Yeˬlaˬmiˇ 5:3 - Akha

³ Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬlaˬmiˇ 5:3 ပူးပေါင်းရင်းမြစ်များ

Aˇ dahˬ 19:34

Yawˬ nah yawˬ keuˆ laˇ ngeh, aˬ buˇ aˬ yuiꞈ gʼaˬ aˬ nyiˇ gʼaˬ-ahˇ heu loꞈ-ehˇ ehˇ nehˬ-euˬ meh. “Ngaˇ miˇ ciꞈ aˬ da nehˬ-ehˇ yuꞈ leˇ gʼaˬ-euˬ ma. Nymˇ ciꞈ gʼeh aˬ yawꞈ-ahˇ aˬ gaꞈ dzaˇ uiˇ paˇ bi dawˇ yehꞈ-awˇ, nawˇ paˇ yuꞈ leˇ-awˬ. Aˇ nyaꞈ nyiˬ mehˇ nmˇ luꞈ, aˬ da baˇ neh zaˬ jawˇ le luꞈ-uˇ.”

1 Sahˬpaˬ 13:33

Sahˬ paˬ Yeˬyawˇbamˬ-aˬ, yawˬ ha-euˬ iˬ baˇ-ahˇ maˬ noeˬ poˆ ni, aˬ yawꞈ neh tsoˆ taˬ-euˬ lawˇ duˬ-ahˇ piˇ ma bi geuꞈ-eu gʼaˇ duˬ, tseˇ doˆ paˬ-ehˇ gʼeh-eu tsawˇ haˬ deuˬ-ahˇ maˬ tseˇ doˆ ni, aˬ yawꞈ neh kʼaˇ bi geuꞈ mawꞈ-eu deuˬ-ahˇ tehꞈ-ehˇ tseˇ-awˇ, aˬ yawꞈ kʼaˇ ka nehˬ mawꞈ-eu gʼaˬ-ahˇ piˇ ma ka nehˬ-euˬ meh.

2 Sahˬpaˬ 1:13

Yaw huiˬ yaw mahˇ yawˬ gʼaˬ yawˬ-ahˇ sahˬ paˬ tiˬ poˆ paˇ kʼehˇ-awˇ, tsawˇ haˬ ngaˬ tseˇ gʼaˬ sheuˬ-awˇ paˇ bi iˇ-euˬ meh. Yaw huiˬ yaw mahˇ kʼoeˇ gʼaˬ gawˬ duˇ-ahˇ daˆ leˇ-awˇ, Eˇliˇyaˆ-euˬ mehˬ shi pawˬ tsuiꞈ pawˬ dmˬ dmˬ-eu laꞈ kʼoeˇ ehˇ-eu, “Miˬyehˇ-euˬ tsawˇ haˬ-oˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ gʼawˬ shaˬ gaˬ-eu laꞈ kʼoeˇ taˬ bi shiˇ nehˬ laꞈ.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Jaceuq 51:6

Nui ma yaw sui yaw dawˇ jeˬ-ahˇ nawˇ geuꞈ mawꞈ-eu meh. Kʼoeˇ miˇ neh, ngaˬ-euˬ nui ma laꞈ kʼoeˇ nawˬ-euˬ zaˬ siˬ tsawˇ gahˇ bi byah laˇ-awˬ.

Jaceuq 51:8

Ngaˬ-euˬ shaˬ yoeˬ-ahˇ nawˬ neh ngawˬ kʼehꞈ ngawˬ kʼoeˆ jiˇ-euˬ kʼawꞈ, ngaˇ laˬ kʼaˬ paˇ cehˇ laˇ nya ni, laˬ kʼaˬ cehˇ-eu dawˬ kawˬ deuˬ ngaˬ-ahˇ bi gaˬ laꞈ-awˬ.

Jaceuq 55:20

Yaw beh ngaˬ-ahˇ gʼoeˇ-eu tsawˇ haˬ saˇ jaˇ puiˬ-awˇ, aˬ yawꞈ-euˬ cawˬ deuˬ-ahˇ dawꞈ-eu ceh-eu meh.

Dawqdaq 21:29

Yaw tsaˬ yaw dawˇ deuˬ ziꞈ dah ni gʼeh-awˇ, yaw haiˬ deuˬ aˬ cawˬ jah laˇ ni ya jahˇ gʼeh-eu meh.

Dawqdaq 22:12

Siˬ jiˇ mawˇ jiˇ nya-eu Sahˬpaˬ Miˬyehˇ-aˬ, jaˬ myawꞈ-euˬ dawˬ-ahˇ no dzeh-awˇ, yaw tsaˬ yaw dawˇ jeˬ-ahˇ jeˬ hmˬ taˬ-eu meh.

