Yeˬlaˬmiˇ 51:29 - Akha

²⁹ Sahˬpaˬ Miˬyehˇ aˬ yawꞈ neh noeˬ taˬ-euˬ loꞈ-ehˇ, Baˬbuˇloˬ miˇ kʼahˬ-ahˇ tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh yaˇ pyeuꞈ-iˇ ni jahˇ nehˬ-eu lehˇ gʼeh-eu miˇ neh, miˇ tsaˬ tahˬ kʼawˇ yaw dzuˬ dzuˬ-eu meh.

Yeˬlaˬmiˇ 51:29 ပူးပေါင်းရင်းမြစ်များ

Iˇsaˬyaˇ 14:16

Nawˬ-ahˇ kʼaˇ ya mawˇ-eu deuˬ zahˬ leˇ-awˇ, nawˬ-euˬ gaˇ kawˆ heu loꞈ-ehˇ shaˇ noeˬ tehꞈ-a. Miˇ tsaˬ tahˬ kʼawˇ-ahˇ gʼeu nyeh-awˇ, miˇ kʼahˬ tsawˇ jeuˬ deuˬ yaw dzuˬ bi dzuˬ-euˬ kʼoeˇ, tsawˇ haˬ heu gʼaˬ maˬ ngeuˇ-a loˇ.

Iˇsaˬyaˇ 24:20

Jiˇ baˬ yehꞈ-eu tsawˇ haˬ gaˇ ma cah-eu loꞈ-ehˇ, miˇ tsaˬ tahˬ kʼawˇ maˬ ziꞈ-ehˇ pyeuꞈ-iˇ-awˇ, jaˬ lehˇ lehˇ ma zaw leˇ-euˬ yaˇ cmˇ loꞈ-ehˇ, yawꞈ lawꞈ gʼaˇ laˇ-ehˇ jaˆ tehꞈ-a. Miˇ tsaˬ tahˬ kʼawˇ iˬ baˇ maˬ pi coeˇ-eu miˇ neh, coˬ dzeh-awˇ maˬ paˇ tuˇ laˇ nya ni pyeuꞈ-iˇ tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 50:13

Ngaˇ nui ma pehˇ-eu jeˬ baˬ da neh, Baˬbuˇloˬ miˇ kʼahˬ tsawˇ haˬ tiˬ gʼaˬ-iˬ maˬ jawˇ gaˇ keuˆ ni cawˆ-iˇ-awˇ, kʼaˇ iˇ kʼaˇ laˇ tsehˆ-eu tsawˇ haˬ deuˬ zahˬ leˇ-awˇ tsawˬ guˆ-iˇ tehꞈ-a.

Yeˬlaˬmiˇ 50:36

Nyiˇ paˬ shaˆ ma yaw uˬ kʼoeˇ deuˬ kʼoeˇ taˆ, mi cehˇ keuˆ le luꞈ-uˇ. Yehˇ deuˬ kʼoeˇ taˆ mi cehˇ oe-awˇ, laˇ bi baˇ-iˇ luꞈ-uˇ.

Yeˬlaˬmiˇ 50:43

Gaˇ kawˆ kʼoeˇ Baˬbuˇloˬ sahˬ paˬ-ahˇ gaˬ leˇ ngeh, aˬ yawꞈ aˬ laꞈ laꞈ shiˇ shiˇ shaw-euˬ meh. Aˬ yawꞈ nui noeˬ shaˬ-eu kʼoeˇ-aˬ, zaˬ baw luꞈ-eu aˬ ma naˆ maˬ tseˇ meh.

Yeˬlaˬmiˇ 50:45

Kʼoeˇ miˇ neh, Baˬbuˇloˬ meuˬ hawˇ-eu aˬ yawꞈ-euˬ tsawˇ haˬ deuˬ-ahˇ ngaˇ jahˇ nehˬ mawꞈ-eu gaˇ kawˆ-ahˇ naˇ haˬ-awˬ. Aˬ yawꞈ maꞈ-euˬ zaˬ deuˬ-ahˇ keuˆ ni bi tsahˇ byoˆ gʼeh gaˇ keuˆ-awˇ, tsawˇ haˬ yawˬ gʼaˬ na luꞈ guˆ dui dui-iˇ tehꞈ-a.

Yeˬlaˬmiˇ 50:46

Baˬbuˇloˬ meuˬ byaˆ-iˇ ngeh, teˇ saˇ kʼaˆ dui dui-eu miˇ neh, miˇ tsaˬ tahˬ kʼawˇ nyeh laˇ-awˇ, tsawˇ haˬ zaˬ guˆ-awˇ, ngoeˇ-eu teˇ saˇ aˬ cawˬ miˇ kʼahˬ doe ni gaˬ keuˆ-iˇ tehꞈ-a.”

