Yeˬlaˬmiˇ 5:21 - Akha

²¹ Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Yeˬlaˬmiˇ 5:21 ပူးပေါင်းရင်းမြစ်များ

Jaceuq 94:8

Ngaˬ-euˬ tsawˇ haˬ deuˬ-oˇ, naw maꞈ aˇ naˆ naˆ-ehˇ laꞈ-i te. Aˬ myah siˬ laˇ gahˇ laˇ-eu gʼeh te.

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Iˇsaˬyaˇ 43:8

Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ yaˇ kʼaˬ daˇ gaˇ kuˇ daˆ-awˬ. Aˬ yawꞈ maꞈ myaˆ nuiˆ tsoꞈ luꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a.

Iˇsaˬyaˇ 44:18

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ dzawˬ dzawˬ dui dui-awˇ, yawˬ ha aˬ jeˬ mˇ luꞈ-eu gaˇ kawˆ yawˬ ha maˬ siˬ nya-a. Aˬ yawꞈ maꞈ myaˆ nuiˆ miˆ tehˬ-awˇ, nui ma piˬ tehˬ taˬ-euˬ miˇ neh, yaw tsaˬ yaw dawˇ jeˬ-ahˇ maˬ siˬ nya-a.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Yeˬlaˬmiˇ 5:20

Sahˬpaˬ Miˬyehˇ heu loꞈ-ehˇ ehˇ-eu meh. “Yaˬkoˆ-euˬ zaˬ deuˬ uˆ deuˬ-ahˇ heu loꞈ-ehˇ ehˇ nehˬ-awˬ. Yuˇdaˆ tsawˇ haˬ deuˬ-ahˇ heu loꞈ-ehˇ ehˇ gaˬ-awˬ.

Yeˬlaˬmiˇ 5:4

Kʼoeˇ naˇ ngaˇ heu loꞈ-ehˇ shaˇ noeˬ-euˬ ma. “Tsawˇ haˬ heu deuˬ iˇ shaˬ dawˇ ga tehꞈ meh. Aˬ yawꞈ maꞈ aˬ dzawˬ aˇ gah gah-eu meh. Miˬyehˇ-euˬ zahˇ sahˇ kʼoꞈ hawˇ-eu, aˬ yawꞈ-euˬ nui kʼahˇ-ahˇ maˬ siˬ nya-a.

Yeˬlaˬmiˇ 6:10

Ngaˇ heu loꞈ-ehˇ ehˇ kʼoꞈ nehˬ-euˬ ma. “Ngaˬ neh mehˬ-euˬ dawˬ-ahˇ aˬ suˇ gʼaˬ naˇ haˬ nmˇ. Aˬ yawꞈ maꞈ nui ma gʼahˇ-eu baˬ da neh, nawˬ neh bi ehˇ-euˬ dawˬ deuˬ-ahˇ maˬ naˇ haˬ-ehˇ, nawˬ-euˬ dawˬ-ahˇ naˬ gʼa-eu meh.

Yeˬlaˬmiˇ 7:13

Iˬ baˇ heu deuˬ dawˬ tawˆ luꞈ naw maꞈ mˇ-awˇ, naw maꞈ-ahˇ ngaˇ tiˬ poˆ saˇ-iˬ tiˬ poˆ dawˬ ngehˬ cawˬ kʼawꞈ, naw maꞈ naˬ bawˇ maˬ ciˬ kʼmˇ-a.

Yeˬlaˬmiˇ 8:7

Yawˬ ha bahˬ-ahˇ ya gʼoꞈ leˇ-eu yamˬ law, uiˇ dzoeˬ deuˬ kʼawꞈ siˬ nya luꞈ meh. Jawˬ jiˇ jawˬ gʼaꞈ hawˇ-eu kʼaˬ guˬ, miˇ kʼahˬ jawˇ paˇ yamˬ siˬ nya meh. Ehˇ kʼawꞈ, ngaˬ-euˬ tsawˇ haˬ pyeuꞈ-eu naw maꞈ, ngaˬ-euˬ zahˇ dawˬ maˬ siˬ nya-a.

Yeˬsaˬgeˬlaˇ 12:2

“Tsawˇ haˬ zaˬ-oˇ, nawˇ-aˬ ngaˬ-ahˇ puiˬ-eu tsawˇ haˬ deuˬ nehˬ-ehˇ jawˇ luꞈ-eu meh. Aˬ yawꞈ maꞈ myaˆ nuiˆ tsoꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ-euˬ meh.

Hawˇseˬ 7:11

Iˇsaˬleˬlaˆ-euˬ bawˬ toˆ-aˬ, kʼaˬ kʼoeˬ dawˇ ga tiˬ mawˇ loꞈ-ehˇ, Iˇjiˇtuˆ-ahˇ tahˬ shaˇ-iˇ haw, Aˬshuˇliˆ-ahˇ cehˆ keuˆ leˇ haw, tsawˬ toeˬ tsawˬ daˆ-ehˇ shaˬ luꞈ meh.