Dawqdaq 23:35

“Yaw kʼaˆ-ehˇ bi laˆ tahˬ-euˬ nya. Ngaˬ-ahˇ ga uiˬ-awˇ diˬ nehˬ laꞈ-euˬ nya. Aˬ geuˬ gaˇ bi diˬ-euˬ maˬ noeˬ doˆ coeˇ nya. Aˬ jeˬ miˇ neh ngaˬ-ahˇ maˬ noeˬ gahˇ laˇ-eu nya heu. Tiˬ poˆ ya dawˇ nya siˬ” lehˇ nawˇ ehˇ tehꞈ-a.

Dawqdaq 27:22

Aˬ dzawˬ aˇ gah-ahˇ shiˇ taw tehˬ ni diˬ kʼawꞈ, aˬ dzawˬ aˇ gah gah-eu jeˬ maˬ diˬ byoˆ nya-a.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 42:25

Kʼoeˇ miˇ neh aˬ dui-ahˇ aˬ yawꞈ-euˬ nui ma bi mawˇ-awˇ, guiˇ deuˆ-eu jeˬ bi keuˆ le laꞈ-euˬ meh. Aˬ yawꞈ nui pehˇ miˬ dzaˬ doꞈ-eu loꞈ-ehˇ, Iˇsaˬleˬlaˆ miˇ kʼahˬ doꞈ doe-euˬ meh. Kʼoeˇ naˆ ni keuˆ le taˬ-euˬ kʼawꞈ, aˬ dui noeˬ paˇ-eu maˬ baw-a.

Iˇsaˬyaˇ 48:4

Naw maꞈ nui ma gʼahˇ tehꞈ-a lehˇ ngaˇ siˬ duˬ taˬ-euˬ ma. Shmˇ loꞈ-ehˇ gʼahˇ-awˇ guiˬ shuiˇ loꞈ-ehˇ nehˬ-eu, ngaˇ siˬ dzeuˇ taˬ-euˬ ma.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Yeˬlaˬmiˇ 15:7

Miˇ kʼahˬ heu kʼahˬ-ahˇ kʼaˇ jaˆ-eu meuˬ deuˬ laꞈ kʼoeˇ, gʼo yoeˬ loꞈ-ehˇ jaˬ lehˇ baw gaˇ naw maꞈ-ahˇ ngaˇ dzeh diˇ-euˬ ma. Ngaˬ-euˬ tsawˇ haˬ deuˬ-oˇ, naw maꞈ yaw haiˬ jeˬ maˬ byehˇ-eu miˇ neh, naw maꞈ-ahˇ ngaˇ laˆ luˬ laˆ seˇ nehˬ-awˇ, naw maꞈ-euˬ zaˬ deuˬ-ahˇ ngaˇ sehꞈ-euˬ ma.

Yeˬlaˬmiˇ 17:23

Aˬ yawꞈ maꞈ-euˬ aˬ poeˬ aˬ bawˇ deuˬ ngaˬ-euˬ ehˇ dawˬ-ahˇ maˬ taˬ huiˬ-ehˇ maˬ naˇ haˬ geuꞈ-eu uˬ taꞈ, nui ma gʼahˇ dui dui-awˇ, ngaˬ neh mehˬ nehˬ-euˬ dawˬ naˬ bawˇ-ahˇ maˬ gaˬ leˇ-ehˇ, ngaˬ-euˬ zahˇ sahˇ kʼoꞈ-ahˇ maˬ dzaw geuꞈ-a.

Yeˬlaˬmiˇ 19:15

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ Miˬyehˇ-euˬ dawˬ heu deuˬ, aˬ yawꞈ maꞈ-ahˇ ngaˇ ehˇ nehˬ-euˬ ma. “Meuˬ heu meuˬ hawˇ-eu dawˬ peh jaˆ-eu meuˬ dawˬ tawˆ luꞈ kʼoeˇ taˆ, ngaˬ neh kʼaˇ ehˇ taˬ-euˬ kʼehˬ-eu kʼaˆ-eu jeˬ dawˬ tawˆ luꞈ ngaˇ bi keuˆ le ma. Aˬ jeˬ miˇ neh ehˇ naˇ, naw maꞈ nui ma gʼahˇ dui dui-awˇ, ngaˬ-euˬ dawˬ-ahˇ maˬ naˇ haˬ geuꞈ-a.”

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Yeˬlaˬmiˇ 3:3

Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.

