˇ-euˬ kʼehˬ-eu kʼaˆ-eu kʼmˬ maˬ kʼoeˇ, nawˬ-ahˇ kʼawꞈ ngaˇ bi dawˇ ma.”

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Dawˬmehˬ 12:5

Naw maꞈ tsawˇ jeuˬ heu myaˆ ni gʼeh-eu miˇ kʼahˬ laꞈ kʼoeˇ, aˬ yawꞈ-euˬ mehˬ shi naw maꞈ le-awˇ, aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ Sahˬpaˬ Miˬyehˇ tseˇ doˆ tehꞈ-a.

Dawˬmehˬ 28:52

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ kʼahˬ laꞈ kʼoeˇ kʼaˇ jaˆ-eu meuˬ yawˬ meuˬ na luꞈ-ahˇ, aˬ yawꞈ maꞈ guiˇ deuˆ le-awˇ, nawˬ-euˬ gʼoe duˬ pyeuꞈ-eu goˇ dui dui-eu meuˬ meuˬ lahˇ deuˬ byaˆ-iˇ tehꞈ-a.