Yeˬlaˬmiˇ 6:1 - Akha

¹ Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

Yeˬlaˬmiˇ 6:1 ပူးပေါင်းရင်းမြစ်များ

2 Saˬmeuˬlaˆ 14:2

Kʼoeˇ miˇ neh, Teˬkawˬ meuˬ-ahˇ jawˇ-eu tsawˇ gahˇ ahˇ-eu zaˬ miˬ zaˬ tiˬ gʼaˬ-ahˇ bi sheuˬ laˬ-iˇ-euˬ meh. Zaˬ miˬ zaˬ kʼoeˇ gʼaˬ laˇ keuˆ ngeh, Yoˇbaˬ heu loꞈ-ehˇ ehˇ nehˬ-euˬ meh. “Nawˇ tsawˇ ngoeˇ ngoeˇ-eu geuꞈ-awˇ, tsawˇ ngoeˇ ngoeˇ-eu deuˬ dm-eu mehˬ tsoeˬ dm-awˇ, uˬ duˬ tsehˇ kahˇ kʼawꞈ maˬ kaˆ juˇ ni bi jaˆ-awˬ. Nawˬ-euˬ aˇ gʼehˇ seuˆ dzeuꞈ dawˬ tawˆ luꞈ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ zaˬ miˬ zaˬ tiˬ gʼaˬ-ahˇ laˆ duˇ-awˬ.

2 Laˬsaˬbaˬ 11:6

Behˬlehˬhehˬ meuˬ, Eˇtamˬ meuˬ,

Neˬhaˬmiˇ 3:14

Leˬkaˆ-euˬ a li Behˬhaˬsheˬleˬ meuˬ-ahˇ uˆ lahˇ-eu gʼaˬ pyeuꞈ-eu Maˬlaˬkiˇyaˬ gʼaˬ Mawˇ neˇ ceˬ lahˇ kʼehˬ-ahˇ gawˬ muiˬ-euˬ meh. Laˇ gʼoˆ bahˬ hawˇ-eu gʼoˆ paꞈ aˬ yawꞈ dawˆ tsoꞈ-awˇ, gʼoˆ kaꞈ kaꞈ tehˬ nya-eu gʼaˇ duˬ gʼoˆ sehˬ hawˇ-eu gʼoˆ sehˬ kahˬ kʼawꞈ jahˇ tsoꞈ-euˬ meh.

Neˬhaˬmiˇ 3:5

Kʼoeˇ gaˇ neh naˇ, Teˬkawˬ meuˬ-ahˇ jawˇ-eu tsawˇ haˬ deuˬ tiˬ deuˆ paˇ gawˬ tsaꞈ gʼeh-euˬ meh. Ehˇ kʼawꞈ, gaˇ mˇ gaˇ haw luꞈ pyaˆ luꞈ-eu deuˬ neh bi mˇ-euˬ loꞈ-ehˇ aˬ yawꞈ maꞈ maˬ mˇ-a.

Yeˬlaˬmiˇ 10:22

Naˇ haˬ sheˇ. Gaˇ kawˆ gaˬ keuˆ le miˇ-a. Laꞈ taˆ paw jaˆ-eu miˇ kʼahˬ tiˬ kʼahˬ-ahˇ, yaw kʼaˆ-ehˇ luiˬ gʼa luꞈ miˇ-a. Aˬ yawꞈ maꞈ-euˬ guiˇ maꞈ deuˬ-aˬ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, bawˇ tsahˬ aˬ kuiˬ jawˇ zaˇ loꞈ-ehˇ, kʼaˇ shuiꞈ shuiꞈ yaˇ laˆ pyeuꞈ tehꞈ-a.”

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 4:29

Mahˬ dziˬ-eu deuˬ hawˇ-eu kaˆ beuˆ-eu deuˬ luiˬ gʼa laˇ ngeh, yawˬ gʼaˬ na luꞈ cehˆ byoˆ tehꞈ-a. Tiˬ paˆ na deuˬ lo guˇ-ahˇ cehˆ daˆ leˇ tehꞈ-a. Meuˬ dawˬ tawˆ luꞈ yawꞈ ngehꞈ-ehˇ jaˆ yaꞈ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 6:22

Sahˬpaˬ Miˬyehˇ heu loꞈ-ehˇ ehˇ-eu meh. “Laˬ taˆ paw jaˆ-eu miˇ kʼahˬ tiˬ kʼahˬ-ahˇ jawˇ-eu tsawˇ haˬ deuˬ oe luꞈ meh. Gaˇ mahˇ kaˬ gaˇ jawˇ-eu huiˬ-eu tsawˇ jeuˬ tiˬ jeuˬ, guiˇ deuˆ-eu gʼaˇ duˬ lehˬ hmˬ dah luꞈ meh.

Aˬmoˆ 1:1

Heu-aˬ, Teˬkawˬ meuˬ-ahˇ jawˇ-eu yawˇ bo-eu tsawˇ haˬ tiˬ gʼaˬ pyeuꞈ-eu Aˬmoˆ-euˬ dawˬ deuˬ meh. Miˇ luˆ luˆ-euˬ mehˬ hu nyiˬ kʼoꞈ-ahˇ, Awˇziˇ gʼaˬ Yuˇdaˆ sahˬ paˬ geuꞈ luꞈ-awˇ, Yeˬhawˇshaˆ-euˬ aˬ li Yeˬyawˇbamˬ gʼaˬ Iˇsaˬleˬlaˆ sahˬ paˬ geuꞈ luꞈ ngeh yamˬ-ahˇ, Iˇsaˬleˬlaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Aˬmoˆ-ahˇ Miˬyehˇ pah mehˬ nehˬ-euˬ meh.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Zaˬkaˬliˇ 6:6

Mahˬ mahˬ naˆ neh gʼeu-euˬ laˆ lawˬ kʼoeˇ laˇ-aˬ, laꞈ taˆ paw pyawˬ-ahˇ jaˆ-eu Baˬbuˇloˬ miˇ kʼahˬ paw le-awˇ, mahˬ mahˬ pyuˇ neh gʼeu-euˬ laˆ lawˬ kʼoeˇ laˇ-aˬ, nahˇ ma ga kʼehˬ paw pyawˬ-ahˇ jaˆ-eu miˇ kʼahˬ paw iˇ-eu meh. Mahˬ mahˬ byaꞈ neh gʼeu-euˬ laˆ lawˬ kʼoeˇ laˇ-aˬ, laꞈ oˆ paw pyawˬ-ahˇ jaˆ-eu miˇ kʼahˬ paw iˇ-eu meh.”

Yawˇshuˆ 15:63

Ehˇ kʼawꞈ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ haˬ deuˬ-ahˇ Yuˇdaˆ tsawˇ haˬ deuˬ maˬ teh doˆ nya-a. Yeˬbuˇ tsawˇ haˬ kʼoeˇ deuˬ iˬ nah keuˆ ni, Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼoeˇ gaˇ jawˇ luꞈ-eu meh.

Yaˇ kʼaˬ daˇ 1:21

Ehˇ kʼawꞈ, Beˬyaˬmiˬ tsawˇ jeuˬ-aˬ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ jeuˬ-ahˇ maˬ teh doˆ-ehˇ, Yeˬbuˇ tsawˇ jeuˬ hawˇ-eu Beˬyaˬmiˬ tsawˇ jeuˬ tiˬ kawˆ loꞈ-ehˇ jawˇ daˆ leꞈ-euˬ meh.