Yeˬlaˬmiˇ 6:7 - Akha

⁷ Lah duˬ laꞈ kʼoeˇ iˇ cuꞈ iˇ beuˆ doˆ-eu loꞈ-ehˇ, Yeˬluˇsaˬlehˬ laꞈ kʼoeˇ yaw haiˬ jeˬ iˇ beuˆ doˆ-eu meh. Meuˬ laꞈ kʼoeˇ kʼehˬ dzaˬ kʼaˆ dzaˬ-eu jeˬ ya gaˬ-awˇ, maˇ kʼehˬ maˇ naˇ hawˇ-eu naˇ gawˇ maˬ tsehˆ leˇ-a.

Yeˬlaˬmiˇ 6:7 ပူးပေါင်းရင်းမြစ်များ

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

Iˇsaˬyaˇ 1:6

Aˬ kuiˇ pehˬ zaˬ-ahˇ neh uˬ duˬ-ahˇ doˆ ni, geuꞈ-eu maˬ paˇ ahˇ ngaˇ. Maˇ kʼehˬ maˇ naˇ hawˇ-eu shiˬ dzahˬ maˇ lu tehꞈ-ehˇ jaˆ-awˇ, shiˬ doˆ dui dui luꞈ nga. Nawˬ-euˬ maˇ naˇ maˬ laˆ taˬ-ehˇ, saˬ paˇ maˬ lahˇ taˬ-aˬ. Jaˆ gʼaˬ maˬ laˆ saˆ-aˬ.

Iˇsaˬyaˇ 57:20

Ehˇ kʼawꞈ, haiˬ-eu tsawˇ haˬ deuˬ-aˬ, iˇ luˆ dzeh-eu maˬ naˬ leˇ-ehˇ, yaw jawꞈ yaw laꞈ beuˬ poˆ doˆ-eu laˆ shaˆ loꞈ-ehˇ, tiˬ jawˇ-iˬ yaw saˇ maˬ oꞈ-a.

Iˇsaˬyaˇ 59:6

Naw maꞈ-euˬ aˬ oˬ loˬ ma aˇ kahˇ kʼoeˇ saˬ nmˇ maˬ zaꞈ nya-a. Yawˬ ha neh mˇ-euˬ jeˬ yawˬ ha-ahˇ maˬ sheu lahˇ nya-a. Naw maꞈ gaˇ kawˆ yaw haiˬ tehꞈ-ehˇ jaˆ-awˇ, naw maꞈ-euˬ aˬ laꞈ-ahˇ yaw cawˆ jeˬ tuˆ tehˬ taˬ-euˬ meh.

Yeˬlaˬmiˇ 20:8

Ngaˇ dawˬ kʼaˇ ngehˬ ngeh ngoeˇ-eu jeˬ oꞈ-awˇ, “Yaw haiˬ hawˇ-eu yaw cawˆ jeˬ tehꞈ nga” lehˇ ya guˇ-eu meh. Sahˬpaˬ Miˬyehˇ nawˬ-euˬ dawˬ ngaˇ ya dzawˇ gaˬ-eu miˇ neh, dawˬ doeˇ daˬ-eu maˬ tsehˆ leˇ nya.

Yeˬlaˬmiˇ 30:12

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬlaˬmiˇ 30:13

Naw maꞈ-ahˇ bo saˆ-eu gʼaˬ maˬ jawˇ-ehˇ, maˇ naˇ-ahˇ lehꞈ-eu jaˆ gʼaˬ maˬ jaˆ-eu miˇ neh, taˬ leˇ-eu gaˇ ma maˬ dahˇ-a.

Yeˬlaˬmiˇ 30:15

Naw maꞈ maˇ kʼehˬ maˇ naˇ gaˇ kawˆ taˬ toˇ. Taˬ leˇ nya-eu gaˇ ma maˬ paˇ dahˇ meh. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ heu loꞈ-ehˇ kʼehˬ-eu ma.

