Yeˬlaˬmiˇ 6:16 - Akha

¹⁶ Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Gaˇ ma gaˇ tsmˇ-ahˇ yawꞈ-awˇ haw duˬ-awˬ. Aˇ hu ba-euˬ gaˇ ma gaˇ oeˇ naˇ haˬ duˬ-awˬ. Gaˇ ma gaˇ muiˬ naˇ haˬ duˬ-awˇ cah naˇ, nui saˇ oꞈ-awˇ ya dehꞈ tehꞈ-a.” Ehˇ kʼawꞈ, “Gaˇ ma gaˇ muiˬ-ahˇ maˬ cah” lehˇ, Sahˬpaˬ Miˬyehˇ-ahˇ aˬ yawꞈ maꞈ ehˇ-eu meh.

Yeˬlaˬmiˇ 6:16 ပူးပေါင်းရင်းမြစ်များ

1 Sahˬpaˬ 8:36

mˬ kʼoeˇ taˆ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Sahˬ paˬ-ahˇ maˬ ehˇ, Iˇsaˬleˬlaˆ tsawˇ haˬ deuˬ-ahˇ maˬ ehˇ, nawˇ iˬ baˇ pyehˬ nehˬ-awˇ, yaw tsaˬ yaw dawˇ jeˬ mˇ ni mehˬ nehˬ tsoˆ nehˬ-awˬ. Sahˬpaˬ Miˬyehˇ-oˇ, kʼoeˇ naˇ, nawˬ-euˬ tsawˇ jeuˬ-ahˇ nawˬ neh biꞈ tsehˆ tsehˆ nehˬ-euˬ miˇ kʼahˬ heu kʼahˬ kʼoeˇ taˆ, uˬ yehˇ bi yehˇ le-awˬ.

2 Laˬsaˬbaˬ 19:11

Piˇ ma Yaw huiˬ gʼaˬ pyeuꞈ-eu Aˬmaˬliˇ-aˬ, uˬ duˬ tahˬ-eu zahˇ sahˇ kʼoꞈ paw taꞈ leˇ-eu gaˇ dawˬ tawˆ luꞈ-ahˇ jahˇ jiˇ nya-eu baoˬ jaˆ-awˇ, Yuˇdaˆ miˇ kʼahˬ-ahˇ haw pyaˆ uˆ lahˇ-eu gʼaˬ pyeuꞈ-eu Iˇshaˬmeˬlaˇ-euˬ aˬ li Zeˬbaˬdiˇ-aˬ, miˇ kʼahˬ zahˇ sahˇ kʼoꞈ-ahˇ taꞈ-eu gaˇ yawˬ jeˬ na luꞈ-ahˇ jahˇ jiˇ nya-eu baoˬ jaˆ-eu meh. Leˬbiˇ tsawˇ haˬ deuˬ-aˬ, saˇ naˇ gaˇ mˇ-eu paw haw-eu pyaˆ-eu deuˬ ya geuꞈ meh. Nui ma kʼaˬ duˬ ni mˇ-awˬ. Yaw tsaˬ yaw dawˇ dawˇ-ehˇ mˇ-eu deuˬ jawˇ paw Sahˬpaˬ Miˬyehˇ pyawˬ luꞈ-uˇ.”

Jaceuq 116:7

Ngaˬ-euˬ nui ma-oˇ, gʼaˬ byehˆ taˬ byehˆ. Sahˬpaˬ Miˬyehˇ nawˬ-ahˇ ngehˬ gʼeh dah teˬ luꞈ meh.

Iˇsaˬyaˇ 2:5

Yaˬkoˆ-euˬ zaˬ deuˬ uˆ deuˬ-oˇ, Sahˬpaˬ Miˬyehˇ-euˬ yaw shehꞈ laꞈ kʼoeˇ, aˬ dui cah gʼeh kaˇ-euˇ.

Iˇsaˬyaˇ 28:12

Gʼaˬ doeˇ dah-eu jeˬ hawˇ-eu nui saˇ oꞈ-eu jeˬ, naw maꞈ-ahˇ aˬ yawꞈ mehˬ kʼawꞈ, aˬ yawꞈ ehˇ gaˇ naw maꞈ maˬ naˇ haˬ-a.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Iˇsaˬyaˇ 46:9

Aˇ hu pyeuꞈ dzeuˇ-euˬ gaˇ kawˆ noeˬ mawˇ-awˬ. Ngaˇ tehꞈ-ehˇ Miˬyehˇ pyeuꞈ-eu siˬ nya-awˇ, ngaˬ-ahˇ duˇ-eu nui gʼaˬ maˬ jawˇ-eu siˬ duˬ-awˬ.

Iˇsaˬyaˇ 57:2

Dehꞈ ngeh muiˬ-euˬ tsawˇ haˬ kʼoeˇ deuˬ, shiˇ ngeh yaw saˇ oꞈ-awˇ gʼaˬ doeˇ ya naˬ dah meh.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬlaˬmiˇ 12:16

Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, ngaˬ-euˬ tsawˇ jeuˬ-euˬ uˬ duˬ tahˬ-eu zahˇ sahˇ kʼoꞈ-ahˇ ha geuꞈ-awˇ, aˇ hu Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ saˇ jaˇ dzaˬ ni ngaˬ-euˬ tsawˇ haˬ deuˬ-ahˇ aˬ yawꞈ maꞈ neh mehˬ nehˬ taˬ-euˬ jaˆ-eu loꞈ-ehˇ, nymˬ-mˇ aˬ yawꞈ maꞈ, “Sahˬpaˬ Miˬyehˇ kʼaˇ dehꞈ kʼoeˇ keuˆ ni” lehˇ ehˇ-awˇ saˇ jaˇ dzaˬ naˇ, aˬ yawꞈ maꞈ kʼawꞈ ngaˬ-euˬ tsawˇ jeuˬ ya pyeuꞈ-awˇ, baw le za le tehꞈ-a.

Yeˬlaˬmiˇ 18:12

Ehˇ kʼawꞈ, aˬ yawꞈ maꞈ heu loꞈ-ehˇ ehˇ tehꞈ-a. ‘Aˬ jeˬ miˇ neh nga maꞈ dehꞈ jeˬ dehꞈ kawˆ paˇ-eu loˬ ta. Nga maꞈ nui ma kʼaˇ gʼahˇ mawꞈ-eu gʼahˇ-awˇ, yaw haiˬ jeˬ mˇ mˇ-ehˇ dehꞈ ma’ lehˇ ehˇ tehꞈ-a.”

Yeˬlaˬmiˇ 18:15

Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Yeˬlaˬmiˇ 2:25

Iˇsaˬleˬlaˆ-oˇ, miˬ yehˇ nui deuˬ-ahˇ poˆ-eu laꞈ kʼoeˇ, nawˬ-euˬ aˬ kuiˇ gʼah-awˇ kuˬ byahˬ taˬ bi gui-iˇ. Ehˇ kʼawꞈ, nawˇ heu loꞈ-ehˇ ehˇ-eu meh. ‘Ngaˇ maˬ paˇ gʼoꞈ kʼoꞈ laˇ haw ma. Aˬ cawˬ-euˬ miˬ yehˇ-ahˇ jawˇ gaˬ taˬ-eu miˇ neh, miˬ yehˇ kʼoeˇ deuˬ-euˬ mehˬ nah caw teh ma’ lehˇ ehˇ-eu meh.”

Yeˬlaˬmiˇ 22:21

Naw maꞈ dehꞈ dzaˬ luꞈ ngeh Sahˬpaˬ Miˬyehˇ dawˬ ngehˬ cawˬ gaˇ, naw maꞈ naˬ bawˇ maˬ ciˬ kʼmˇ-aˬ. Naw maꞈ dehꞈ dzeuˇ laꞈ-euˬ aˇ yamˬ heu myah laꞈ kʼoeˇ, Sahˬpaˬ Miˬyehˇ ehˇ dawˬ maˬ naˇ haˬ-aˬ.

Yeˬlaˬmiˇ 31:21

Gaˇ ma-ahˇ tsaˬ tsoˆ taˬ yaꞈ-awˬ. Nawˬ neh iˇ-euˬ gaˇ ma paˇ noeˬ doˆ-awˬ. Iˇsaˬleˬlaˆ-oˇ, gʼoꞈ laˇ-awˬ. Nawˬ neh byehˇ-euˬ meuˬ-ahˇ gʼoꞈ jawˇ laˇ-awˬ.

Yeˬlaˬmiˇ 42:3

Nga maꞈ ya mˇ-eu jeˬ hawˇ-eu ya iˇ-eu gaˇ ma mehˬ nehˬ laꞈ-eu gʼaˇ duˬ, Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.”

Yeˬlaˬmiˇ 44:16

“Sahˬpaˬ Miˬyehˇ-euˬ tsawˇ myahˇ uˬ moˆ nawˬ neh nga maꞈ-ahˇ ehˇ nehˬ laꞈ-euˬ jeˬ-ahˇ, nga maꞈ maˬ naˇ haˬ.

Yeˬlaˬmiˇ 50:5

Aˬ yawꞈ maꞈ Ziˇoˬ meuˬ-ahˇ le-eu gaˇ ma naˇ haˬ naˇ haˬ-ehˇ laˇ tehꞈ-a. Mˬ maˬ maˬ byaˆ zaˇ ziˇ ziꞈ-eu saˇ jaˇ ngaˬ nehˬ-ehˇ aˬ yawꞈ maꞈ dzaˬ-awˇ, tiˬ jawˇ-iˬ maˬ paˇ puiˬ ni dehꞈ tehꞈ-a.

Yeˬlaˬmiˇ 7:23

Ehˇ kʼawꞈ ni, ngaˇ aˬ yawꞈ maꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ ni, ngaˬ-euˬ ehˇ dawˬ-ahˇ ya naˇ haˬ geuꞈ meh lehˇ, aˬ yawꞈ maꞈ-ahˇ ngaˬ neh biꞈ taˬ-euˬ dawˬ jaˆ ma. Yawˬ jeˬ na luꞈ laꞈ kʼoeˇ aˬ yawꞈ maꞈ guiˬ lahˬ za nya ni, ngaˬ neh dawˬ biꞈ-euˬ loꞈ-ehˇ dehꞈ-eu gʼaˇ duˬ, aˬ yawꞈ maꞈ-ahˇ ngaˇ ehˇ nehˬ-euˬ ma.

Yeˬlaˬmiˇ 7:24

Ehˇ kʼawꞈ, aˬ yawꞈ maꞈ naˬ bawˇ maˬ gaˬ leˇ-ehˇ, aˬ yawꞈ maꞈ-euˬ gʼahˇ-eu nui ma hawˇ-eu haiˬ-eu nui ma laꞈ kʼoeˇ kʼaˇ noeˬ doˆ laˇ-euˬ jeˬ mˇ-awˇ, muiˬ laˇ jaˬ laˇ-eu jeˬ maˬ jaˆ-eu uˬ taꞈ, tiˬ jawˇ saˇ-i tiˬ jawˇ doeˇ dzehˬ laˇ-euˬ meh.

Yeˬlaˬmiˇ 7:3

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ-euˬ Miˬyehˇ heu loꞈ-ehˇ ehˇ-eu meh. ‘Naw maꞈ dehꞈ jeˬ dehꞈ kawˆ paˇ naˇ, miˇ kʼahˬ heu kʼahˬ laꞈ kʼoeˇ bi jawˇ daˆ leꞈ ma.

Maˬlaˬkiˇ 4:4

“Iˇsaˬleˬlaˆ tsawˇ haˬ dawˬ tawˆ luꞈ bi naˇ haˬ geuꞈ-eu gʼaˇ duˬ, Siˇnaˆ gawˬ jawˬ-ahˇ ngaˬ-euˬ za kʼaˆ Moˇseˬ-ahˇ ngaˬ neh biꞈ-euˬ zahˇ dawˬ kʼoꞈ dawˬ pyeuꞈ-eu, Moˇseˬ neh mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ naw maꞈ taˬ ngehˇ.

