Yeˬlaˬmiˇ 51:31 - Akha

³¹ Aˬ yawꞈ-euˬ meuˬ yawˬ pyawˬ na luꞈ aˬ cawˬ neh bi deuˆ gʼaˬ-euˬ gaˇ kawˆ, tsawˇ haˬ tiˬ gʼaˬ saˇ-iˬ tiˬ gʼaˬ Baˬbuˇloˬ sahˬ paˬ-ahˇ cehˆ tsaꞈ gaˬ laˇ-eu meh.

Yeˬlaˬmiˇ 51:31 ပူးပေါင်းရင်းမြစ်များ

2 Laˬsaˬbaˬ 30:6

Sahˬ paˬ hawˇ-eu aˬ yawꞈ-euˬ yaw huiˬ yaw mahˇ deuˬ neh pyehˬ gʼeh-euˬ tsawˇ haˬ deuˬ kuˇ gaˬ-eu sahˬ boꞈ yuˇ-awˇ, Yuˇdaˆ miˇ kʼahˬ doe ni hawˇ-eu Iˇsaˬleˬlaˆ miˇ kʼahˬ doe ni iˇ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh. “Iˇsaˬleˬlaˆ tsawˇ haˬ deuˬ-oˇ, Aˬshuˇliˆ sahˬ paˬ-euˬ laꞈ-ahˇ neh naw maꞈ ya buˬ-iˇ-euˬ meh. Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw nymˬ-mˇ gʼoꞈ laˇ-awˬ.

Iˇsaˬtaˆ 8:10

Mawˬdaˬkehˇ-aˬ, sahˬ paˬ Dzeuˬsehˆ-euˬ tsawˇ myahˇ-ahˇ gʼoe-eu laꞈ kʼoeˇ, kʼoeˇ loꞈ-ehˇ bi boꞈ-awˇ, sahˬ paˬ-euˬ jmˬ diˬ-euˬ meh. Sahˬ boꞈ kʼoeˇ deuˬ-ahˇ, sahˬ paˬ-euˬ mahˬ kuˆ-ahˇ uˇ-eu kawˇ dui dui-eu mahˬ deuˬ dziˬ-awˇ bi sha-iˇ-euˬ meh.

Iˇsaˬtaˆ 8:14

Sahˬ paˬ neh dawˬ biꞈ-euˬ loꞈ-ehˇ, mahˬ dziˬ-eu deuˬ sahˬ paˬ-euˬ dziˬ mahˬ deuˬ-ahˇ tsawˬ dziˬ leˇ-awˇ, mahˬ pyehˬ pyehˬ kawˇ dui dui-eu laꞈ kʼoeˇ, sahˬ boꞈ sha-euˬ meh. Aˬ cawˬ naˆ maˬ tseˇ huiˬ dzehˬ-eu meuˬ pyeuꞈ-eu Suˇsaˬ meuˬ meuˬ ma laꞈ kʼoeˇ kʼawꞈ, sahˬ boꞈ kʼoeˇ taꞈ bi gaˬ doe jiˇ-euˬ meh.

Yawˇbaˆ 9:25

Ngaˬ-euˬ aˇ nah deuˬ-aˬ, cehˆ ceh ceh-eu deuˬ naˆ maˬ tseˇ dzeuˇ-iˇ-eu kawˇ-awˇ, nah muiˬ tiˬ nah-iˬ maˬ ahˇ-a.

Yeˬlaˬmiˇ 4:20

Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Yeˬlaˬmiˇ 50:24

Baˬbuˇloˬ-oˇ, nawˇ ngaˬ-ahˇ guiˇ deuˆ-awˇ, ngaˬ neh kʼmˇ taˬ-euˬ lahˇ ju-ahˇ nawˇ coeˬ paꞈ-euˬ nya lehˇ, nawˇ maˬ siˬ nya-a.

Yeˬlaˬmiˇ 50:43

Gaˇ kawˆ kʼoeˇ Baˬbuˇloˬ sahˬ paˬ-ahˇ gaˬ leˇ ngeh, aˬ yawꞈ aˬ laꞈ laꞈ shiˇ shiˇ shaw-euˬ meh. Aˬ yawꞈ nui noeˬ shaˬ-eu kʼoeˇ-aˬ, zaˬ baw luꞈ-eu aˬ ma naˆ maˬ tseˇ meh.

Yeˬlaˬmiˇ 51:32

Lawˇ baˬ tsehˆ daˬ-ahˇ muiˇ-eu deuˬ neh deuˆ gʼaˬ-awˇ, taˆ taˆ lah-ehˇ miˬ dzaˬ bi dzah puiˆ-awˇ, Baˬbuˇloˬ yehˇ deuˬ laˇ baˇ-iˇ-euˬ meh.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.