Yeˬlaˬmiˇ 51:36 - Akha

³⁶ Kʼoeˇ miˇ neh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ gʼaˇ duˬ ngaˇ shaˇ noeˬ-awˇ, naw maꞈ-ahˇ jahˇ nehˬ-euˬ aˇ poeˬ, naw maꞈ-ahˇ muiˇ-eu deuˬ paˇ bi daˬ poˆ ma. Baˬbuˇloˬ lawˇ baˬ tahˬ mehˇ deuˬ bi tsiˇ leˇ jiˇ-awˇ, lawˇ baˬ bi gui-iˇ ma.

Yeˬlaˬmiˇ 51:36 ပူးပေါင်းရင်းမြစ်များ

Jaceuq 107:33

Lawˇ daˬ gui-iˇ-awˇ, lawˇ gawˆ tsiˇ-iˇ ni, Sahˬpaˬ Miˬyehˇ jahˇ nehˬ-euˬ meh.

Jaceuq 140:12

Sahˬpaˬ Miˬyehˇ-oˇ, shaˬ-eu zahˬ-eu deuˬ-ahˇ nawˇ haw piˇ-awˇ, mehꞈ-eu shuꞈ-eu deuˬ-ahˇ nawˇ ngehˬ gʼeh-eu gaˇ kawˆ ngaˇ siˬ nya ma.

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-

Dawqdaq 23:11

Sahˬpaˬ Miˬyehˇ-aˬ, aˬ yawꞈ maꞈ-ahˇ haw piˇ-eu gʼaˬ kʼaˆ-eu gʼaˬ pyeuꞈ-eu loꞈ-ehˇ, aˬ yawꞈ maꞈ jawˇ paw pyawˬ-awˇ nawˬ-ahˇ kʼehˬ tehꞈ-a. -11-

Iˇsaˬyaˇ 19:5

Niˬlaˇ lawˇ baˬ baˬ ma iˇ cuꞈ nyiˇ le-awˇ, aw lawˆ lawˆ-ehˇ gui-iˇ tehꞈ-a.

Iˇsaˬyaˇ 43:14

Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, naw maꞈ-ahˇ ka kʼoꞈ-euˬ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ ka kʼoꞈ-eu gʼaˇ duˬ, Baˬbuˇloˬ miˇ kʼahˬ-ahˇ guiˇ deuˆ le-eu, guiˇ maꞈ tiˬ maꞈ ngaˇ pyehˬ leꞈ ma. Meuˬ lahˇ laˇ gʼoˆ deuˬ-ahˇ ngaˇ ngawˬ pyaˆ-awˇ, Baˬbuˇloˬ tsawˇ haˬ deuˬ guˇ-eu teˇ saˇ, tsawˇ ngoeˇ ngoeˇ-eu teˇ saˇ pyeuꞈ-iˇ tehꞈ-a.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Yeˬlaˬmiˇ 50:38

Aˬ yawꞈ miˇ kʼahˬ mˬ gʼmˇ gʼmˇ-awˇ, lawˇ baˬ gui jiˇ luꞈ-uˇ. Miˇ kʼahˬ kʼoeˇ kʼahˬ tahˬ pahˬ aˬ ma mawˇ kawˇ byah -awˇ, miˇ kʼahˬ zaˬ deuˬ bi laˆ uˬ jiˇ tehꞈ-a.

Yeˬlaˬmiˇ 51:11

Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬsaˬgeˬlaˇ 25:14

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Eˬdoˬ miˇ kʼahˬ-ahˇ laꞈ poˆ poˆ kʼoꞈ nehˬ-awˇ, ngaˇ nui ma pehˇ-eu jeˬ Eˬdoˬ miˇ kʼahˬ-ahˇ siˬ leˇ ngeh keuˆ ni jahˇ nehˬ tehꞈ-a. Ngaˇ laꞈ poˆ poˆ kʼoꞈ nehˬ-euˬ jeˬ aˬ joˆ-ehˇ gʼeh-eu nya lehˇ, aˬ yawꞈ maꞈ-ahˇ siˬ duˬ leˇ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Hawˇseˬ 13:15

Yaˇ moꞈ mehˇ laˇ luꞈ-eu loꞈ-ehˇ, Iˇsaˬleˬlaˆ mehˇ laˇ luꞈ kʼawꞈ, kʼaˇ shuiꞈ deh ga paw neh oe-euˬ, nahˇ ma doˆ kʼehˬ jaˬ lehˇ yaw lahˇ, aˬ yawꞈ maꞈ-euˬ lawˇ gawˆ hawˇ-eu, lah duˬ deuˬ bi gui-iˇ jiˇ-awˇ, kʼaˇ poeˬ kʼaˇ lawˬ-eu jeˬ dawˬ tawˆ, bi piˬ bi byoˆ-iˇ jiˇ tehꞈ-a.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”

Panmaeq 16:12

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo Uˇpaˬlaˇ lawˇ baˬ baˬ ma-ahˇ shehˆ daˆ-euˬ meh. Kʼoeˇ ngeh, nahˇ ma doˆ kʼehˬ paw neh oe-euˬ sahˬ paˬ deuˬ oe tsehˆ nya ni lawˇ baˬ gui-iˇ-euˬ meh.