Yeˬlaˬmiˇ 35:13

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ heu loꞈ-ehˇ ehˇ nehˬ-iˇ-awˬ lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Aˬ jeˬ miˇ neh naw maꞈ ngaˬ-euˬ dawˬ-ahˇ maˬ naˇ haˬ-ehˇ, ngaˬ neh mehˬ nehˬ tsoˆ nehˬ taˬ-euˬ loꞈ-ehˇ maˬ dehꞈ te lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ naˇ haˬ-euˬ ma.

Yeˬlaˬmiˇ 44:10

Iˬ nah keuˆ ni naw maꞈ nui nahˬ nui yu maˬ ahˇ-a siˬ. Naw maꞈ ngaˬ-ahˇ maˬ taˬ huiˬ-ehˇ, naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh-a.

Yeˬlaˬmiˇ 7:26

Ehˇ kʼawꞈ, tsawˇ haˬ tiˬ gʼaˬ-iˬ naˬ bawˇ gaˬ leˇ gaˇ maˬ duˇ-ehˇ, naw maꞈ-euˬ aˬ poeˬ aˬ bawˇ deuˬ naˆ maˬ tseˇ naw maꞈ nui ma gʼahˇ-awˇ, ngaˬ-ahˇ puiˬ mawꞈ-eu jeˬ aˇ dzehˬ dzeuˇ meh.

Yeˬlaˬmiˇ 7:28

Yawˬ ha-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ yawˬ ha tsawˇ jeuˬ maˬ naˇ haˬ ehˇ, kʼehˬ nehˬ kʼaˆ nehˬ-eu jeˬ-ahˇ ya daˬ kʼawꞈ, maˬ paˇ laˇ nya nga lehˇ, aˬ yawꞈ maꞈ-ahˇ nawˇ ya ehˇ nehˬ meh. Saˇ jaˇ ziꞈ-eu jeˬ shiˇ tsehˆ-euˬ meh. Saˇ jaˇ ziꞈ-eu gaˇ kawˆ ja-eu tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 8:5

Toˆ-ehˇ ngeuˇ naˇ aˬ jeˬ miˇ neh naw maꞈ mehˬ shiˬ ciˬ pyawˇ-awˇ doˆ-iˇ-euˬ, maˬ gʼoꞈ kʼoꞈ laˇ ni iˇ byoˆ te. Naw maꞈ tahˬ pahˬ aˬ ma mawˇ kawˇ maˬ byehˇ coeˇ-ehˇ, ngaˇ jawˇ gaˇ maˬ gʼoꞈ poˆ laˇ-a.

Yeˬsaˬgeˬlaˇ 2:4

Aˬ yawꞈ maꞈ nui ma gʼahˇ-awˇ, ngaˬ-ahˇ yaw zeu maˬ baw-a. Kʼoeˇ miˇ neh, dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nawˬ-ahˇ aˬ yawꞈ maꞈ jawˇ gaˇ pyehˬ gʼeh-awˇ, ngaˬ-euˬ dawˬ bi ehˇ gaˬ-iˇ-eu lehˇ gʼeh-eu ma.

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Daˬyeˬlaˇ 9:13

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ kʼehˬ-eu kʼaˆ-eu jeˬ nga maꞈ kʼoeˇ taˆ keuˆ le gʼaˬ-euˬ meh. Ehˇ kʼawꞈ, nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-eu maˬ naˬ leˇ-ehˇ, nymˬ-mˇ keuˆ ni nawˬ-euˬ nui kʼahˇ hawˇ-eu nawˬ-euˬ yaw tsaˬ yaw dawˇ jeˬ-ahˇ maˬ poˆ ni dehꞈ luꞈ-eu ma.

Uˬ duˬ 26:23

“Kʼoeˇ loꞈ-ehˇ, naw maꞈ-ahˇ ngaˇ gʼawˬ mya poˆ kʼehˬ nehˬ gʼaˬ-euˬ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ-ehˇ, ngaˬ-ahˇ paˇ puiˬ te siˬ lehˇ ngeuˇ naˇ,

Aˬmoˆ 4:10

“Iˇjiˇtuˆ miˇ kʼahˬ kʼoeˇ taˆ bi keuˆ le-euˬ loꞈ-ehˇ gʼeh-eu yaw jaw naˇ-eu naˇ gawˇ gawˇ ma naw maꞈ kʼoeˇ taˆ ngaˇ bi keuˆ le-euˬ ma. Naw maꞈ-euˬ aˬ li zaˬ guˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ-awˇ, naw maꞈ-euˬ mahˬ deuˬ ngaˇ teh byoˆ gʼeh-euˬ ma. Naw maꞈ-euˬ taˆ laꞈ kʼoeˇ shiˇ taˬ-awˇ ga-eu tsawˇ haˬ deuˬ-euˬ yaw buꞈ naw maꞈ-euˬ naˇ mehˇ tiˬ teuˇ bi behꞈ laꞈ-euˬ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Aˬmoˆ 4:11

