Yeˬlaˬmiˇ 51:11 - Akha

¹¹ Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Yeˬlaˬmiˇ 51:11 ပူးပေါင်းရင်းမြစ်များ

1 Sahˬpaˬ 11:14

Sahˬpaˬ Miˬyehˇ-aˬ, Eˬdoˬ miˇ kʼahˬ sahˬ paˬ-euˬ aˇ jeuˬ pyeuꞈ-eu Haˬdaˇ-ahˇ, Sawˇlaˬmoˬ-ahˇ bi puiˬ-euˬ meh.

1 Sahˬpaˬ 11:23

Miˬyehˇ-aˬ, Eˇleˬdaˬ-euˬ aˬ li Leˬzoˇ-ahˇ kʼawꞈ, Sawˇlaˬmoˬ-ahˇ bi puiˬ-euˬ meh. Leˬzoˇ-aˬ, aˬ yawꞈ-euˬ sahˬ paˬ pyeuꞈ-eu Zoˇbaˬ sahˬ paˬ Haˬdaˬdeˬzaˬ jawˇ gaˇ neh cehˆ doˆ-euˬ meh.

1 Laˬsaˬbaˬ 5:26

Kʼoeˇ miˇ neh, Miˬyehˇ-aˬ, (Tiˇgaˬlaˇpaˬleˬsaˬ lehˇ kʼawꞈ kuˇ-eu) Aˬshuˇliˆ sahˬ paˬ Puˇlaˆ-ahˇ kʼehˇ leꞈ-awˇ aˬ yawꞈ maꞈ-euˬ miˇ kʼahˬ-ahˇ guiˇ bi deuˆ le-euˬ meh. Luˇbeˬ tsawˇ jeuˬ, Gaˆ tsawˇ jeuˬ, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ heu deuˬ-ahˇ aˬ yawꞈ nyehꞈ gʼeh-awˇ, Haˬlahˬ meuˬ, Haˬbawˬ meuˬ, Haˬyaˇ meuˬ hawˇ-eu, Goˬzaˬ lawˇ baˬ dawˬ peh bi jawˇ-awˇ, iˬ nah keuˆ ni aˬ yawꞈ maꞈ kʼoeˇ gaˇ jawˇ luꞈ-eu meh.

2 Laˬsaˬbaˬ 36:22

Paˇshaˇ miˇ kʼahˬ-ahˇ sahˬ paˬ Guˇluˆ uˆ lahˇ-euˬ yaw beh kʼoꞈ-ahˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ ehˇ taˬ-euˬ dawˬ kʼoeˇ dawˬ byah laˇ ni, Sahˬpaˬ Miˬyehˇ jahˇ-euˬ meh. Guˇluˆ sahˬ paˬ sahˬ boꞈ boꞈ-awˇ, aˬ yawꞈ-euˬ miˇ kʼahˬ doe ni bi gui gaˬ-iˇ-eu gʼaˇ duˬ, aˬ yawꞈ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Eˇzaˬlaˬ 1:1

Paˇshaˇ miˇ kʼahˬ-ahˇ sahˬ paˬ Guˇluˆ uˆ lahˇ-euˬ yaw beh kʼoꞈ-ahˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Yeˬlaˬmiˇ-ahˇ gʼoe-awˇ aˬ yawꞈ neh ehˇ taˬ-euˬ dawˬ kʼoeˇ dawˬ byah laˇ ni Sahˬpaˬ Miˬyehˇ jahˇ-euˬ meh. Guˇluˆ sahˬ boꞈ tiˬ taꞈ boꞈ-awˇ aˬ yawꞈ-euˬ miˇ kʼahˬ doe ni bi gui gaˬ-iˇ-eu gʼaˇ duˬ, aˬ yawꞈ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Iˇsaˬyaˇ 10:26

Awˇleˇbaˆ lo guˇ dawˬ peh Miˇdiˬyaˬ tsawˇ haˬ deuˬ-ahˇ ngaˇ yahˬ caˆ neh juiꞈ-euˬ loꞈ-ehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ juiꞈ ma. Iˇjiˇtuˆ tsawˇ haˬ deuˬ-ahˇ ngaˬ neh kʼehˬ nehˬ-euˬ loꞈ-ehˇ, Aˬshuˇliˆ tsawˇ haˬ deuˬ-ahˇ ngaˇ kʼehˬ nehˬ ma.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Iˇsaˬyaˇ 21:5

Hawˬ jeh shaˇ dahˇ taˬ-awˇ, saˬ paˇ gawˬ pu kʼawˬ-awˇ, aˬ yawꞈ maꞈ dzaˬ luꞈ dawˇ luꞈ ngeh, heu loꞈ-ehˇ gaˬ keuˆ le-eu meh. “Yaw huiˬ yaw mahˇ deuˬ-oˇ, guiˇ deuˆ-eu gʼaˇ duˬ dehˬ daˬ duˬ lehˬ hmˬ-awˬ.”

Iˇsaˬyaˇ 41:25

“Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ, ngaˇ tseˇ doˆ taˬ-euˬ ma. Aˬ yawꞈ-ahˇ ngaˇ sheuˬ keuˆ laꞈ-awˇ, laꞈ taˆ paw neh guiˇ bi deuˆ ka leꞈ ma. Oeˬ lahˬ tehˆ-eu tsawˇ haˬ shaˬ jehˆ nawˬ-eu loꞈ-ehˇ, miˇ kʼahˬ sahˬ paˬ deuˬ-ahˇ aˬ yawꞈ nawˬ pahˬ tehꞈ-a.

Iˇsaˬyaˇ 45:1

Guˇluˆ-ahˇ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ tseˇ doˆ-euˬ meh. Aˬ cawˬ miˇ kʼahˬ-ahˇ guiˇ bi deuˆ gʼaˬ-eu gʼaˇ duˬ, Guˇluˆ-ahˇ tseˇ doˆ taˬ-euˬ meh. Miˇ kʼahˬ sahˬ paˬ deuˬ-euˬ baoˬ lehˆ dzeh-eu gʼaˇ duˬ, aˬ yawꞈ-ahˇ pyehˬ gʼeh leꞈ-euˬ meh. Aˬ yawꞈ gʼaˇ duˬ Sahˬpaˬ Miˬyehˇ, meuˬ lahˇ kʼehˬ laˇ gʼoˆ deuˬ pah dzeh tehꞈ-a.

Iˇsaˬyaˇ 45:5

“Ngaˇ Sahˬpaˬ Miˬyehˇ pyeuꞈ-eu ma. Miˬyehˇ nui taw nui gʼaˬ maˬ jawˇ. Nawˇ ngaˬ-ahˇ maˬ siˬ nya-euˬ kʼawꞈ, nawˇ loˬ-eu gʼaˬ deuˬ ngaˇ biꞈ ma.

Iˇsaˬyaˇ 46:11

Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ ngaˇ kuˇ luꞈ ma. Kʼaˬ dzeˇ loꞈ-ehˇ aˬ yawꞈ byoeˇ ka leꞈ-awˇ, ngaˬ neh lehˬ hmˬ-euˬ jeˬ mˇ byah tehꞈ-a. Gaˇ kawˆ heu deuˬ dawˬ tawˆ luꞈ bi pyeuꞈ laˇ ma lehˇ, ngaˬ neh ehˇ taˬ-euˬ jaˆ-eu ma.

Yeˬlaˬmiˇ 25:25

Zmˇliˬ sahˬ paˬ dawˬ tawˆ luꞈ, Eˇlamˬ sahˬ paˬ dawˬ tawˆ luꞈ hawˇ-eu, Meˬdiˇ sahˬ paˬ dawˬ tawˆ luꞈ,

Yeˬlaˬmiˇ 46:3

“Iˇjiˇtuˆ tsawˇ haˬ yaw huiˬ yaw mahˇ deuˬ ehˇ-eu, ‘Naw maꞈ dehˬ daˬ duˬ lehˬ hmˬ-awˇ, guiˇ deuˆ duˬ-ahˇ iˇ-awˬ.

Yeˬlaˬmiˇ 46:4

Mahˬ dziˬ gʼa laˆ dawˆ-awˇ dziˬ-awˬ. Jawˇ duˬ yuˇ-awˇ shmˇ uˬ kʼoˆ kʼoˆ taˬ-awˬ. Gahˬ siˬ taˆ-awˇ guiˇ deuˆ-eu mehˬ tsoeˬ dm taˬ-awˬ’ lehˇ ehˇ-eu meh.

