Yeˬlaˬmiˇ 51:3 - Akha

³ Baˬbuˇloˬ yehˇ deuˬ kaˆ beuˆ-eu maˬ dah-ehˇ, guiˇ deuˆ-eu shmˇ mehˬ tsoeˬ deuˬ gʼoˆ dm-eu maˬ dah ni jahˇ nehˬ-awˬ. Zaˬ guˬ deuˬ-ahˇ keuˆ ni maˬ bi dzeuˇ-iˇ-ehˇ, guiˇ maꞈ maꞈ lah-ehˇ laˆ byoˆ nehˬ-awˬ.

Yeˬlaˬmiˇ 51:3 ပူးပေါင်းရင်းမြစ်များ

Jaceuq 137:9

Nawˬ-euˬ zaˬ yaw nyiˇ deuˬ-ahˇ nyehꞈ-awˇ, kʼaˬ lo-ahˇ ciˬ jeˬ nehˬ-eu tsawˇ haˬ guiˬ lahˬ huiˬ tehꞈ-a.

Yeˬlaˬmiˇ 46:4

Mahˬ dziˬ gʼa laˆ dawˆ-awˇ dziˬ-awˬ. Jawˇ duˬ yuˇ-awˇ shmˇ uˬ kʼoˆ kʼoˆ taˬ-awˬ. Gahˬ siˬ taˆ-awˇ guiˇ deuˆ-eu mehˬ tsoeˬ dm taˬ-awˬ’ lehˇ ehˇ-eu meh.

Yeˬlaˬmiˇ 50:14

“Kaˆ baꞈ-awˇ guiˇ deuˆ-eu deuˬ-oˇ, Baˬbuˇloˬ meuˬ-ahˇ deuˆ-eu gʼaˇ duˬ guiˇ daˬ daˬ-awˇ loꞈ jawˬ-awˬ. Naw maꞈ-euˬ kaˆ myaˬ dawˬ tawˆ luꞈ, Baˬbuˇloˬ meuˬ-ahˇ beuˆ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ mˇ lehˬ-euˬ meh.

Yeˬlaˬmiˇ 50:21

Sahˬpaˬ Miˬyehˇ heu loꞈ-ehˇ ehˇ-eu meh. “Meˬlaˬdeˬ miˇ kʼahˬ hawˇ-eu Peˬkawˇ miˇ kʼahˬ-ahˇ jawˇ-eu tsawˇ haˬ deuˬ-ahˇ guiˇ deuˆ-awˇ, aˬ yawꞈ maꞈ-ahˇ sehꞈ-awˇ laˆ cawˆ nehˬ-awˬ. Ngaˬ neh dawˬ kʼaˇ biꞈ nehˬ-euˬ loꞈ-ehˇ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ taˬ-euˬ ma.

Yeˬlaˬmiˇ 50:27

Aˬ yawꞈ maꞈ-euˬ yehˇ deuˬ-ahˇ jeˬ zaˬ sehꞈ-eu loꞈ-ehˇ sehꞈ gahˬ gʼeh-awˬ. Baˬbuˇloˬ tsawˇ haˬ kʼoeˇ taˆ yaw cawˆ jeˬ keuˆ le-euˬ meh. Aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-eu aˇ yamˬ tsaˬ laˇ taˬ-euˬ meh.”

Yeˬlaˬmiˇ 51:53

Baˬbuˇloˬ meuˬ mˬ-ahˇ keuˆ ni daˆ keuˆ leˇ nya-awˇ, ziꞈ dui dui-eu taˆ tsoˆ leˇ nya kʼawꞈ, tsawˇ haˬ pyehˬ gʼeh-awˇ bi laˆ cawˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 9:21

Shiˇ-eu jeˬ laˇ gʼoˆ zaˬ-ahˇ neh daˆ ahˇ laˇ-awˇ, nymˇ ma paw uˇ keuˆ laˇ-euˬ meh. Meuˬ-euˬ pu ka gʼa-eu zaˬ yaw nyiˇ deuˬ hawˇ-eu, lehˆ kawˆ doe ni cah-eu zaˬ guˬ deuˬ-ahˇ coeˇ tsehˆ-euˬ meh.

Dawˬmehˬ 32:25

Pu ka mi cehˇ guiˇ mˇ le-awˇ, shaˆ shiˇ nymˇ-ahˇ uˇ keuˆ le-awˇ, zaˬ miˬ zaˬ yo deuˬ bi sehꞈ-awˇ, tsawˇ mawˬ zaˬ nahˬ maˬ bi dzeuˇ-iˇ.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.