Yeˬlaˬmiˇ 32:31

Meuˬ heu meuˬ teˬ dahˬ beh ngeh neh, meuˬ laꞈ kʼoeˇ jawˇ-eu tsawˇ haˬ deuˬ ngaˇ nui ma bi pehˇ-eu jeˬ tehꞈ-ehˇ mˇ-euˬ miˇ neh, meuˬ heu meuˬ-ahˇ laˆ cawˆ nehˬ-eu gʼaˇ duˬ, ngaˇ noeˬ tsehˆ taˬ-euˬ ma.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Yeˬsaˬgeˬlaˇ 21:29

Naw maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, naw maꞈ neh ngehˬ dah ehˇ dah taˬ-eu jeˬ jaˬ myawꞈ tehꞈ meh. Naw maꞈ-aˬ, maˬ muiˬ-eu haiˬ-eu tsawˇ haˬ pyeuꞈ-awˇ, naw maꞈ-ahˇ aˇ saˬ saˬ-eu poˆ kʼehˬ nehˬ-eu aˇ nah keuˆ le luꞈ meh. Naw maꞈ-euˬ kawˬ lahˇ-ahˇ mi cehˇ keuˆ le luꞈ meh.

Yeˬsaˬgeˬlaˇ 24:7

Meuˬ laꞈ kʼoeˇ tsawˇ haˬ sehꞈ-awˇ, nyiꞈ-iˇ byoˆ-iˇ nya-eu miˇ tsaˬ kʼaˬ lehˇ kʼoeˇ taˆ shiˬ maˬ yoeˇ kʼaˇ-ehˇ, kʼaˬ lo uˬ du yoeˇ daˆ taˬ-euˬ meh.

Yeˬsaˬgeˬlaˇ 45:9

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ sahˬ ma deuˬ-oˇ, naw maꞈ iˬ baˇ mˇ luꞈ-eu myahˇ dui dui laˇ-euˬ meh. Yaw haiˬ jeˬ hawˇ-eu nawˬ dzaˬ kʼaˆ dzaˬ-eu jeˬ-ahˇ byehˇ-awˇ, yaw tsaˬ yaw dawˇ jeˬ mˇ paˇ-awˬ. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh naw maꞈ tiˬ jawˇ-iˬ maˬ paˇ ya teh doˆ meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma.”

Yeˬsaˬgeˬlaˇ 7:11

Yaw haiˬ jeˬ laꞈ kʼoeˇ doeˇ dui dui-eu jeˬ doˆ laˇ taˬ-euˬ meh. Aˬ yawꞈ maꞈ gʼaˇ duˬ tiˬ jeˬ-iˬ maˬ dzeˇ ni pyeuꞈ-iˇ tehꞈ-a. Aˬ yawꞈ maꞈ-euˬ pyuˇ shuiˇ myawˬ gahˬ maˬ ehˇ, yaw shehꞈ kʼahˬ sehˇ maˬ ehˇ, myaˆ pyawꞈ naˇ mehˇ maˬ ehˇ, tiˬ pawꞈ-iˬ maˬ jaˆ ni pyeuꞈ-iˇ tehꞈ-a.

Yeˬsaˬgeˬlaˇ 7:23

“Yawˬ jeˬ na luꞈ geuꞈ-eu maˬ paˇ ahˇ meh. Miˇ kʼahˬ laꞈ kʼoeˇ tsawˇ haˬ sehꞈ-eu jeˬ byah -awˇ, meuˬ deuˬ laꞈ kʼoeˇ yaw haiˬ jeˬ byah-eu meh.

Zeˬpaˬniˇ 3:1

Aˬ cawˬ-ahˇ nawˬ dzaˬ kʼaˆ dzaˬ-awˇ, yaw cawˆ mˇ-awˇ puiˬ mawꞈ-eu meuˬ, yaw kʼaˆ-ehˇ ya noeˬ shaˬ tehꞈ-a.