Yeˬlaˬmiˇ 51:6 - Akha

⁶ Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 51:6 ပူးပေါင်းရင်းမြစ်များ

Jaceuq 94:1

Sahˬpaˬ Miˬyehˇ-oˇ, nawˇ-aˬ, kʼehˬ nehˬ kʼaˆ nehˬ-eu Miˬyehˇ meh. Nawˇ nui ma pehˇ-eu jeˬ bi mawˇ-awˬ.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Iˇsaˬyaˇ 63:4

Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu, aˇ yamˬ keuˆ laˇ-euˬ ngaˇ noeˬ tsehˆ-eu ma. Aˬ yawꞈ maꞈ-ahˇ muiˇ-eu deuˬ-ahˇ kʼehˬ-eu aˇ yamˬ tsaˬ laˇ-euˬ meh.

Yeˬlaˬmiˇ 25:14

Baˬbuˇloˬ tsawˇ jeuˬ neh kʼaˇ mˇ-euˬ jeˬ aˇ poeˬ, dziˇ dzoˆ bi tsoeˬ poˆ ma. Tsawˇ jeuˬ gʼawˬ mya jeuˬ hawˇ-eu, tsawˇ myahˇ doˆ-eu sahˬ paˬ gʼawˬ mya gʼaˬ-euˬ laꞈ oˆ, aˬ yawꞈ maꞈ-ahˇ zaˬ kʼaˆ bi geuꞈ ma.”

Yeˬlaˬmiˇ 25:16

Aˬ yawꞈ maꞈ kʼmˬ maˬ heu kʼmˬ ciˬ dawˇ ngeh, yehꞈ leˇ-awˇ coˬ coˬ-ehˇ cah-eu laꞈ kʼoeˇ, nui ma-ahˇ maˬ noeˬ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ, guiˇ deuˆ-eu jeˬ ngaˇ bi keuˆ le luꞈ-eu ma.”

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Yeˬlaˬmiˇ 46:10

Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬlaˬmiˇ 48:6

Uˬ kʼawˇ kʼaˇ buˬ maˬ buˬ cehˆ-awˬ. Bawˇ tsahˬ mahˬ tahˬ laˆ deuˬ loꞈ-ehˇ cehˆ-awˬ.

Yeˬlaˬmiˇ 50:15

Meuˬ-euˬ tiˬ jawˬ guˇ guˇ-ehˇ guiˇ deuˆ-awˬ. Nymˬ-mˇ poˆ jawˇ Baˬbuˇloˬ meuˬ guiˇ deuˆ sm-awˇ aˬ cawˬ laꞈ oꞈ awꞈ-euˬ meh. Meuˬ lahˇ bi deuˆ pehꞈ-awˇ byaˆ-iˇ-euˬ meh. Baˬbuˇloˬ tsawˇ haˬ deuˬ-ahˇ ngaˇ laꞈ poˆ poˆ nehˬ luꞈ-eu ma. Kʼoeˇ miˇ neh, naw maꞈ Baˬbuˇloˬ tsawˇ haˬ deuˬ-ahˇ laꞈ poˆ poˆ kʼoꞈ nehˬ-awˇ, aˬ yawꞈ maꞈ aˬ cawˬ-ahˇ jahˇ nehˬ taˬ-euˬ loꞈ-ehˇ, aˬ yawꞈ maꞈ-ahˇ paˇ jahˇ kʼoꞈ nehˬ-awˬ.

Yeˬlaˬmiˇ 50:28

Baˬbuˇloˬ miˇ kʼahˬ-ahˇ neh cehˆ doˆ laˇ-euˬ tsawˇ haˬ deuˬ Yeˬluˇsaˬlehˬ meuˬ-ahˇ cehˆ laˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ tsawˇ haˬ deuˬ yehˬ bawˬ sehˇ lu-ehˇ jahˇ yaꞈ-euˬ baˬ da neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ paˇ jahˇ poˆ nehˬ-euˬ gaˇ kawˆ dzawˇ le-euˬ meh.

Yeˬlaˬmiˇ 50:31

“Baˬbuˇloˬ miˇ kʼahˬ-oˇ, nawˇ-aˬ, nui ma huiˬ dui mahˇ dui dui-eu meh. Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu ngaˇ, Baoˬ huiˬ-eu Sahˬpaˬ Miˬyehˇ-aˬ, nawˬ-ahˇ muiˇ-eu ma. Ngaˇ nawˬ-ahˇ kʼehˬ nehˬ kʼaˆ nehˬ-eu aˇ nah keuˆ le-euˬ meh.

Yeˬlaˬmiˇ 50:8

“Iˇsaˬleˬlaˆ tsawˇ haˬ deuˬ-oˇ, Baˬbuˇloˬ miˇ kʼahˬ-ahˇ neh cehˆ dzeuˇ-awˬ. Miˇ kʼahˬ kʼoeˇ kʼahˬ-ahˇ neh aˬ cawˬ mehˬ hu cehˆ doˆ-awˬ.

Yeˬlaˬmiˇ 51:11

Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Yeˬlaˬmiˇ 51:36

Kʼoeˇ miˇ neh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ gʼaˇ duˬ ngaˇ shaˇ noeˬ-awˇ, naw maꞈ-ahˇ jahˇ nehˬ-euˬ aˇ poeˬ, naw maꞈ-ahˇ muiˇ-eu deuˬ paˇ bi daˬ poˆ ma. Baˬbuˇloˬ lawˇ baˬ tahˬ mehˇ deuˬ bi tsiˇ leˇ jiˇ-awˇ, lawˇ baˬ bi gui-iˇ ma.

