Yeˬlaˬmiˇ 5:15 - Akha15 Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ guiˇ bi deuˆ le-eu gʼaˇ duˬ, naw maꞈ-ahˇ dawˬ maˬ duˇ leˇ-eu, aˇ hu ba neh ziꞈ luꞈ-eu tsawˇ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ sheuˬ leꞈ tehꞈ-a. အခန်းကိုကြည့်ပါ။ |
Yeˬlaˬmiˇ 5:15
27 ပူးပေါင်းရင်းမြစ်များ
Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.
Aˬ jeˬ miˇ neh ehˇ naˇ, laꞈ taˆ paw kʼaˇ jawˇ-eu tsawˇ jeuˬ dawˬ tawˆ luꞈ-ahˇ, ngaˇ kuˇ ka-eu lehˇ gʼeh-eu ma. Yeˬluˇsaˬlehˬ meuˬ-euˬ lahˇ kʼehˬ-ahˇ maˬ ehˇ, meuˬ lahˇ jawˬ jawˬ-ehˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-euˬ meuˬ lahˇ jawˬ jawˬ-ehˇ maˬ ehˇ, tsawˇ jeuˬ kʼoeˇ deuˬ-euˬ sahˬ paˬ deuˬ nuiˇ mahˬ ciˬ tsoꞈ le tehꞈ-a.
Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.
Iˇjiˇtuˆ miˇ kʼahˬ, Yuˇdaˆ miˇ kʼahˬ, Eˬdoˬ miˇ kʼahˬ, Aˬmoˬ miˇ kʼahˬ, Mawˇbaˆ miˇ kʼahˬ hawˇ-eu gaˇ mahˇ kaˬ gaˇ jaˆ-eu kʼaˇ shuiꞈ deh ga miˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, ngaˇ kʼehˬ nehˬ kʼaˆ nehˬ ma. Gaˇ mahˇ kaˬ-eu kʼaˇ shuiꞈ deh ga miˇ kʼahˬ-ahˇ jawˇ-eu tsawˇ jeuˬ heu deuˬ dawˬ tawˆ luꞈ, nui ma keuˆ-awˇ uˬ jehˆ jehˆ dzeh-eu maˬ ngeuˇ-a. Iˇsaˬleˬlaˆ tsawˇ ha dawˬ tawˆ luꞈ kʼawꞈ, nui ma laꞈ kʼoeˇ keuˆ ni baˆ kʼoˆ mehˬ dzaˬ yehˬ taˬ-euˬ tiˬ gʼaˬ-iˬ maˬ ahˇ-a.”
Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.
Ngaˇ haw haw-ehˇ jawˇ ngeh, jeˬ zaˬ oeˬ mawˇ tiˬ mawˇ paˇ doˆ laˇ-euˬ meh. Jeˬ zaˬ kʼoeˇ mawˇ gʼaˬ kʼaˆ dui dui-awˇ, guˆ dui dui laˇ paˬ-ehˇ gʼeh-eu meh. Huiˬ dui dui-eu shuiˇ-euˬ seuˬ neh aˬ cawˬ-ahˇ kawꞈ nmˆ leꞈ-awˇ, nawˬ pyehˆ nehˬ-eu meh. Jeˬ zaˬ nui deuˬ-ahˇ maˬ duˇ ni, uˬ coeˇ tseˇ kahˬ tsoꞈ-eu meh.
Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ aˬ yawꞈ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-oˇ, naw maꞈ miˇ kʼahˬ-ahˇ bi deuˆ gʼaˬ-eu gʼaˇ duˬ aˬ cawˬ miˇ kʼahˬ-euˬ guiˇ maꞈ tiˬ maꞈ ngaˇ pyehˬ gʼeh leꞈ ma. Laꞈ taˆ paw Haˬmaˆ gʼaˬ lahˇ-ahˇ neh laꞈ oˆ paw Aˬlaˬbahˬ deh kʼawꞈ-ahˇ doˆ ni, guiˇ maꞈ kʼoeˇ maꞈ naw maꞈ kʼoeˇ taˆ uˆ lahˇ tehꞈ-a.”
Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ meh. “Dawˬ gʼawˬ mya jeˬ ngehˬ nya-eu, tsawˇ haˬ deuˬ-ahˇ gʼoe-eu laꞈ kʼoeˇ, ngaˬ-euˬ tsawˇ haˬ heu deuˬ-ahˇ ngaˇ, dawˬ ngehˬ dawˬ tmˇ mˇ nehˬ ma lehˇ, Sahˬpaˬ Miˬyehˇ ehˇ taˬ-euˬ meh. Yawˬ kʼahˬ yawˬ miˇ yawˬ-ahˇ jawˇ-eu, aˬ cawˬ-euