Yeˬlaˬmiˇ 52:3 - Akha

³ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui-eu miˇ neh, aˬ yawꞈ-euˬ mehˬ shi maˬ bi jawˇ ni teh dzeh nehˬ-euˬ meh. Baˬbuˇloˬ sahˬ paˬ Neˬbuˬkaˬneˬzaˬ-ahˇ Zeˬdaˬkiˇ puiˬ-euˬ meh.

Yeˬlaˬmiˇ 52:3 ပူးပေါင်းရင်းမြစ်များ

Aˇ dahˬ 4:14

Miˇ kʼahˬ heu kʼahˬ-ahˇ neh nawˬ-euˬ myaˆ pyawˬ maˬ ya mawˇ-eu jawˇ duˬ-ahˇ, nawˇ ngaˬ-ahˇ teh dzeh nehˬ laꞈ-euˬ meh. Ngaˇ tiˬ gaˇ-iˬ jawˇ duˬ dah leˇ kʼaˇ maˬ za ni, miˇ kʼahˬ doe doe-ehˇ cah cah-ehˇ ya jawˇ naˇ, kʼaˇ puˬ kʼaˇ mawˇ le-eu tsawˇ haˬ deuˬ ngaˬ-ahˇ sehꞈ laˇ tehꞈ-a.”

Aˇ dahˬ 4:16

Kʼoeˇ naˇ, Sahˬpaˬ Miˬyehˇ-euˬ mehˬ shi neh Gaˬiˇnaˆ iˇ doˆ gʼeh-awˇ, Eˬdeˬ yaˇ kmˇ-euˬ nahˇ ma doˆ kʼehˬ paw jaˆ-eu Nawˇdaˆ miˇ kʼahˬ-ahˇ jawˇ-iˇ-euˬ meh.

2 Saˬmeuˬlaˆ 24:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-awˇ, Daˬbiˇ-ahˇ gʼoe-eu laꞈ kʼoeˇ, Iˇsaˬleˬlaˆ tsawˇ haˬ deuˬ kʼoeˇ taˆ shaˬ-eu zahˬ-eu jeˬ bi keuˆ le-euˬ meh.

1 Sahˬpaˬ 10:9

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ miˇ kʼahˬ kʼoeˇ taˆ nawˬ-ahˇ sahˬ paˬ bi geuꞈ-eu laꞈ kʼoeˇ, aˬ yawꞈ nawˬ-ahˇ aˇ naˆ ni nui kʼahˇ shiˇ-eu gaˇ kawˆ bi siˬ bi mawˇ-euˬ meh. Iˇsaˬleˬlaˆ tsawˇ jeuˬ-ahˇ aˬ yawꞈ gaˬ-eu jeˬ mˬ maˬ maˬ byaˆ zaˇ ziˇ ziꞈ-eu miˇ neh, yaw tsaˬ yaw dawˇ laꞈ kʼoeˇ zahˇ dawˬ kʼoꞈ dawˬ-ahˇ tsaˬ ni aˬ yawꞈ maꞈ kʼoeˇ taˆ bi uˆ lahˇ-eu gʼaˇ duˬ, aˬ yawꞈ nawˬ-ahˇ sahˬ paˬ bi pyeuꞈ laˇ-euˬ nga.”

2 Sahˬpaˬ 17:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ miˇ neh, maˬ mawˇ laˇ gaˇ teh dzeh nehˬ-awˇ, Yuˇdaˆ miˇ kʼahˬ tehꞈ-ehˇ bi dzeˇ yaꞈ-euˬ meh.

2 Sahˬpaˬ 17:20

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma naˇ dui dui-awˇ, doeˇ dui dui-eu muiˇ-eu tsawˇ haˬ deuˬ neh bi kʼehˬ-eu laꞈ kʼoeˇ, maˬ mawˇ laˇ gaˇ bi iˇ byoˆ jiˇ-euˬ meh.