Yeˬlaˬmiˇ 51:26

Nawˇ cawˆ-iˇ-awˇ dzeˇ yaꞈ-euˬ kʼaˬ lo tsaˬ byaˆ deuˬ-ahˇ, tsawˇ haˬ tiˬ gʼaˬ-iˬ nymˇ tsoˆ gaˇ maˬ paˇ zmˬ meh. Nawˇ-aˬ, mˬ maˬ maˬ byaˆ zaˇ ziˇ kʼaˇ shuiꞈ deh ga ya pyeuꞈ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 51:28

Baˬbuˇloˬ miˇ kʼahˬ-ahˇ guiˇ deuˆ-eu gʼaˇ duˬ, miˇ kʼahˬ tsawˇ jeuˬ deuˬ bi lehˬ hmˬ jiˇ-awˬ. Meˬdiˇ sahˬ paˬ deuˬ hawˇ-eu aˬ yuiꞈ aˬ tsu geuꞈ-eu yaw huiˬ yaw mahˇ deuˬ dawˬ tawˆ luꞈ-ahˇ maˬ ehˇ, aˬ yawꞈ maꞈ uˆ lahˇ-eu uˬ moˆ kʼaˇ jawˇ luꞈ-eu miˇ kʼahˬ deuˬ-euˬ guiˇ maꞈ deuˬ-ahˇ maˬ ehˇ, bi kuˇ laˬ-iˇ-awˬ.

Yeˬlaˬmiˇ 51:37

Miˇ kʼahˬ kʼoeˇ kʼahˬ-aˬ, yaw cawˆ jeˬ-euˬ duˬ gahˬ pyeuꞈ-iˇ-awˇ, bawˇ tsahˬ jeˬ zaˬ deuˬ-euˬ jawˇ duˬ pyeuꞈ-iˇ tehꞈ-a. Kʼoeˇ-aˬ, guˆ laˇ paˬ-ehˇ gʼeh-eu jawˇ duˬ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, kʼaˇ le mawˇ-euˬ tsawˇ haˬ deuˬ tsawˬ guˆ dui dui iˇ tehꞈ-a.

Yeˬlaˬmiˇ 51:43

Meuˬ deuˬ guˆ dui dui laˇ paˬ-ehˇ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, maˬ iˇ maˬ laˇ tsehˆ-eu iˇ cuꞈ maˬ jaˆ-eu kʼaˇ shuiꞈ deh yaˇ loꞈ-ehˇ pyeuꞈ-iˇ taˬ-euˬ meh.

Yeˬlaˬmiˇ 8:16

Aˬ dui-ahˇ muiˇ-eu deuˬ Daˬ meuˬ-ahˇ oe keuˆ-awˇ, mahˬ deuˬ naˇ mehˇ baw-eu gaˬ le miˇ-a. Aˬ yawꞈ maꞈ-euˬ mahˬ deuˬ hiˇ gaˇ, miˇ kʼahˬ kʼahˬ lah ni guˆ-awˇ yaw dzuˬ dzuˬ-eu meh. Aˬ dui miˇ kʼahˬ hawˇ-eu kʼaˇ jaˆ-eu jeˬ dawˬ tawˆ, aˬ dui maꞈ-euˬ meuˬ deuˬ hawˇ-eu tsawˇ haˬ dawˬ tawˆ, laˆ cawˆ-eu lehˇ aˬ yawꞈ maꞈ oe-euˬ meh.”

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Aˬmoˆ 8:8

Naw maꞈ kʼoeˇ loꞈ-ehˇ yaw haiˬ jeˬ mˇ-euˬ baˬ da neh miˇ luˆ luˆ laˇ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ guˆ dui dui tehꞈ-a. Miˇ kʼahˬ heu kʼahˬ kʼahˬ lah ni bi sheu nyeh-awˇ, Niˬlaˇ lawˇ baˬ -ahˇ iˇ cuꞈ dahˬ daˆ laˇ-awˇ paˇ dahˬ ka-iˇ-eu loꞈ-ehˇ jaˆ tehꞈ-a.

Panmaeq 18:2

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Aˬ yawꞈ coˬ-iˇ-euˬ meh. Huiˬ dui dui-eu Baˬbuˇloˬ meuˬ coˬ-iˇ-euˬ meh. Aˬ yawꞈ-aˬ, nehꞈ deuˬ hawˇ-eu maˬ muiˬ maˬ shawˇ-eu yaw sahˇ deuˬ yaw bui bui duˬ pyeuꞈ-iˇ-euˬ meh. Jawꞈ dui dui-awˇ maˬ haw cawˬ nahˇ paˬ-ehˇ gʼeh-eu aˇ jiˇ dawˬ tawˆ luꞈ kʼoeˇ gaˇ jawˇ-eu meh.