Yeˬlaˬmiˇ 46:9

Mahˬ pyehˬ teh sehˇ gʼeh-awˇ, laˆ lawˬ teh coeˬ coeˬ-awˬ. Yehˇ deuˬ mehˬ hu paw pyehˬ gʼeh-awˬ. Suˬdaˬ yehˇ deuˬ hawˇ-eu Liˆbyaˇ yehˇ deuˬ, dehˬ daˬ duˬ baꞈ-awˇ bi iˇ-awˬ. Kaˆ beuˆ yaw dziˇ Luˇdaˆ yehˇ deuˬ, mehˬ hu paw pyehˬ gʼeh-awˬ.”

Yeˬlaˬmiˇ 50:25

Ngaˬ-euˬ guiˇ deuˆ-eu keu ka deuˬ jeˬ hmˬ taˬ-euˬ ngaˇ pah dzeh-awˇ, nui ma pehˇ-eu laꞈ kʼoeˇ keu ka kʼoeˇ deuˬ yuˇ doˆ-euˬ ma. Aˬ jeˬ miˇ neh ehˇ naˇ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, Baˬbuˇloˬ miˇ kʼahˬ laꞈ kʼoeˇ mˇ paˬ-ehˇ gʼeh-eu jeˬ jaˆ-eu ma.

Yeˬlaˬmiˇ 50:3

“Laꞈ taˆ paw pyawˬ-ahˇ jawˇ-eu tsawˇ jeuˬ tiˬ jeuˬ Baˬbuˇloˬ miˇ kʼahˬ-ahˇ guiˇ deuˆ le-awˇ, kʼaˇ shuiꞈ deh ga laˆ pyeuꞈ nehˬ yaꞈ tehꞈ-a. Tsawˇ haˬ hawˇ-eu jeˬ zaˬ dawˬ tawˆ luꞈ cehˆ byoˆ jiˇ-awˇ, tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.”

Yeˬlaˬmiˇ 50:45

Kʼoeˇ miˇ neh, Baˬbuˇloˬ meuˬ hawˇ-eu aˬ yawꞈ-euˬ tsawˇ haˬ deuˬ-ahˇ ngaˇ jahˇ nehˬ mawꞈ-eu gaˇ kawˆ-ahˇ naˇ haˬ-awˬ. Aˬ yawꞈ maꞈ-euˬ zaˬ deuˬ-ahˇ keuˆ ni bi tsahˇ byoˆ gʼeh gaˇ keuˆ-awˇ, tsawˇ haˬ yawˬ gʼaˬ na luꞈ guˆ dui dui-iˇ tehꞈ-a.

Yeˬlaˬmiˇ 50:9

Laꞈ taˆ paw pyawˬ-ahˇ jawˇ-eu gʼaˬ kʼaˆ-eu tsawˇ jeuˬ deuˬ-ahˇ ngaˇ laˆ luˆ-awˇ, Baˬbuˇloˬ miˇ kʼahˬ-ahˇ guiˇ bi deuˆ le ma. Baˬbuˇloˬ miˇ kʼahˬ mehˬ shi aˬ yawꞈ maꞈ guiˇ daˬ daˬ cehˆ gʼeh-awˇ, deuˆ gʼaˬ tehꞈ-a. Aꞈ yawꞈ maꞈ guiˇ deuˆ-eu nya dui dui-awˇ, kaˆ beuˆ-eu tiˬ laꞈ-iˬ maˬ lehˬ-iˇ-a.

Yeˬlaˬmiˇ 51:12

Baˬbuˇloˬ meuˬ lahˇ-ahˇ deuˆ-eu gʼaˇ duˬ paˇ loˬ paˇ lehˇ baꞈ tuˇ nehˬ-awˬ. Guiˇ daˬ daˬ-eu deuˬ hawˇ-eu guiˇ loꞈ loꞈ-eu deuˬ bi iˇ lahˬ-awˬ. Tsawˇ haˬ pyehˬ gʼeh-awˇ, guiˇ deuˆ kʼoeˬ bi kʼoeˬ-awˬ.” Baˬbuˇloˬ miˇ kʼahˬ-ahˇ jahˇ nehˬ ma lehˇ ehˇ taˬ-euˬ loꞈ-ehˇ Sahˬpaˬ Miˬyehˇ jahˇ-euˬ meh.

