Yeˬlaˬmiˇ 6:10 - Akha

¹⁰ Ngaˇ heu loꞈ-ehˇ ehˇ kʼoꞈ nehˬ-euˬ ma. “Ngaˬ neh mehˬ-euˬ dawˬ-ahˇ aˬ suˇ gʼaˬ naˇ haˬ nmˇ. Aˬ yawꞈ maꞈ nui ma gʼahˇ-eu baˬ da neh, nawˬ neh bi ehˇ-euˬ dawˬ deuˬ-ahˇ maˬ naˇ haˬ-ehˇ, nawˬ-euˬ dawˬ-ahˇ naˬ gʼa-eu meh.

Yeˬlaˬmiˇ 6:10 ပူးပေါင်းရင်းမြစ်များ

Jaceuq 1:2

SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

Jaceuq 119:16

Nawˬ-euˬ zahˇ dawˬ kʼoꞈ dawˬ-ahˇ ngaˇ laˬ kʼaˬ cehˇ-awˇ, nawˬ-euˬ dawˬ-ahˇ ngaˇ maˬ ngehˇ.

Jaceuq 119:174

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ noeˬ tmˬ dui dui-eu ma. Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Jaceuq 119:24

Nawˇ mehˬ-eu tsoˆ-eu dawˬ deuˬ ngaˬ-ahˇ bi noeˬ gahˇ-awˇ, dawˬ kʼoeˇ deuˬ-ahˇ ngaˇ laˬ kʼaˬ cehˇ-eu ma.

Jaceuq 119:35

Ngaˬ-euˬ laˬ kʼaˬ cehˇ duˬ zahˇ dawˬ kʼoꞈ dawˬ laꞈ kʼoeˇ jaˆ-eu miˇ neh, dawˬ kʼoeˇ deuˬ-ahˇ naˇ haˬ geuꞈ nya ni caw ba nehˬ laꞈ.

Jaceuq 119:70

Tsawˇ haˬ kʼoeˇ deuˬ zahˇ sahˇ kʼoꞈ maˬ baw kʼawꞈ, nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Jaceuq 119:77

Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu miˇ neh, ngaˇ yaw dehꞈ ya dehꞈ ni gʼawˬ shaˬ gaˬ nehˬ laꞈ-awˬ.

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Doˆ-iˇ 6:12

Ehˇ kʼawꞈ, Moˇseˬ ehˇ-eu, “Iˇsaˬleˬlaˆ tsawˇ haˬ kʼawꞈ ngaˬ-euˬ ehˇ dawˬ maˬ naˇ haˬ-a. Aˬ joˆ-ehˇ jahˇ-awˇ, ngaˇ loꞈ-ehˇ dawˬ maˬ ngehˬ nya-eu tsawˇ haˬ-euˬ dawˬ-ahˇ sahˬ paˬ kʼoeˇ gʼaˬ naˇ haˬ nmˇ.”

Iˇsaˬyaˇ 42:20

Iˇsaˬleˬlaˆ-oˇ, nawˬ neh mawˇ-euˬ jeˬ maˬ gui jiˇ coeˇ-a. Ehˇ kʼawꞈ, dawˬ tsuiꞈ gʼoˆ nya ma loˇ. Naw maꞈ gaˬ-eu naˬ bawˇ tsoꞈ kʼawꞈ, gaˬ duˬ taˬ-euˬ aˬ jeˬ jaˆ te.”

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Yeˬlaˬmiˇ 35:13

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ heu loꞈ-ehˇ ehˇ nehˬ-iˇ-awˬ lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Aˬ jeˬ miˇ neh naw maꞈ ngaˬ-euˬ dawˬ-ahˇ maˬ naˇ haˬ-ehˇ, ngaˬ neh mehˬ nehˬ tsoˆ nehˬ taˬ-euˬ loꞈ-ehˇ maˬ dehꞈ te lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ naˇ haˬ-euˬ ma.

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Yeˬlaˬmiˇ 7:13

Iˬ baˇ heu deuˬ dawˬ tawˆ luꞈ naw maꞈ mˇ-awˇ, naw maꞈ-ahˇ ngaˇ tiˬ poˆ saˇ-iˬ tiˬ poˆ dawˬ ngehˬ cawˬ kʼawꞈ, naw maꞈ naˬ bawˇ maˬ ciˬ kʼmˇ-a.

Yeˬlaˬmiˇ 7:26

Ehˇ kʼawꞈ, tsawˇ haˬ tiˬ gʼaˬ-iˬ naˬ bawˇ gaˬ leˇ gaˇ maˬ duˇ-ehˇ, naw maꞈ-euˬ aˬ poeˬ aˬ bawˇ deuˬ naˆ maˬ tseˇ naw maꞈ nui ma gʼahˇ-awˇ, ngaˬ-ahˇ puiˬ mawꞈ-eu jeˬ aˇ dzehˬ dzeuˇ meh.

Yeˬlaˬmiˇ 9:26

Iˇjiˇtuˆ miˇ kʼahˬ, Yuˇdaˆ miˇ kʼahˬ, Eˬdoˬ miˇ kʼahˬ, Aˬmoˬ miˇ kʼahˬ, Mawˇbaˆ miˇ kʼahˬ hawˇ-eu gaˇ mahˇ kaˬ gaˇ jaˆ-eu kʼaˇ shuiꞈ deh ga miˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, ngaˇ kʼehˬ nehˬ kʼaˆ nehˬ ma. Gaˇ mahˇ kaˬ-eu kʼaˇ shuiꞈ deh ga miˇ kʼahˬ-ahˇ jawˇ-eu tsawˇ jeuˬ heu deuˬ dawˬ tawˆ luꞈ, nui ma keuˆ-awˇ uˬ jehˆ jehˆ dzeh-eu maˬ ngeuˇ-a. Iˇsaˬleˬlaˆ tsawˇ ha dawˬ tawˆ luꞈ kʼawꞈ, nui ma laꞈ kʼoeˇ keuˆ ni baˆ kʼoˆ mehˬ dzaˬ yehˬ taˬ-euˬ tiˬ gʼaˬ-iˬ maˬ ahˇ-a.”

Yeˬsaˬgeˬlaˇ 3:7

Ehˇ kʼawꞈ, Iˇsaˬleˬlaˆ tsawˇ haˬ tiˬ gʼaˬ-iˬ nawˬ-euˬ dawˬ-ahˇ maˬ naˇ haˬ mawꞈ-aˇ. Ngaˬ-euˬ dawˬ-ahˇ kʼawꞈ aˬ yawꞈ maꞈ maˬ naˇ haˬ mawꞈ-a. Aˬ yawꞈ maꞈ dawˬ tawˆ luꞈ nui ma gʼahˇ-awˇ, naˬ bawˇ yaw tuˇ meh.

Yeˬsaˬgeˬlaˇ 33:3

Muiˇ-eu tsawˇ haˬ deuˬ laˇ luꞈ gaˇ aˬ yawꞈ ya mawˇ ngeh, tsawˇ haˬ dawˬ tawˆ luꞈ-ahˇ aˬ yawꞈ daˇ heh baw gaˬ nehˬ-eu meh.

Yeˬsaˬgeˬlaˇ 33:9

Haiˬ-eu tsawˇ haˬ tiˬ gʼaˬ na-ahˇ nawˇ mehˬ paˇ tsoˆ paˇ kʼawꞈ, iˬ baˇ mˇ-eu maˬ byehˇ ni ya shiˇ naˇ, nawˬ-ahˇ ngaˇ shiˇ kʼawˇ bi dzeuˇ ma.”

Aˬmoˆ 7:10

Beˬdeˬlaˇ meuˬ-ahˇ jawˇ-eu piˇ ma yaw huiˬ gʼaˬ pyeuꞈ-eu Aˬmaˬziˇ gʼaˬ, Iˇsaˬleˬlaˆ sahˬ paˬ Yeˬyawˇbamˬ jawˇ gaˇ heu loꞈ-ehˇ bi tsaꞈ gaˬ leˇ-euˬ meh. “Aˬmoˆ-aˬ, miˇ kʼahˬ zaˬ deuˬ jawˇ gaˇ nawˬ-euˬ gaˇ kawˆ maˬ muiˬ-eu jeˬ ja-awˇ, miˇ kʼahˬ bi pyaˆ laˇ-eu dawˬ ngehˬ luꞈ meh.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Luˇkaꞈ 11:45

Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ Yeˬsuˇ-ahˇ ehˇ-eu, “Saˬ laˬ-oˇ, nawˇ teu loꞈ-ehˇ ehˇ-eu teu, nga maꞈ-ahˇ kʼawꞈ zaw laˇ nya.”

Luˇkaꞈ 20:19

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu piˇ ma aˬ yuiꞈ deuˬ, Yeˬsuˇ-ahˇ tiˬ poˆ tehꞈ-ehˇ nyehꞈ-eu lehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ ja-eu kʼoeˇ aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ gʼoˆ siˬ-euˬ meh. Ehˇ kʼawꞈ, tsawˇ haˬ aˇ maꞈ-ahˇ aˬ yawꞈ maꞈ guˆ-eu miˇ neh maˬ nyehꞈ peuˬ-a.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Yoˇhaˬ 9:40

Kʼoeˇ gaˇ jawˇ-eu Paˬliˬsehˇ tiˬ paˆ na deuˬ aˬ yawꞈ kʼoeˇ loꞈ-ehˇ ehˇ gaˇ ya gaˬ ngeh, “Nga maꞈ-ahˇ myaˆ behꞈ nga lehˇ nawˇ ehˇ mawꞈ-eu maˬ ngeuˇ-eu paˬ” lehˇ ehˇ-eu meh.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

Dawˬmehˬ 29:4

Ehˇ kʼawꞈ, noeˬ siˬ noeˬ mawˇ nya-eu nui ma, haw mawˇ nya-eu myaˆ nuiˆ hawˇ-eu, gaˬ nya-eu naˬ bawˇ heu deuˬ, Sahˬpaˬ Miˬyehˇ naw maꞈ-ahˇ maˬ biꞈ-aˬ siˬ.

Gawˇlawˇsehˇ 1:28

Kʼoeˇ miˇ neh, tsawˇ haˬ yawˬ gʼaˬ na luꞈ-ahˇ Ka li gaˇ kawˆ nga maꞈ mehˬ-eu ma. Yawˬ gʼaˬ na luꞈ-ahˇ Ka li laꞈ kʼoeˇ tsawˇ kʼaˆ kʼaˆ laˇ-euˬ tsawˇ haˬ loꞈ-ehˇ Miˬyehˇ mehˬ shi sheuˬ ha nehˬ leˇ nya-eu gʼaˇ duˬ, aˬ yawꞈ maꞈ ya mˇ-eu jeˬ hawˇ-eu ya yahˇ-eu jeˬ-ahˇ kʼaˇ siˬ kʼaˇ nya-eu loꞈ-ehˇ mehˬ-eu ma.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;