Yeˬlaˬmiˇ 7:10 - Akha

¹⁰ Ngaˇ maˬ haw nahˇ-eu gaˇ heu deuˬ-ahˇ naw maꞈ mˇ kʼawꞈ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ ngaˬ-euˬ mehˬ shi naw maꞈ yawꞈ laˇ-awˇ, ‘Nga maꞈ kʼahˬ lahˇ duˬ maˬ jaˆ’ lehˇ ehˇ-eu meh.

Yeˬlaˬmiˇ 7:10 ပူးပေါင်းရင်းမြစ်များ

1 Sahˬpaˬ 9:3

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ neh guiˬ lahˬ shaˇ-euˬ dawˬ-ahˇ ngaˇ ya gaˬ-euˬ ma. Mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, nawˬ neh tsoˆ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ bi muiˬ bi shawˇ-awˇ, aˬ myah luꞈ bo saˆ haw piˇ nehˬ ma.

2 Sahˬpaˬ 21:4

“Ngaˬ-ahˇ uˬ duˬ ya tahˬ-eu jawˇ duˬ meh” lehˇ, Sahˬpaˬ Miˬyehˇ neh ehˇ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, lawˇ ciꞈ zaˬ deuˬ-euˬ lawˇ duˬ aˬ yawꞈ jahˇ ahˇ-euˬ meh.

2 Laˬsaˬbaˬ 33:4

Mˬ maˬ maˬ byaˆ zaˇ ziˇ ngaˬ-ahˇ uˬ duˬ ya tahˬ meh lehˇ Sahˬpaˬ Miˬyehˇ neh ehˇ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, lawˇ ciꞈ zaˬ deuˬ-euˬ lawˇ duˬ tsoˆ-euˬ meh.

2 Laˬsaˬbaˬ 33:7

“Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ miˇ kʼahˬ dawˬ tawˆ luꞈ laꞈ kʼoeˇ, Yeˬluˇsaˬlehˬ meuˬ laꞈ kʼoeˇ jaˆ-eu Uˬ duˬ tahˬ nymˇ nymˇ ma heu nymˇ-aˬ, ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ taˬ-euˬ jawˇ duˬ pyeuꞈ-eu ma” lehˇ, Daˬbiˇ hawˇ-eu Sawˇlaˬmoˬ aˬ nyaꞈ da zaˬ-ahˇ Miˬyehˇ ehˇ taˬ-euˬ Uˬ duˬ tahˬ nymˇ nymˇ ma kʼoeˇ nymˇ laꞈ kʼoeˇ, Maˬnaˇseˬ neh tahˬ pahˬ aˬ ma mawˇ kawˇ bi jaˆ-euˬ meh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Iˇsaˬyaˇ 48:2

Ehˇ kʼawꞈ, nawˇ kʼahˬ sehˇ jehˆ-eu laꞈ kʼoeˇ, muiˬ-eu shawˇ-eu meuˬ-ahˇ jawˇ-eu tsawˇ haˬ pyeuꞈ-awˇ, Baoˬ huiˬ-eu Sahˬpaˬ Miˬyehˇ lehˇ myahˇ taˬ-euˬ, Iˇsaˬleˬlaˆ Miˬyehˇ-ahˇ gʼoe luꞈ ma lehˇ ehˇ-eu meh.

Yeˬlaˬmiˇ 32:34

Ngaˬ-ahˇ uˬ duˬ tahˬ-eu gʼaˇ duˬ tsoˆ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ baꞈ ahˇ taˬ-awˇ, Uˬ duˬ tahˬ nymˇ nymˇ ma-ahˇ laˆ jawꞈ gaˇ keuˆ ni aˬ yawꞈ maꞈ jahˇ keuˆ-euˬ meh.

Yeˬlaˬmiˇ 34:15

Dzeuˇ laˇ-euˬ heu myaˆ nah laꞈ kʼoeˇ, naw maꞈ nui ma noeˬ paˇ-awˇ, ngaˇ nui ma tsaˬ-eu jeˬ mˇ-euˬ meh. Yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ zaˬ kʼaˆ deuˬ-ahˇ pyehˬ nehˬ ma lehˇ naw maꞈ nui ma tsaˬ-awˇ, ngaˬ-ahˇ uˬ duˬ tahˬ-eu Uˬ duˬ tahˬ nymˇ nymˇ ma laꞈ kʼoeˇ, ngaˬ-euˬ mehˬ shi naw maꞈ saˇ jaˇ dzaˬ-euˬ meh.