Yeˬlaˬmiˇ 51:45

Iˇsaˬleˬlaˆ tsawˇ haˬ deuˬ-oˇ, kʼoeˇ gaˇ maˬ jawˇ ni cehˆ-awˬ. Sahˬpaˬ Miˬyehˇ nui ma pehˇ-eu jeˬ-ahˇ dzeuˇ-iˇ nya ni cehˆ-awˬ.

Yeˬlaˬmiˇ 51:50

Baˬbuˇloˬ miˇ kʼahˬ laꞈ kʼoeˇ jawˇ-eu aˬ yawꞈ-euˬ tsawˇ haˬ deuˬ-ahˇ, Sahˬpaˬ Miˬyehˇ heu loꞈ-ehˇ ehˇ-eu meh. “Shiˇ-eu jeˬ-ahˇ naw maꞈ dzeuˇ-iˇ-euˬ meh. Maˬ nyi naˬ ni nymˬ-mˇ doˆ-iˇ-awˬ. Naw maꞈ gaˇ mahˇ kaˬ gaˇ jawˇ luꞈ kʼawꞈ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ noeˬ mawˇ-awˇ, Yeˬluˇsaˬlehˬ meuˬ-ahˇ taˬ ngehˇ,

Yeˬlaˬmiˇ 51:56

Baˬbuˇloˬ meuˬ aˬ yawꞈ maꞈ laˆ cawˆ le-euˬ meh. Baˬbuˇloˬ yehˇ bi nyehꞈ jiˇ-awˇ, aˬ yawꞈ maꞈ-euˬ kaˆ kʼehꞈ-iˇ jiˇ-euˬ meh. Ngaˇ-aˬ yaw haiˬ jeˬ-ahˇ kʼehˬ-eu Miˬyehˇ pyeuꞈ-awˇ, Baˬbuˇloˬ meuˬ-ahˇ geuˇ-eu loꞈ-ehˇ kʼehˬ nehˬ ma.

Yeˬlaˬmiˇ 51:9

Kʼoeˇ gaˇ jawˇ-eu aˬ cawˬ tsawˇ jeuˬ deuˬ ehˇ-eu, Baˬbuˇloˬ miˇ kʼahˬ-ahˇ caw ba-eu lehˇ nga maꞈ leh jeh haw-euˬ ma. Ehˇ kʼawꞈ, jeˬ nahˬ ga-iˇ miˇ-a. Miˇ kʼahˬ heu kʼahˬ-ahˇ byehˇ dzeh-awˇ, aˬ dui-euˬ miˇ kʼahˬ-ahˇ gʼoꞈ-iˇ kaˇ-euˇ. Miˬyehˇ gʼaˬ kʼaˇ ahˇ-eu yuˇ doˆ-awˇ, Baˬbuˇloˬ miˇ kʼahˬ-ahˇ nui kʼahˇ tiˬ shiˇ laˆ cawˆ nehˬ-euˬ nga.’ ”

Ngoeˇ dawˬ 3:64

“Yawꞈ maꞈ yaw doeˇ jahˇ-euˬ miˇ neh, Sahˬpaˬ Miˬyehˇ nawˇ kʼehˬ nehˬ-awˬ.

Bawˇtsahˬ 16:26

Iˇsaˬleˬlaˆ tsawˇ haˬ kʼoeˇ deuˬ-ahˇ Moˇseˬ ehˇ nehˬ-eu, “Haiˬ-eu tsawˇ haˬ deuˬ-euˬ sehˬ gʼawˆ dawˬ peh maˬ iˇ ni yaw taw yawꞈ-awˇ, aˬ yawꞈ maꞈ-ahˇ kʼaˇ taꞈ-eu jeˬ-ahˇ maˬ toeˬ ciˆ ni jawˇ-awˬ. Aˬ yawꞈ maꞈ-euˬ iˬ baˇ baˬ da neh aˬ yawꞈ maꞈ-ahˇ laˆ luˬ laˆ seˇ nehˬ ngeh naw maꞈ-ahˇ kʼawꞈ zaw laˇ nmˬ-mˇ.”

Dawˬmehˬ 32:25

Pu ka mi cehˇ guiˇ mˇ le-awˇ, shaˆ shiˇ nymˇ-ahˇ uˇ keuˆ le-awˇ, zaˬ miˬ zaˬ yo deuˬ bi sehꞈ-awˇ, tsawˇ mawˬ zaˬ nahˬ maˬ bi dzeuˇ-iˇ.

Dawˬmehˬ 32:41

Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.

Panmaeq 16:19

Huiˬ dui dui-eu meuˬ kʼoeˇ meuˬ smˬ paˆ luˆ paˆ dzeh-awˇ, miˇ kʼahˬ yawˬ kʼahˬ na luꞈ laꞈ kʼoeˇ kʼaˇ jaˆ-eu meuˬ dawˬ tawˆ luꞈ cawˆ jiˇ-euˬ meh. Baˬbuˬloˬ meuˬ-ahˇ Miˬyehˇ maˬ ngehˇ-ehˇ, yawˬ ha-euˬ kʼmˬ maˬ-ahˇ dahˬ-eu aˬ gaꞈ dzaˇ uiˇ yawˬ haˇ yawˬ ha bi dawˇ-euˬ meh. Aˬ gaꞈ dzaˇ uiˇ kʼoeˇ-aˬ, aˬ yawꞈ-euˬ nui ma pehˇ-eu jeˬ pyeuꞈ-eu meh.