Yeˬlaˬmiˇ 51:18 - Akha

¹⁸ Tahˬ pahˬ aˬ ma kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, aˬ cawˬ ja bu duˬ pyeuꞈ-eu meh. Sahˬpaˬ Miˬyehˇ zaꞈ haw le ngeh, dawˬ tawˆ bi laˆ cawˆ jiˇ tehꞈ-a.

Yeˬlaˬmiˇ 51:18 ပူးပေါင်းရင်းမြစ်များ

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Iˇsaˬyaˇ 2:18

Kʼoeˇ ngeh, tahˬ pahˬ aˬ ma mawˇ kawˇ piˬ-iˇ byoˆ-iˇ tehꞈ-a.

Iˇsaˬyaˇ 46:1

“Baˬbuˇloˬ miˬ yehˇ deuˬ gʼaˇ duˬ aˇ saˬ saˬ-eu aˇ yamˬ keuˆ le-euˬ meh. Beˇleˇ hawˇ-eu Neˬboˬ-ahˇ yaw beh uˬ duˬ tahˬ-euˬ kʼawꞈ, nymˬ-mˇ mahˬ tahˬ laˆ-ahˇ bi kaꞈ daˆ-awˇ, jeˬ zaˬ-euˬ daˇ tsuiꞈ-ahˇ kʼaˆ behˆ laˆ kah nehˬ-euˬ tehꞈ meh.

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Yeˬlaˬmiˇ 10:11

(Mˬ hawˇ-eu miˇ-ahˇ beh-euˬ gʼaˬ maˬ ngeuˇ-eu miˬ yehˇ deuˬ ya luˬ ya seˇ-iˇ-awˇ, miˇ tsaˬ kʼoeˇ taˆ tiˬ gʼaˬ-iˬ maˬ jaˆ maˬ jawˇ nya ni pyeuꞈ-iˇ tehꞈ-a lehˇ, tsawˇ haˬ kʼoeˇ deuˬ-ahˇ naw maꞈ ya ehˇ nehˬ meh.)

Yeˬlaˬmiˇ 10:14

Kʼoeˇ gaˇ mawˇ ngeh tsawˇ haˬ yawˬ gʼaˬ na luꞈ, yawˬ ha aˬ dzawˬ aˇ gah nya lehˇ siˬ duˬ-euˬ meh. Tahˬ pahˬ aˬ ma mawˇ kawˇ tehˆ-eu tsawˇ haˬ daˬ ga-eu meh. Aˬ jeˬ miˇ neh ehˇ naˇ aˬ yawꞈ maꞈ neh tehˆ-euˬ miˬ yehˇ, miˬ yehˇ maˬ ngeuˇ-ehˇ saꞈ maˬ gʼawˇ nya-a.

Yeˬlaˬmiˇ 10:15

Miˬ yehˇ kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, tsawˇ haˬ zaˬ-euˬ cehꞈ lehꞈ ka duˬ tehꞈ meh. Sahˬpaˬ Miˬyehˇ zaꞈ le-awˇ kʼehˬ nehˬ ngeh, aˬ yawꞈ maꞈ byoˆ-iˇ laˆ-iˇ jiˇ tehꞈ-a.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 18:15

Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Yeˬlaˬmiˇ 46:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Deˬbiˇ miˬ yehˇ Aˬmo-ahˇ ngaˇ kʼehˬ-eu lehˇ gʼeh-eu ma. Iˇjiˇtuˆ sahˬ paˬ maˬ ehˇ, Iˇjiˇtuˆ miˬ yehˇ deuˬ maˬ ehˇ, Iˇjiˇtuˆ sahˬ paˬ-ahˇ gʼoe-eu miˇ kʼahˬ zaˬ deuˬ-ahˇ maˬ ehˇ, ngaˇ kʼehˬ-eu lehˇ gʼeh-eu ma.

Yeˬlaˬmiˇ 48:7

“Mawˇbaˆ nawˇ-aˬ, yawˬ ha-euˬ gʼaˬ hawˇ-eu, yawˬ ha pyuˇ shuiˇ-ahˇ nui kʼaˬ tsmˬ-euˬ meh. Ehˇ kʼawꞈ, nymˬ-mˇ aˬ cawˬ neh guiˇ bi deuˆ gʼaˬ-awˇ, naw maꞈ-euˬ Sheˬmoˇshaˆ miˬ yehˇ kʼoeˇ yehˇ, sahˬ paˬ zaˬ yo deuˬ hawˇ-eu piˇ ma deuˬ nehˬ-ehˇ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Yeˬsaˬgeˬlaˇ 6:6

Iˇsaˬleˬlaˆ miˇ kʼahˬ-ahˇ kʼaˇ jaˆ-eu meuˬ deuˬ dawˬ tawˆ luꞈ bi laˆ cawˆ jiˇ ma. Kʼoeˇ ngeh jawˇ, aˬ yawꞈ maꞈ-euˬ lawˇ duˬ deuˬ hawˇ-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ pyaˆ-iˇ shaˆ-iˇ jiˇ-awˇ, yaw saw jeˬ doꞈ damˬ duˬ kʼawꞈ cawˆ-iˇ jiˇ-awˇ, aˬ yawꞈ maꞈ-euˬ kuiˇ zaˇ laꞈ zaˇ dawˬ tawˆ luꞈ piˬ-iˇ byoˆ-iˇ jiˇ tehꞈ-a.

Yawˇnaˆ 2:8

Poeˬ maˬ baw-eu mˇ myawˬ pyeuꞈ-eu, tahˬ pahˬ aˬ ma mawˇ kawˇ deuˬ-ahˇ, uˬ duˬ tahˬ-eu tsawˇ haˬ kʼoeˇ deuˬ, nawˬ-ahˇ saˇ jaˇ puiˬ jiˇ-euˬ meh.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.