Yeˬlaˬmiˇ 6:8 - Akha

⁸ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, shaˬ zahˬ heu naw maꞈ-ahˇ maˬ mehˬ paˇ nehˬ nya naˇ, naw maꞈ-ahˇ ngaˇ byehˇ dzeh yaꞈ-awˇ, naw maꞈ-euˬ meuˬ-ahˇ tsawˇ haˬ maˬ jawˇ ni, kʼaˇ shuiꞈ deh ga bi pyeuꞈ-iˇ ma.”

Yeˬlaˬmiˇ 6:8 ပူးပေါင်းရင်းမြစ်များ

Jaceuq 2:10

Sahˬpaˬdeuˬ ehˇdawˬnaˇhaˬ-awˇ, sahˬma deuˬ naˬbawˇgaˬleˇsheˇ.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Dawqdaq 19:20

Dawˬ mehˬ dawˬ tsoˆ-ahˇ naˇ haˬ geuꞈ naˇ, aˬ kaˇ tiˬ nah zaˬ siˬ tsawˇ gahˇ byah laˇ tehꞈ-a.

Dawqdaq 4:13

Mehˬ gʼaˬ tsoˆ gʼaˬ-euˬ jeˬ maˬ bi byoˆ-iˇ ni, ziꞈ dah bi tuˆ tehˬ taˬ-awˬ. Zaˬ siˬ tsawˇ gahˇ-ahˇ yaw muiˬ paˬ-ehˇ haw lahˇ taˬ-awˬ. Aˬ yawꞈ-aˬ, nawˬ-euˬ dehꞈ-eu saꞈ laˇ meh.

Yeˬlaˬmiˇ 17:23

Aˬ yawꞈ maꞈ-euˬ aˬ poeˬ aˬ bawˇ deuˬ ngaˬ-euˬ ehˇ dawˬ-ahˇ maˬ taˬ huiˬ-ehˇ maˬ naˇ haˬ geuꞈ-eu uˬ taꞈ, nui ma gʼahˇ dui dui-awˇ, ngaˬ neh mehˬ nehˬ-euˬ dawˬ naˬ bawˇ-ahˇ maˬ gaˬ leˇ-ehˇ, ngaˬ-euˬ zahˇ sahˇ kʼoꞈ-ahˇ maˬ dzaw geuꞈ-a.

Yeˬlaˬmiˇ 2:15

Aˇ laˬ jaˬ shiˇ loꞈ-ehˇ aˬ yawꞈ maꞈ aˬ yawꞈ-ahˇ lmˬ-awˇ, aˬ yawꞈ-euˬ miˇ kʼahˬ kʼaˇ shuiꞈ deh yaˇ laˆ pyeuꞈ-awˇ, aˬ yawꞈ-euˬ meuˬ deuˬ cawˆ jiˇ-awˇ, meuˬ tsoeˬ tsoeˬ jiˇ-euˬ meh.

Yeˬlaˬmiˇ 31:19

Nawˬ-ahˇ byehˇ dzeh-awˇ gʼoˆ doˆ-iˇ-euˬ kʼawꞈ, nymˬ-mˇ nga maꞈ noeˬ poˆ-euˬ ma. Nawˇ nga maꞈ-ahˇ kʼehˬ nehˬ laꞈ ngeh, nui ma zahˇ tsui ni shaˬ-euˬ ma. Zaˬ guˬ pyeuꞈ ngeh mˇ lehˬ-euˬ iˬ baˇ baˬ da neh, daˬ ga-awˇ shaꞈ dawˇ dui dui nya.