Yeˬlaˬmiˇ 44:9

Naw maꞈ-euˬ aˬ poeˬ aˬ bawˇ deuˬ, Yuˇdaˆ sahˬ paˬ deuˬ hawˇ-eu aˬ yawꞈ maꞈ-euˬ miˬ zaˬ deuˬ, naw maꞈ hawˇ-eu naw maꞈ-euˬ miˬ zaˬ deuˬ neh, Yuˇdaˆ meuˬ deuˬ hawˇ-eu Yeˬluˇsaˬlehˬ meuˬ-euˬ gaˇ ma doe ni yaw haiˬ jeˬ mˇ byah yaꞈ-euˬ gaˇ naw maꞈ ngehˇ shaw teˬ loˇ.

Yeˬlaˬmiˇ 7:11

Ngaˬ-euˬ Uˬ duˬ tahˬ nymˇ nymˇ ma heu, smˇ kʼoeˬ tahˇ joe deuˬ-euˬ cehˆ zaꞈ duˬ meh lehˇ naw maꞈ noeˬ te loˇ. Naw maꞈ neh mˇ-euˬ jeˬ ngaˇ mawˇ luꞈ ma.

Yeˬlaˬmiˇ 7:14

Kʼoeˇ baˬ da neh, Shiˇloˬ meuˬ-ahˇ ngaˬ neh kʼaˇ jahˇ nehˬ-euˬ loꞈ-ehˇ, naw maꞈ gʼoe luꞈ-eu ngaˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu, naw maꞈ-ahˇ ngaˬ neh biꞈ taˬ-euˬ jawˇ duˬ heu tsahˇ nyiˬ paˆ-ehˇ, Shiˇloˬ meuˬ kʼoeˇ taˆ keuˆ le-euˬ jeˬ ngaˇ bi keuˆ le ma.

Yeˬlaˬmiˇ 7:30

“Yuˇdaˆ tsawˇ haˬ deuˬ haiˬ dui dui-eu jeˬ mˇ-euˬ meh. Ngaˇ bye dui dui-eu jeˬ pyeuꞈ-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ baꞈ taˬ-awˇ, Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.

Yeˬsaˬgeˬlaˇ 20:39

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Iˇsaˬleˬlaˆ tsawˇ haˬ deuˬ-oˇ, nymˬ-mˇ naw maꞈ-euˬ nui kʼahˇ mˇ-awˬ. Tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ jawˇ tawˬ-awˬ. Tahˬ pahˬ aˬ ma mawˇ kawˇ deuˬ-ahˇ damˬ nehˬ-eu laꞈ kʼoeˇ ngaˬ-euˬ muiˬ-eu shawˇ-eu tsawˇ myahˇ-ahˇ yehˬ bawˬ-ehˇ maˬ gʼeh nya-eu aˇ yamˬ keuˆ le tehꞈ-a lehˇ, naw maꞈ-ahˇ ngaˇ yaw kʼaˆ kʼaˆ-ehˇ ehˇ-eu ma.

Yeˬsaˬgeˬlaˇ 23:29

Aˬ yawꞈ maꞈ nawˬ-ahˇ bye-eu miˇ neh, nawˇ meh maˬ laˇ geuꞈ-awˇ, mehˬ tsoeˬ neˇ myawˆ ni lehˆ dzeh-eu laꞈ kʼoeˇ kʼaˇ mˇ kʼaˇ shaˇ za taˬ-euˬ yawˬ jeˬ na luꞈ, aˬ yawꞈ maꞈ yuˇ geuꞈ jiˇ tehꞈ-a. Nawˇ kʼaˬ miˬ sheu gaˇ gaˬ-awˇ, meh maˬ laˇ geuꞈ-euˬ-aˬ,

Yeˬsaˬgeˬlaˇ 23:37

Aˬ cawˬ-euˬ miˬ zaˬ yo zaˬ-ahˇ bahˬ-eu jeˬ hawˇ-eu, tsawˇ haˬ-ahˇ sehꞈ-eu jeˬ aˬ yawꞈ nyaꞈ mˇ-euˬ meh. Tahˬ pahˬ aˬ ma mawˇ kawˇ nehˬ-ehˇ bahˬ-awˇ, aˬ yawꞈ nyaꞈ o neh dehꞈ le-euˬ ngaˬ-euˬ aˬ li deuˬ-ahˇ sehꞈ-euˬ meh.