Luˇkaꞈ 16:29

“Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ dah-eu deuˬ jawˇ meh. Aˬ yawꞈ maꞈ-euˬ ehˇ dawˬ-ahˇ aˬ ha mehˇ nmˇ naˇ haˬ luꞈ-uˇ.’

Yoˇhaˬ 12:35

Yeˬsuˇ ehˇ-eu, “Yaw shehꞈ-aˬ, naw maꞈ nehˬ-ehˇ tiˬ kʼehˬ jawˇ tehꞈ-a. Naw maꞈ yaw shehꞈ za luꞈ ngeh, naw maꞈ kʼoeˇ taˆ yaw zahˇ maˬ bi keuˆ le ni cah tehˇ tehˬ-awˬ. Aˬ jeˬ miˇ neh ehˇ naˇ, yaw zahˇ laꞈ kʼoeˇ cah-eu tsawˇ haˬ-aˬ, yawˬ ha aˬ geu paw iˇ luꞈ-eu maˬ siˬ nya-a.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Gʼaˬkʼehˇ 17:11

Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

Lormav 4:12

Baˆ kʼoˆ mehˬ dzaˬ yehˬ-euˬ uˬ taꞈ, aˇ hu Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ kʼaˇ dehꞈ yaꞈ-euˬ loꞈ-ehˇ jah jah-ehˇ dehꞈ-eu deuˬ-euˬ aˬ da yaw dzahˇ gʼaˬ kʼawꞈ, Aˬbyaˬhaˬ aˬ yawꞈ meh.

Dawˬmehˬ 32:7

“Aˇ hu ziˇ-ahˇ pyeuꞈ ka leꞈ-euˬ, gaˇ kawˆ deuˬ-ahˇ naˇ haˬ haw sheˇ. Aˬ da deuˬ neh bi ja mehˬ-awˇ, tsawˇ mawˬ deuˬ neh bi dzawˇ duˬ sheˇ.

Gawˇlawˇsehˇ 2:6

Naw maꞈ-aˬ, Yeˬsuˇ Ka li-ahˇ naw maꞈ-euˬ Sahˬpaˬ loꞈ-ehˇ ha geuꞈ gʼaˬ-euˬ miˇ neh, aˬ yawꞈ-euˬ laꞈ kʼoeˇ dehꞈ gʼeh-awˬ.

HeˬByehˇ 11:2

Aˇ hu tsawˇ haˬ deuˬ-ahˇ Miˬyehˇ nui kʼahˇ shiˇ-euˬ kʼoeˇ-aˬ, aˬ yawꞈ maꞈ jah-euˬ miˇ neh meh.

HeˬByehˇ 6:12

Naw maꞈ yaw doeˇ doeˇ-eu tsawˇ haˬ maˬ bi pyeuꞈ mawꞈ nya. Ehˇ kʼawꞈ, jah-eu laꞈ kʼoeˇ nui ma gʼawˬ mahˇ ni taˬ-eu baˬ da neh, Miˬyehˇ neh saˇ jaˇ dzaˬ taˬ-euˬ jeˬ-ahˇ za-eu tsawˇ haˬ bi pyeuꞈ mawꞈ-eu ma.

Yaˇ kʼaˬ daˇ 2:17

Ehˇ kʼawꞈ, aˬ yawꞈ maꞈ-euˬ aˬ yuiꞈ aˬ tsu kʼoeˇ deuˬ-euˬ ehˇ dawˬ-ahˇ aˬ yawꞈ maꞈ maˬ naˇ haˬ geuꞈ-a. Iˇsaˬleˬlaˆ tsawˇ jeuˬ Sahˬpaˬ Miˬyehˇ-ahˇ saˇ jaˇ maˬ ziꞈ-ehˇ, miˬyehˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ-euˬ aˬ da deuˬ Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-euˬ kʼawꞈ, yawˬ ziˇ yawˬ-ahˇ dehꞈ le-euˬ tsawˇ haˬ kʼoeˇ deuˬ kʼoeˇ loꞈ-ehˇ maˬ mˇ ni byehˇ-euˬ meh.