2 Sahˬpaˬ 17:23

Sahˬpaˬ Miˬyehˇ-euˬ zaˬ kʼaˆ deuˬ hawˇ-eu aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ, Sahˬpaˬ Miˬyehˇ maˬ mawˇ gaˇ maˬ bi teh dzeh jiˇ kʼoeˇ keuˆ ni, aˬ yawꞈ maꞈ kʼoeˇ loꞈ-ehˇ iˬ baˇ mˇ-euˬ meh. Kʼoeˇ miˇ neh Iˇsaˬleˬlaˆ tsawˇ haˬ kʼoeˇ deuˬ Aˬshuˇliˆ miˇ kʼahˬ-ahˇ bi nyehꞈ byoˆ gʼeh-awˇ, kʼoeˇ gaˇ ya jawˇ byoˆ-euˬ meh.

2 Sahˬpaˬ 24:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu, Yuˇdaˆ miˇ kʼahˬ zaˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ taˬ-euˬ miˇ neh, aˬ yawꞈ maˬ mawˇ gaˇ bi iˇ byoˆ gʼeh-euˬ meh.

2 Laˬsaˬbaˬ 36:13

Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.

Eˇzaˬlaˬ 4:15

Nawˬ-euˬ aˬ poeˬ aˬ bawˇ deuˬ neh boꞈ ahˇ taˬ yaꞈ-euˬ gaˇ kawˆ deuˬ laꞈ kʼoeˇ bi poˆ haw naˇ, Yeˬluˇsaˬlehˬ meuˬ-aˬ, aˇ hu ba neh sahˬ paˬ sahˬ ma deuˬ-ahˇ bahˬ-eu muˆ-eu meuˬ pyeuꞈ-awˇ, kʼoeˇ gaˇ jawˇ-eu tsawˇ haˬ deuˬ-ahˇ uˆ lahˇ-eu shaˬ dui dui-eu miˇ neh, meuˬ kʼoeˇ meuˬ-ahˇ laˆ luˬ laˆ seˇ nehˬ-euˬ gaˇ kawˆ boꞈ taˬ-euˬ gaˇ ya mawˇ tehꞈ-a.

Dawqdaq 28:2

Miˇ kʼahˬ zaˬ deuˬ iˬ baˇ mˇ myaˬ-eu miˇ kʼahˬ-aˬ, tiˬ kʼehˬ maˬ taˬ ni dzoeˬ dzaˬ paˇ laˇ-eu meh. Ehˇ kʼawꞈ, nui ma-ahˇ noeˬ-awˇ, zaˬ siˬ tsawˇ gahˇ byah-eu deuˬ dzoeˬ dzaˬ-eu miˇ kʼahˬ-aˬ, nui ma gm-awˇ ziꞈ dah ni jaˆ-eu meh.

Dawˬ tsoˆ 10:16

Dzoeˬ dzaˬ-eu sahˬ paˬ aˇ kʼoꞈ nahˬ-awˇ, uˆ lahˇ-eu aˬ yuiꞈ aˬ tsu deuˬ uˬ ciꞈ miˇ lah-ehˇ dzaˬ byawˬ dawˇ byawˬ-eu miˇ kʼahˬ-aˬ, shaˬ zahˬ naꞈ-eu miˇ kʼahˬ meh.

Iˇsaˬyaˇ 19:4

Gʼawˬ shaˬ gaˬ-eu maˬ siˬ nya-eu gʼaˬ-euˬ aˬ laꞈ laꞈ kʼoeˇ, Iˇjiˇtuˆ tsawˇ haˬ deuˬ-ahˇ ngaˇ a nehˬ-awˇ, guˆ dui dui laˇ paˬ-ehˇ gʼeh-eu sahˬ paˬ, aˬ yawꞈ maꞈ-ahˇ bi uˆ lahˇ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 3:1

Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Iˇsaˬyaˇ 36:5

Aˬ yawꞈ ehˇ-eu, “Guiˇ deuˆ-eu tsawˇ gahˇ hawˇ-eu baoˬ maˬ jaˆ gaˇ, mehˬ boeˬ neh gʼaˬ leˇ nya ma lehˇ naw maꞈ noeˬ te loˇ. Aˬshuˇliˆ tsawˇ jeuˬ-ahˇ naw maꞈ ciˬ cehˆ nya ni, naw maꞈ-ahˇ aˬ suˇ gʼaˬ caw ba le gaˇ noeˬ muiˬ luꞈ te.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 7:15

Naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-ahˇ ngaˬ neh teh dzeh nehˬ-euˬ loꞈ-ehˇ, naw maꞈ-ahˇ kʼawꞈ maˬ mawˇ laˇ gaˇ ngaˇ teh dzeh ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”