Yeˬsaˬgeˬlaˇ 23:39

Aˬ yawꞈ nyaꞈ ngaˬ-euˬ zaˬ deuˬ-ahˇ sehꞈ-awˇ tahˬ pahˬ aˬ ma mawˇ kawˇ-ahˇ lawˇ nehˬ ngeh nah, ngaˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ nyaꞈ laˇ-awˇ paˇ laˆ jawꞈ laˇ-euˬ meh.

Yeˬsaˬgeˬlaˇ 33:25

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ. ‘Naw maꞈ shiˬ maˬ dzeˇ-iˇ-euˬ shaˬ jiˇ dzaˬ-euˬ meh. Tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ meh. Tsawˇ haˬ sehꞈ-eu meh. Miˇ kʼahˬ heu naw maꞈ-euˬ ma lehˇ aˬ joˆ-ehˇ noeˬ kʼmˬ-eu nya.

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Yeˬsaˬgeˬlaˇ 5:11

“Kʼoeˇ miˇ neh, ngaˇ dehꞈ luꞈ-eu Miˬyehˇ pyeuꞈ-eu loꞈ-ehˇ, heu-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ma. Ngaˬ-euˬ Uˬ duˬ tahˬ nymˇ nymˇ ma-ahˇ yaw haiˬ jeˬ neh nawˇ laˆ jawꞈ-euˬ miˇ neh, nawˬ neh mˇ-euˬ nuiˇ daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ gʼawˬ shaˬ maˬ gaˬ ni deuˆ tsehˆ ma.

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Hawˇseˬ 6:9

Tahˇ joe baˬ maꞈ loꞈ-eu loꞈ-ehˇ, piˇ ma baˬ maꞈ gm-awˇ loꞈ meh. Muiˬ-eu shawˇ-eu Sheˬkmˬ meuˬ-ahˇ, le-eu gaˇ pehˇ tsawˇ haˬ sehꞈ-awˇ, maˇ maˇ ni yaw haiˬ mˇ-eu meh.

Aˬmoˆ 4:5

Miˬyehˇ-euˬ guiˬ lahˬ-ahˇ noeˬ keuˆ-eu laꞈ kʼoeˇ kaˬ muˇ lawˇ-awˬ. Kʼoeˇ uˬ taꞈ-ehˇ, nui ma keuˆ-eu laꞈ kʼoeˇ lawˇ-eu jeˬ lawˇ-awˇ kʼahˬ sehˇ jehˆ-awˬ. Naw maꞈ kʼoeˇ loꞈ-ehˇ mˇ mawꞈ-eu maˬ ngeuˇ loˇ.

Zeˬpaˬniˇ 1:5

Nymˇ mˬ kʼoeˇ taˆ pawˬ dmˬ dmˬ-awˇ, nahˇ ma ba la aˬ guiˇ deuˬ-ahˇ, uˬ duˬ kʼaˇ tahˬ-eu tsawˇ haˬ deuˬ, ngaˇ laˆ cawˆ gaˇ ya daˬ tehꞈ-a. Ngaˬ-ahˇ uˬ duˬ tahˬ-eu geuꞈ-awˇ, Miˇlaˬkoˬ-ahˇ kʼaˇ gʼoe-euˬ deuˬ, laˆ cawˆ nehˬ gaˇ ya daˬ tehꞈ-a.

Maˬlaˬkiˇ 3:15

Aˬ dui neh ya mawˇ-euˬ loꞈ-ehˇ ngeuˇ naˇ, nui ma huiˬ-eu mahˇ-eu tsawˇ haˬ deuˬ guiˬ lahˬ za gahˬ ngaˇ. Haiˬ-eu tsawˇ haˬ deuˬ dehꞈ dzaˬ dui dui-eu uˬ taꞈ, Miˬyehˇ-ahˇ yaw haiˬ jeˬ mˇ haw mˇ haw-ehˇ dehꞈ kʼawꞈ, tiˬ jeˬ-iˬ maˬ guˬ leˇ nga’ lehˇ ehˇ-eu meh.”

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.