Yeˬlaˬmiˇ 32:33

Aˬ yawꞈ maꞈ ngaˬ-ahˇ naˇ kʼah ciˬ pyawˇ-awˇ, ngaˬ neh tiˬ poˆ saˇ-iˬ tiˬ poˆ mehˬ nehˬ tsoˆ nehˬ-euˬ dawˬ-ahˇ naˬ bawˇ maˬ ciˬ kʼmˇ-a.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Yeˬlaˬmiˇ 7:28

Yawˬ ha-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ yawˬ ha tsawˇ jeuˬ maˬ naˇ haˬ ehˇ, kʼehˬ nehˬ kʼaˆ nehˬ-eu jeˬ-ahˇ ya daˬ kʼawꞈ, maˬ paˇ laˇ nya nga lehˇ, aˬ yawꞈ maꞈ-ahˇ nawˇ ya ehˇ nehˬ meh. Saˇ jaˇ ziꞈ-eu jeˬ shiˇ tsehˆ-euˬ meh. Saˇ jaˇ ziꞈ-eu gaˇ kawˆ ja-eu tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 7:34

Miˇ kʼahˬ heu kʼahˬ kʼaˇ shuiꞈ deh ga pyeuꞈ jiˇ tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ lehˆ kawˆ doe ni, byawˬ gʼa-eu teˇ saˇ hawˇ-eu, jiˇ cehˇ gʼeh-awˇ laˬ kʼaˬ cehˇ luꞈ-eu teˇ saˇ deuˬ-ahˇ, ngaˇ bi byoˆ-iˇ jiˇ ma.

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Yeˬsaˬgeˬlaˇ 23:18

Aˬ yawꞈ meh maˬ laˇ pyeuꞈ-eu gaˇ kawˆ tsawˇ haˬ dawˬ tawˆ luꞈ-ahˇ bi siˬ jiˇ-euˬ meh. Aˬ yuiꞈ gʼaˬ-ahˇ nui daˆ daˆ-euˬ loꞈ-ehˇ, aˬ yawꞈ-ahˇ kʼawꞈ ngaˇ nui daˆ daˆ laˇ-euˬ ma.

Hawˇseˬ 2:5

Zaˬ baw aˬ ma meh maˬ laˇ kʼoeˇ, shaꞈ dawˇ-eu maˬ baw ni dehꞈ-awˇ, dawˬ tmˇ heu loꞈ-ehˇ mˇ-eu meh. ‘Dzaˬ-eu dzaˇ muiˬ, dawˇ-eu iˇ cuꞈ, dm-eu saˬ paˇ, yawˇ zaˬ caꞈ hm, aˬ gaꞈ dzaˇ uiˇ, saˬ loˬ loˬ tsiˇ, heu deuˬ biꞈ-eu zaˬ kʼaˬ mehˬ nah, caw teh gʼeh ma’ lehˇ tmˇ-eu meh.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Uˬ duˬ 26:34

Naw maꞈ-euˬ miˇ kʼahˬ-aˬ, ciˬ cuˇ ni jaˆ-eu laꞈ kʼoeˇ gʼaˬ doeˇ naˬ dah tehꞈ-a. Naw maꞈ-ahˇ muiˇ-eu tsawˇ haˬ deuˬ-euˬ miˇ kʼahˬ laꞈ kʼoeˇ naw maꞈ jawˇ luꞈ ngeh, naw maꞈ-euˬ miˇ kʼahˬ laˬ kʼaˬ cehˇ taˆ ni gʼaˬ naˬ naˬ tehꞈ-a.

Zeˬpaˬniˇ 3:7

Ngaˬ-euˬ tsawˇ haˬ ngaˬ-ahˇ guˆ-awˇ, mehˬ nehˬ tsoˆ nehˬ gaˇ naˇ haˬ-awˇ, kʼaˇ mehˬ kʼaˇ tsoˆ dzeuˇ yaꞈ-euˬ jeˬ, maˬ ngehˇ leˇ-aˇ lehˇ noeˬ-euˬ kʼawꞈ, aˬ yawꞈ yaw oeˇ paˇ dehꞈ poˆ-awˇ, bahˬ-eu muˆ-eu jeˬ mˇ-eu meh.”

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.