Yeˬlaˬmiˇ 52:14 - Akha

¹⁴ Aˬ yawꞈ-euˬ yehˇ deuˬ meuˬ meuˬ lahˇ laˆ byaˆ-euˬ meh.

Yeˬlaˬmiˇ 52:14 ပူးပေါင်းရင်းမြစ်များ

2 Sahˬpaˬ 25:10

Aˬ yawꞈ-euˬ yehˇ deuˬ-aˬ, Yeˬluˇsaˬlehˬ meuˬ tiˬ jawˬ gawˬ taˬ-euˬ meuˬ meuˬ lahˇ laˆ pyaˆ-euˬ meh.

Neˬhaˬmiˇ 1:3

Baˬbuˇloˬ miˇ kʼahˬ-ahˇ neh paˇ gʼoꞈ jawˇ-iˇ-euˬ deuˬ-ahˇ, dawˬ peh jawˇ luꞈ-eu aˬ cawˬ tsawˇ jeuˬ deuˬ taˬ nyiˇ dui dui-eu miˇ neh ya shaˬ ya zahˬ luꞈ-eu gaˇ kawˆ aˬ yawꞈ maꞈ ngaˬ-ahˇ dzawˇ nehˬ laꞈ-euˬ meh. Yeˬluˇsaˬlehˬ meuˬ-euˬ meuˬ lahˇ byaˆ-iˇ taˬ-awˇ, miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ kʼawꞈ maˬ laˆ muiˬ-ehˇ jaˆ luꞈ meh lehˇ dzawˇ-eu meh.

Yeˬlaˬmiˇ 39:8

Kʼoeˇ ngeh, Baˬbuˇloˬ tsawˇ haˬ deuˬ sahˬ paˬ-euˬ hawˇ nymˇ hawˇ-eu miˇ kʼahˬ zaˬ-euˬ nymˇ deuˬ keuˬ dzeh-awˇ, Yeˬluˇsaˬlehˬ meuˬ-euˬ meuˬ meuˬ lahˇ deh byaˆ-euˬ meh.

Ngoeˇ dawˬ 2:6

Kmˇ cehˇ ngawˬ pyaˆ dzeh-eu loꞈ-ehˇ, yawꞈ-euˬ Uˬ duˬ tahˬ nymˇ nymˇ ma, yawꞈ ngawˬ pyaˆ-awˇ laˆ cawˆ-euˬ meh. Yawꞈ neh bawˬ-iˬ bi gʼeh-euˬ jawˇ duˬ, yawꞈ laˆ luˬ laˆ seˇ nehˬ-euˬ meh. Bawˬ-iˬ deuˬ hawˇ-eu jawˇ nah tawˬ-eu, yawꞈ neh laˆ byoˆ jiˇ nehˬ-euˬ meh. Sahˬ paˬ maˬ ehˇ, piˇ ma maˬ ehˇ, yawꞈ-euˬ nui pehˇ zaw leˇ-euˬ meh.

Yeˬsaˬgeˬlaˇ 26:12

Nawˬ-euˬ pyuˇ shuiˇ myawˬ gahˬ hawˇ-eu nawˇ gaꞈ luꞈ ka luꞈ-eu myawˬ gahˬ deuˬ-ahˇ, muiˇ-eu deuˬ yuˇ geuꞈ tehꞈ-a. Nawˬ-euˬ meuˬ lahˇ-ahˇ aˬ yawꞈ maꞈ gʼeu coˬ-awˇ muiˬ dui dui-eu nawˬ-euˬ nymˇ deuˬ-ahˇ deh pyaˆ tehꞈ-a. Kʼaˬ lo tsaˬ byaˆ deuˬ, daˇ kawˬ deuˬ hawˇ-eu, miˇ tsaˬ deuˬ aˬ yawꞈ maꞈ iˬ ma laˆ shaˆ-ahˇ baꞈ bu tehꞈ-a.

Daˬyeˬlaˇ 2:14

Kʼoeˇ naˇ, Baˬbuˇloˬ meuˬ-ahˇ jawˇ-eu tsawˇ gahˇ ahˇ-eu tsawˇ haˬ deuˬ-ahˇ sehꞈ-eu gaˇ biꞈ taˬ-euˬ, sahˬ paˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Aˬliˇoˆ jawˇ gaˇ Daˬyeˬlaˇ iˇ-awˇ, yaw muiˬ paˬ-ehˇ noeˬ gahˇ-awˇ ngehˬ cawˬ-euˬ meh.