Yeˬlaˬmiˇ 6:26 - Akha

²⁶ Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.

Yeˬlaˬmiˇ 6:26 ပူးပေါင်းရင်းမြစ်များ

Aˇ dahˬ 21:16

Kʼoeˇ naˇ, aˬ yawꞈ aˬ li ciˬ taˬ-euˬ gaˇ neh ngaˬ tseˇ lmˇ dzehˬ ni kaˬ gaˇ aˬ yawꞈ dzuˇ-iˇ-euˬ meh. “Ngaˬ li shiˇ gaˇ maˬ haw peuˬ nya” lehˇ yawˬ haˇ yawˬ ha ehˇ-awˇ, kʼoeˇ gaˇ nuiˇ-awˇ ngoeˇ ngoeˇ-ehˇ jawˇ-euˬ meh.

Yawˇbaˆ 15:21

Guˆ-eu gaˆ-eu teˇ saˇ aˬ yawꞈ-euˬ naˬ bawˇ-ahˇ ya gaˬ-awˇ, kʼahˬ lahˇ kʼaˇ maˬ za ma lehˇ noeˬ ngeh, tahˇ joe joe gaˇ ya daˬ tehꞈ-a.

Yawˇbaˆ 2:8

Kʼoeˇ ngeh, Yawˇbaˆ kʼaˬ lehˇ lehˇ deh-ahˇ nuiˇ-awˇ, ciˬ cuˇ cuˇ pyehˬ tiˬ hmˬ neh maˇ naˇ kʼoeˇ deuˬ-ahˇ yaw dzuiˆ pyaˆ luꞈ-eu meh.

Iˇsaˬyaˇ 22:12

Kʼoeˇ naˇ, nawˇ noeˬ shaˬ-awˇ ngoeˇ-eu laꞈ kʼoeˇ, uˬ jehˆ jehˆ-awˇ guˬ daˇ pehˇ zeuˇ mehˬ tsoeˬ dm-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, nawˬ-ahˇ kuˇ le tehꞈ-a.

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Iˇsaˬyaˇ 3:24

Tsiˇ yaw saw jeˬ maˬ paˇ ya lehꞈ ni, uˬ nyawˬ behꞈ laꞈ tehꞈ-a. Joꞈ dzahˬ maˬ paˇ ya dzahˬ ni, aˇ caˆ caˆ pyehꞈ ya dzahˬ tehꞈ-a. Haw muiˬ dui dui-eu uˬ duˬ tsehˇ kahˇ maˬ paˇ tsoꞈ ni, uˬ duˬ buˇ coeˆ ni jaˆ tehꞈ-a. Muiˬ dui dui-eu pehˇ kʼahˬ pehˇ mahˇ maˬ paˇ ya dm ni, guˬ daˇ pehˇ zeuˇ ya tsahˇ lahˇ tehꞈ-a. Yaw beh aˇ gʼehˇ muiˬ-euˬ kʼawꞈ, shaꞈ dawˇ dui dui paˬ-ehˇ pyeuꞈ-iˇ tehꞈ-a.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 15:8

Laˆ shaˆ lawˇ deh jaˆ-eu kʼaˇ shuiꞈ maˬ tseˇ, naw maꞈ miˇ kʼahˬ miˬ coeˬ miˬ ma myaˬ meh. Loˆ laˇ-euˬ zaˬ yo deuˬ-ahˇ ngaˇ sehꞈ-awˇ, aˬ ma deuˬ-ahˇ shaˬ zahˬ bi naꞈ-euˬ ma. Guˆ dui dui-iˇ-awˇ laˇ baˇ-iˇ paˬ-ehˇ, aˬ yawꞈ maꞈ kʼoeˇ taˆ ngaˇ shaˆ shiˇ pyehˬ gʼeh-euˬ ma.

Yeˬlaˬmiˇ 18:22

Ngaˇ bi ga ahˇ-eu gʼaˇ duˬ aˬ yawꞈ maꞈ duˬ kʼahˬ kʼahˬ taˬ-awˇ, ngaˬ-euˬ aˬ kuiˇ bi paꞈ leˇ-eu lahˇ ju kʼmˇ-euˬ miˇ neh, aˬ yawꞈ maꞈ-ahˇ deuˆ-eu guiˇ maꞈ nawˇ pyehˬ ahˇ-awˇ, aˬ yawꞈ maꞈ-euˬ nymˇ laꞈ kʼoeˇ ngoeˇ-eu jeˬ keuˆ le luꞈ-uˇ.

Yeˬlaˬmiˇ 30:5

“Guˆ-awˇ guˇ-eu teˇ saˇ ngaˇ gaˬ-eu ma. Nui saˇ oꞈ-awˇ guˇ luꞈ-eu maˬ ngeuˇ-ehˇ, guˆ-eu baˬ da neh guˇ-eu teˇ saˇ meh.

Yeˬlaˬmiˇ 4:11

Kʼaˇ shuiꞈ deh ga paw neh lahˇ dui dui-eu jaˬ lehˇ baw gʼeh leꞈ luꞈ meh lehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ya ehˇ nehˬ-eu aˇ yamˬ keuˆ laˇ-euˬ meh. Jaˬ lehˇ kʼoeˇ-aˬ, jaˆ guˆ jaˆ meuꞈ deuˬ-ahˇ baw dzeh-eu jaˬ lehˇ naˆ ni tehꞈ-ehˇ kʼaˆ-eu maˬ ngeuˇ-a.