Zaˬkaˬliˇ 7:11

“Ehˇ kʼawꞈ, ngaˬ-euˬ tsawˇ haˬ deuˬ nui ma gʼahˇ-awˇ, maˬ naˇ haˬ geuꞈ-ehˇ, naˬ bawˇ dehˬ tsoeˬ taˬ-euˬ meh.

Maˬkuˆ 4:12

Aˬ jeˬ miˇ neh ehˇ naˇ, ‘Mawˇ-euˬ nui paw mawˇ kʼawꞈ, yawꞈ maꞈ maˬ siˬ nya-ehˇ; gaˬ-euˬ nui paw gaˬ kʼawꞈ, yawꞈ maꞈ maˬ gʼoˆ shaw-a. Mawˇ-euˬ siˬ duˬ leˇ-awˇ, gaˬ-euˬ gʼoˆ shaw nmˇ-aˬ, Miˬyehˇ jawˇ paw pyawˇ-awˇ, yawꞈ maꞈ gʼoꞈ kʼoꞈ leˇ-awˇ, yawꞈ maꞈ-euˬ iˬ baˇ-ahˇ, Miˬyehˇ pyehˬ nehˬ tehꞈ-a.”’

Maˬkuˆ 8:18

Naw maꞈ myaˆ nuiˆ tsoꞈ-eu maˬ mawˇ nya-ehˇ, Naˬ bawˇ tsoꞈ-eu maˬ gaˬ nya te loˇ. Maˬ paˇ noeˬ ni ngehˇ jiˇ teˬ loˇ.

Yoˇhaˬ 12:40

“Tsawˇ haˬ heu deuˬ nui ma gʼahˇ-awˇ, naˬ bawˇ yaw tuˇ bi tuˇ laˇ-awˇ, myaˆ nuiˆ myaˆ behꞈ laˆ behꞈ nehˬ-awˬ. Kʼoeˇ loꞈ-ehˇ maˬ jahˇ nehˬ taˬ naˇ, yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ nya laˇ-eu uˬ taꞈ, nui ma gʼoˆ shaw nya-eu miˇ neh, ngaˇ jawˇ paw paˇ gʼoꞈ kʼoꞈ laˇ-awˇ, naˇ gawˇ bi yaˇ taˬ laˇ tehꞈ-a.”

Gʼaˬkʼehˇ 28:26

Aˬ yawꞈ ehˇ-eu, ‘Tsawˇ haˬ heu deuˬ jawˇ gaˇ iˇ-awˇ, heu loꞈ-ehˇ ehˇ nehˬ-awˬ. Gaˬ dehˆ-euˬ kʼawꞈ maˬ gʼoˆ shaw-ehˇ, haw dehˆ-euˬ kʼawꞈ maˬ mawˇ leˇ-aˇ.

Lormav 1:20

Miˬyehˇ mˬ beh miˇ beh ngeh tiˬ nah neh, maˬ haw mawˇ nya-eu jeˬ pyeuꞈ-eu aˬ yawꞈ-euˬ laꞈ kʼoeˇ ahˇ-eu baoˬ hawˇ-eu, aˬ yawꞈ mˬ maˬ maˬ byaˆ zaˇ ziˇ Miˬyehˇ pyeuꞈ-eu gaˇ kawˆ, bya cehˆ ni siˬ duˬ mawˇ duˬ laˇ-euˬ meh. Aˬ yawꞈ neh mˇ taˬ-euˬ gaˇ-ahˇ haw-awˇ, kʼoeˇ loꞈ-ehˇ siˬ duˬ nya-eu meh. Kʼoeˇ miˇ neh, aˬ yawꞈ maꞈ maˬ pyehˇ dzeuˇ nya-a.

Lormav 11:8

Jaˇliꞈ laꞈ kʼoeˇ heu loꞈehˇ ehˇ taˬ-euˬ meh. “Aˬ yawꞈ maꞈ-euˬ nui ma gʼahˇ-awˇ, naˬ bawˬ bawˬ-awˇ myaˆ behꞈ behꞈ ni, Miˬyehˇ neh jahˇ nehˬ-euˬ miˇ neh, iˬ nah keuˆ ni maˬ mawˇ nya-a.”

Dawˬmehˬ 29:3

Guˆ laˇ paˬ-ehˇ gʼeh-eu kʼehˬ-eu kʼaˆ-eu jeˬ maˬ ehˇ, kʼaˆ jeˬ-ehˇ gʼeh-eu jeˬ maˬ ehˇ, yaw kʼaˆ-ehˇ zahˬ leˇ paˬ-ehˇ gʼeh-eu jeˬ maˬ ehˇ, Sahˬpaˬ Miˬyehˇ mˇ-euˬ gaˇ naw maꞈ ya mawˇ-euˬ meh.

Dawˬmehˬ 29:4

Ehˇ kʼawꞈ, noeˬ siˬ noeˬ mawˇ nya-eu nui ma, haw mawˇ nya-eu myaˆ nuiˆ hawˇ-eu, gaˬ nya-eu naˬ bawˇ heu deuˬ, Sahˬpaˬ Miˬyehˇ naw maꞈ-ahˇ maˬ biꞈ-aˬ siˬ.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.