“Sawˇdoˬ meuˬ hawˇ-eu Gawˇmawˇlaˆ meuˬ-ahˇ ngaˇ laˆ cawˆ nehˬ-euˬ loꞈ-ehˇ, naw maꞈ tiˬ paˆ na deuˬ-ahˇ ngaˇ laˆ cawˆ nehˬ-euˬ ma. Naw maꞈ laꞈ kʼoeˇ kʼaˇ dzeuˇ-iˇ-euˬ deuˬ-aˬ, miˬ dzaˬ puiˆ luꞈ gaˇ gʼeu doˆ-euˬ doꞈ luꞈ-eu daˇ kawˬ-ahˇ duˇ-eu meh. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a” lehˇ Sahˬpaˬ Miˬyehˇ ehˇ-eu meh.

Aˬmoˆ 4:6

Naw maꞈ-euˬ meuˬ dawˬ tawˆ luꞈ kʼoeˇ taˆ mehꞈ-eu shuꞈ-eu jeˬ keuˆ le ni mˇ-euˬ gʼaˬ ngaˇ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Aˬmoˆ 4:8

Meuˬ gʼawˬ mya meuˬ-ahˇ jawˇ-eu tsawˇ haˬ deuˬ iˇ cuꞈ mehꞈ-eu laꞈ kʼoeˇ gʼaˬ baˬ laˇ taˬ-awˇ, iˇ cuꞈ ya mawˇ tehꞈ-a lehˇ noeˬ-eu meuˬ tiˬ meuˬ-ahˇ aˬ yawꞈ maꞈ le-eu meh. Ehˇ kʼawꞈ, kʼoeˇ gaˇ iˇ cuꞈ tiˬ dehˆ maˬ ya dawˇ-a. Kʼoeˇ naˆ naˆ-ehˇ pyeuꞈ laˇ taˬ-euˬ kʼawꞈ, ngaˇ jawˇ gaˇ naw maꞈ maˬ gʼoꞈ poˆ laˇ-a.

Aˬmoˆ 4:9

“Naw maꞈ dzaˬ la gʼo cehˇ ka taˬ-euˬ shiˇ jiˇ ni, lahˇ dui dui-eu jaˬ lehˇ ngaˇ pyehˬ gʼeh leꞈ-euˬ ma. Naw maꞈ-euˬ yaˇ kmˇ deuˬ, aˬ gaꞈ yaˇ kmˇ deuˬ, siˬ guˬ aˇ bawˇ deuˬ hawˇ-eu saˬ loˬ aˇ bawˇ deuˬ-ahˇ nyehˇ bahˇ neh bi dzaˬ byoˆ jiˇ-euˬ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Zeˬpaˬniˇ 3:7

Ngaˬ-euˬ tsawˇ haˬ ngaˬ-ahˇ guˆ-awˇ, mehˬ nehˬ tsoˆ nehˬ gaˇ naˇ haˬ-awˇ, kʼaˇ mehˬ kʼaˇ tsoˆ dzeuˇ yaꞈ-euˬ jeˬ, maˬ ngehˇ leˇ-aˇ lehˇ noeˬ-euˬ kʼawꞈ, aˬ yawꞈ yaw oeˇ paˇ dehꞈ poˆ-awˇ, bahˬ-eu muˆ-eu jeˬ mˇ-eu meh.”

Lormav 2:2

Kʼoeˇ loꞈ-ehˇ dehꞈ-eu tsawˇ haˬ deuˬ-ahˇ Miˬyehˇ yaˇ kʼaˬ daˇ nehˬ-eu-aˬ, tsaˬ-eu meh lehˇ aˬ dui siˬ nya ma.

HeˬByehˇ 12:9

Aˬ dui-euˬ zaˬ baw aˬ da deuˬ kʼawꞈ, aˬ dui-ahˇ diˬ laˇ-eu meh. Ehˇ kʼawꞈ, yawˬ ha-euˬ aˬ da-ahˇ aˬ dui yaw zeu baw-eu ma. Toˆ-ehˇ ngeuˇ naˇ, mˬ kʼoeˇ taˆ jawˇ-eu aˬ dui-euˬ Aˬ da pyeuꞈ-eu Miˬyehˇ-ahˇ aˬ dui aˇ naˆ ni yaw zeu baw-awˇ dehꞈ paˬ nga.