Yeˬlaˬmiˇ 4:20

Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

Yeˬlaˬmiˇ 4:8

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ, Yuˇdaˆ miˇ kʼahˬ-ahˇ maˬ byehˇ-eu miˇ neh, guˬ daˇ pehˇ zeuˇ mehˬ tsoeˬ dm-awˇ ngoeˇ dui dui-awˬ.

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

Yeˬlaˬmiˇ 8:19

Miˇ kʼahˬ kʼahˬ lah ni naˇ haˬ doe haw sheˇ. Ngaˬ-euˬ tsawˇ jeuˬ ngoeˇ-eu gaˬ laˇ miˇ-a. “Sahˬpaˬ Miˬyehˇ Ziˇoˬ-ahˇ maˬ paˇ jawˇ meh loˇ. Ziˇoˬ sahˬ paˬ cehˆ byoˆ mehˬ loˇ.” Sahˬpaˬ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, ngaˇ nui ma pehˇ laˇ ni naw maꞈ mˇ teˬ. Gaˇ dahˇ maˬ tsoeˬ leˇ-eu boeˇ miˬ siˬ kʼaˬ miˬ yehˇ mehˬ shi, aˬ jeˬ baˬ da neh awˆ byaˆ te.”

Yeˬlaˬmiˇ 8:21

Ngaˬ-euˬ tsawˇ jeuˬ shaˬ zahˬ naꞈ-eu miˇ neh, ngaˬ-euˬ nui ma shaˬ zahˬ naꞈ-eu miˇ-a. Shaˬ zahˬ maˬ mˇ coeˇ-eu miˇ neh, ngoeˇ dui dui luꞈ-eu ma.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Ngoeˇ dawˬ 3:16

Kʼaˬ lo neh seuˬ jeˬ juˆ jiˇ-awˇ, kʼaˬ lehˇ-ahˇ nawˬ pahˬ laꞈ-euˬ meh.

Ngoeˇ dawˬ 3:48

Ngaˬ-euˬ tsawˇ haˬ shiˇ jiˇ-euˬ gaˇ, myaˆ biˇ lawˇ gawˆ yoeˇ le miˇ-a.

Ngoeˇ dawˬ 4:10

Ngaˬ-euˬ tsawˇ haˬ shaˬ zahˬ naꞈ-eu, ngaˬ-ahˇ uˇ gawˇ dui dui laˇ nya. Aˬ ma deuˬ yawˬ ha-euˬ zaˬ-ahˇ, puꞈ jaꞈ-awˇ dzaˬ gaˇ keuˆ ni meh.

Ngoeˇ dawˬ 4:3

Haiˬ-eu kʼaˬ yehˇ tiˬ mawˇ keuˆ ni, zaˬ-ahˇ aˬ coeˇ bi dawˇ huiˬ meh. Ehˇ kʼawꞈ ngaˬ-euˬ tsawˇ haˬ deuˬ-aˬ, law taw aˇ jiˇ jiˇ ma loꞈ-ehˇ, zaˬ-ahˇ kʼehˬ nehˬ kʼaˆ nehˬ-eu meh.

Ngoeˇ dawˬ 4:6

Myaˆ nuiˆ kʼoˆ tehˆ tiˬ tehˆ laꞈ kʼoeˇ, Sawˇdoˬ meuˬ-ahˇ laˆ cawˆ nehˬ ngeh, caw ba miˇ le-eu maˬ dah-a. Ehˇ kʼawꞈ ngaˬ-euˬ tsawˇ haˬ deuˬ-aˬ, kʼoeˇ naˆ maˬ tseˇ ya daˬ-euˬ meh.

Aˬmoˆ 8:10

Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.

Yawˇnaˆ 3:6

Gaˇ kawˆ kʼoeˇ Niˇnaˬbeˬ sahˬ paˬ-ahˇ gaˬ keuˆ leˇ ngeh, aˬ yawꞈ-euˬ dzoeˬ dzaˬ nuiˇ mahˬ-ahˇ nuiˇ luꞈ-eu tuˇ laˇ-awˇ, sahˬ paˬ dm-eu pehˇ kʼahˬ pehˇ mahˇ lehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, lehˇ tsaˇ jaˆ gaˇ nuiˇ-euˬ meh.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Luˇkaꞈ 7:12

Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh.

Yaˬkoˆ 4:9

Noeˬ shaˬ dui dui-awˇ ngoeˇ dui dui-awˬ. Naw maꞈ uiˇ-euˬ jeˬ-ahˇ ngoeˇ-eu jeˬ bi pyeuꞈ-iˇ-awˇ, laˬ kʼaˬ cehˇ-euˬ jeˬ-ahˇ noeˬ shaˬ-eu jeˬ bi pyeuꞈ-iˇ-awˬ.

Yaˬkoˆ 5:1

Smˇ muiˬ smˇ baw deuˬ-oˇ, ngaˇ ehˇ gaˇ naˇ haˬ sheˇ. Naw maꞈ kʼoeˇ taˆ shaˬ-eu zahˬ-eu jeˬ keuˆ le-eu lehˇ gʼeh-eu miˇ neh guˇ guˇ-ehˇ ngoeˇ-awˬ.