Yeˬlaˬmiˇ 51:47 - Akha

⁴⁷ Kʼoeˇ miˇ neh, Baˬbuˇloˬ-euˬ tahˬ pahˬ aˬ ma mawˇ kawˇ deuˬ-ahˇ ngaˇ kʼehˬ nehˬ kʼaˆ nehˬ-eu aˇ yamˬ keuˆ le luꞈ meh. Miˇ kʼahˬ kʼoeˇ kʼahˬ kʼahˬ lah ni ya shaꞈ dawˇ-iˇ-awˇ, miˇ kʼahˬ zaˬ dawˬ tawˆ luꞈ ya bi sehꞈ jiˇ tehꞈ-a.

Yeˬlaˬmiˇ 51:47 ပူးပေါင်းရင်းမြစ်များ

Iˇsaˬyaˇ 21:9

Haw yawˬ. Mahˬ dziˬ-eu deuˬ aˇ gu baw baw-ehˇ laˇ luꞈ meh. Loꞈ luꞈ-eu tsawˇ haˬ kʼoeˇ gʼaˬ ehˇ-eu, “Baˬbuˇloˬ meuˬ cawˆ-iˇ gʼaˬ-euˬ meh. Aˬ yawꞈ maꞈ uˬ duˬ tahˬ-euˬ tahˬ pahˬ aˬ ma mawˇ kawˇ deuˬ, yaw kʼehꞈ yaw kʼoeˆ-ehˇ miˇ tsaˬ ga meh.”

Yeˬlaˬmiˇ 11:22

Kʼoeˇ miˇ neh , Baoˬ huiˬ-eu Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˬ li zaˬ guˬ deuˬ guiˇ deuˆ gaˇ ya shiˇ tehꞈ-a. Aˬ yawꞈ maꞈ-euˬ aˬ buˇ aˬ li deuˬ hawˬ mehꞈ ya dzahˬ sehꞈ tehꞈ-a.

Yeˬlaˬmiˇ 13:21

Nawˬ neh cawˬ yaw gʼoeˇ ma lehˇ noeˬ-euˬ deuˬ, nawˬ-ahˇ guiˇ deuˆ gʼaˬ-awˇ uˆ lahˇ laˇ ngeh, nawˇ aˬ joˆ-ehˇ ehˇ nmˇ. Zaˬ miˬ zaˬ zaˬ baw ngeh shaˬ-eu loꞈ-ehˇ, nawˬ-euˬ shaˬ zahˬ kʼoeˇ naˆ ni naꞈ tehꞈ-a.

Yeˬlaˬmiˇ 23:34

Ngaˬ-euˬ tsawˇ haˬ tiˬ gʼaˬ na maˬ ehˇ, Miˬyehˇ gʼaˇ duˬ ngehˬ dah-eu tiˬ gʼaˬ na maˬ ehˇ, piˇ ma tiˬ gʼaˬ na maˬ ehˇ, Sahˬpaˬ Miˬyehˇ-euˬ kʼaˆ behˆ lehˇ ehˇ-eu dawˬ ngehˬ naˇ, aˬ yawꞈ hawˇ-eu aˬ yawꞈ-euˬ miˬ sawˇ zaˬ deuˬ-ahˇ ngaˇ kʼehˬ nehˬ kʼaˆ nehˬ ma.

Yeˬlaˬmiˇ 25:12

Kʼoeˇ jiˇ naˇ, Baˬbuˇloˬ miˇ kʼahˬ hawˇ-eu Baˬbuˇloˬ sahˬ paˬ-ahˇ, iˬ baˇ mˇ-euˬ aˇ poeˬ ngaˇ paˇ kʼehˬ poˆ nehˬ ma. Miˇ kʼahˬ kʼoeˇ kʼahˬ-ahˇ ngaˇ laˆ cawˆ nehˬ-awˇ, mˬ maˬ maˬ byaˆ zaˇ ziˇ yaw cawˆ-ehˇ bi jaˆ ma.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Yeˬlaˬmiˇ 51:18

Tahˬ pahˬ aˬ ma kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, aˬ cawˬ ja bu duˬ pyeuꞈ-eu meh. Sahˬpaˬ Miˬyehˇ zaꞈ haw le ngeh, dawˬ tawˆ bi laˆ cawˆ jiˇ tehꞈ-a.

Yeˬlaˬmiˇ 51:24

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ kʼoeˇ taˆ yaw haiˬ jeˬ mˇ taˬ-euˬ aˇ poeˬ, Baˬbuˇloˬ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ gaˇ naw maꞈ ya mawˇ tehꞈ-a.

Yeˬlaˬmiˇ 51:43

Meuˬ deuˬ guˆ dui dui laˇ paˬ-ehˇ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, maˬ iˇ maˬ laˇ tsehˆ-eu iˇ cuꞈ maˬ jaˆ-eu kʼaˇ shuiꞈ deh yaˇ loꞈ-ehˇ pyeuꞈ-iˇ taˬ-euˬ meh.

Yeˬlaˬmiˇ 51:52

Kʼoeˇ miˇ neh, Baˬbuˇloˬ tahˬ pahˬ aˬ ma mawˇ kawˇ deuˬ-ahˇ ngaˇ kʼehˬ nehˬ kʼaˆ nehˬ-eu aˇ yamˬ paˇ keuˆ laˇ-awˇ, bi deuˆ tahˬ-euˬ tsawˇ haˬ deuˬ miˇ kʼahˬ kʼoeˇ kʼahˬ doe ni mahˇ luꞈ gaˇ ya gaˬ tehꞈ-a lehˇ ngaˇ ehˇ-eu ma.