Yeˬlaˬmiˇ 51:43 - Akha

⁴³ Meuˬ deuˬ guˆ dui dui laˇ paˬ-ehˇ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, maˬ iˇ maˬ laˇ tsehˆ-eu iˇ cuꞈ maˬ jaˆ-eu kʼaˇ shuiꞈ deh yaˇ loꞈ-ehˇ pyeuꞈ-iˇ taˬ-euˬ meh.

Yeˬlaˬmiˇ 51:43 ပူးပေါင်းရင်းမြစ်များ

Jaceuq 46:8

Sahˬpaˬ Miˬyehˇ neh mˇ-euˬ gaˇ-ahˇ haw laˇ sheˇ. Miˇ tsaˬ kʼoeˇ taˆ aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ haw laˇ sheˇ.

Iˇsaˬyaˇ 13:20

Tsawˇ haˬ tiˬ gʼaˬ-iˬ kʼoeˇ gaˇ maˬ jawˇ-ehˇ pyeuꞈ-iˇ-awˇ, Aˬlaˆ tsawˇ haˬ kʼoeˇ gaˇ sehˬ gʼawˆ gʼawˆ-awˇ maˬ paˇ naˬ-ehˇ, yawˇ bo laˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Iˇsaˬyaˇ 34:13

Sahˬ paˬ-euˬ nymˇ aˬ gah baw duˆ dehꞈ byah jiˇ-awˇ, meuˬ lahˇ baw-eu meuˬ deuˬ yaˇ moꞈ uˆ tehˬ jiˇ-awˇ, bawˇ tsahˬ aˬ kuiˬ hawˇ-eu dzeˇ ngawˇ deuˬ jawˇ byah jiˇ tehꞈ-a.

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Yeˬlaˬmiˇ 2:6

Iˇjiˇtuˆ miˇ kʼahˬ-ahˇ aˬ yawꞈ maꞈ-ahˇ ngaˬ neh ka kʼoꞈ doˆ-awˇ, kʼaˇ shuiꞈ tehꞈ-ehˇ jaˆ-eu miˇ kʼahˬ, gui coˇ ni gʼeh-eu guˆ-eu gaˆ-eu miˇ kʼahˬ, tsawˇ haˬ zaˬ maˬ jawˇ-eu miˇ kʼahˬ, maˬ iˇ maˬ laˇ tsehˆ-eu miˇ kʼahˬ pyeuꞈ-eu, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ sheuˬ doˆ-euˬ kʼawꞈ, ngaˇ jawˇ meh lehˇ aˬ yawꞈ maꞈ tiˬ pawꞈ-iˬ maˬ noeˬ-a.

Yeˬlaˬmiˇ 50:12

Ehˇ kʼawꞈ, huiˬ dui dui-eu nawˬ-euˬ meuˬ ya shaꞈ dawˇ tehꞈ-a. Baˬbuˇloˬ miˇ kʼahˬ-aˬ, aˬ cawˬ taꞈ-ehˇ nyiˇ teˬ-eu meuˬ pyeuꞈ-iˇ tehꞈ-a. Iˇ cuꞈ maˬ jaˆ-eu gui coˇ ni gʼeh-eu kʼaˇ shuiꞈ deh yaˇ pyeuꞈ-iˇ tehꞈ-a.

Yeˬlaˬmiˇ 51:29

Sahˬpaˬ Miˬyehˇ aˬ yawꞈ neh noeˬ taˬ-euˬ loꞈ-ehˇ, Baˬbuˇloˬ miˇ kʼahˬ-ahˇ tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh yaˇ pyeuꞈ-iˇ ni jahˇ nehˬ-eu lehˇ gʼeh-eu miˇ neh, miˇ tsaˬ tahˬ kʼawˇ yaw dzuˬ dzuˬ-eu meh.

Yeˬlaˬmiˇ 51:37

Miˇ kʼahˬ kʼoeˇ kʼahˬ-aˬ, yaw cawˆ jeˬ-euˬ duˬ gahˬ pyeuꞈ-iˇ-awˇ, bawˇ tsahˬ jeˬ zaˬ deuˬ-euˬ jawˇ duˬ pyeuꞈ-iˇ tehꞈ-a. Kʼoeˇ-aˬ, guˆ laˇ paˬ-ehˇ gʼeh-eu jawˇ duˬ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, kʼaˇ le mawˇ-euˬ tsawˇ haˬ deuˬ tsawˬ guˆ dui dui iˇ tehꞈ-a.

Yeˬlaˬmiˇ 51:62

Kʼoeˇ naˇ, heu loꞈ-ehˇ guiˬ lahˬ shaˇ-awˬ. ‘Sahˬpaˬ Miˬyehˇ-oˇ, jawˇ duˬ heu tsahˇ-ahˇ nawˇ laˆ cawˆ-awˇ, tsawˇ haˬ zaˬ hawˇ-eu jeˬ zaˬ maˬ jawˇ-eu uˬ taꞈ, yaw dehꞈ kʼaˇ dehꞈ-eu tiˬ jeˬ-iˬ maˬ jawˇ-ehˇ, mˬ maˬ maˬ byaˆ zaˇ ziˇ kʼaˇ shuiꞈ deh ga bi pyeuꞈ-iˇ ma lehˇ, nawˬ neh ehˇ taˬ-euˬ meh’ lehˇ shaˇ-awˬ.