Yeˬlaˬmiˇ 51:24

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ kʼoeˇ taˆ yaw haiˬ jeˬ mˇ taˬ-euˬ aˇ poeˬ, Baˬbuˇloˬ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ gaˇ naw maꞈ ya mawˇ tehꞈ-a.

Yeˬlaˬmiˇ 51:35

Nga maꞈ-ahˇ yaw doeˇ jahˇ taˬ-euˬ iˬ baˇ, Baˬbuˇloˬ kʼoeˇ taˆ keuˆ le luꞈ-uˇ” lehˇ, Ziˇoˬ tsawˇ haˬ deuˬ ehˇ luꞈ-uˇ. “Nga maꞈ-ahˇ shaˬ zahˬ laˆ naꞈ-euˬ iˬ baˇ, Baˬbuˇloˬ kʼoeˇ taˆ keuˆ le luꞈ-uˇ” lehˇ, Yeˬluˇsaˬlehˬ tsawˇ haˬ deuˬ ehˇ luꞈ-uˇ.

Yeˬlaˬmiˇ 51:36

Kʼoeˇ miˇ neh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ gʼaˇ duˬ ngaˇ shaˇ noeˬ-awˇ, naw maꞈ-ahˇ jahˇ nehˬ-euˬ aˇ poeˬ, naw maꞈ-ahˇ muiˇ-eu deuˬ paˇ bi daˬ poˆ ma. Baˬbuˇloˬ lawˇ baˬ tahˬ mehˇ deuˬ bi tsiˇ leˇ jiˇ-awˇ, lawˇ baˬ bi gui-iˇ ma.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Yawˇlaˆ 3:10

Nyoˬ tsehˬ-ahˇ mi cehˇ tehˆ pyeuꞈ-awˇ, yehˬ kʼoꞈ-ahˇ gahˬ tehˆ pyeuꞈ jiˇ-awˬ. Gʼaˬ baˬ dui dui-eu tsawˇ haˬ kʼawꞈ, guiˇ dzoeˬ aˬ da ma lehˇ lmˬ-awˬ.

Yawˇlaˆ 3:9

“Miˇ kʼahˬ tsawˇ jeuˬ dawˬ tawˆ luꞈ-ahˇ, heu loꞈ-ehˇ bi siˬ bi gaˬ-awˬ. ‘Guiˇ deuˆ-eu gʼaˇ duˬ lehˬ hmˬ-awˬ. Guiˇ deuˆ-eu tsawˇ haˬ kuˇ uiˬ-awˬ. Guiˇ zaˬ sheuˬ-awˇ mehˬ hu iˇ-awˬ.

Uˬ duˬ 26:25

Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.

Zaˬkaˬliˇ 14:12

Yeˬluˇsaˬlehˬ meuˬ-ahˇ guiˇ kʼaˇ deuˆ laˇ-euˬ miˇ kʼahˬ dawˬ tawˆ luꞈ kʼoeˇ taˆ, guˆ dui dui laˇ paˬ-ehˇ gʼeh-eu naˇ gawˇ Sahˬpaˬ Miˬyehˇ bi keuˆ le tehꞈ-a. Aˬ yawꞈ maꞈ yaw dehꞈ-ehˇ jawˇ luꞈ ngeh shaˬ jiˇ buꞈ shoˆ jiˇ-awˇ, myaˆ nuiˆ hawˇ-eu mehˬ laˇ buꞈ-iˇ tehꞈ-a.

Zaˬkaˬliˇ 14:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ sheuˬ uiˬ laꞈ-awˇ, Yeˬluˇsaˬlehˬ meuˬ-ahˇ guiˇ bi deuˆ tehꞈ-a. Meuˬ-ahˇ guiˇ deuˆ gʼaˬ-awˇ, nymˇ laꞈ kʼoeˇ jaˆ-eu myawˬ gahˬ yuˇ geuꞈ-awˇ, zaˬ miˬ zaˬ deuˬ-ahˇ yehˬ bawˬ-ehˇ gʼeh tehꞈ-a. Tsawˇ haˬ tiˬ paˆ ehˇ gʼaˬ ni bi nyehꞈ byoˆ gʼeh-awˇ, meuˬ laꞈ kʼoeˇ tiˬ paˆ jawˇ yaꞈ tehꞈ-a.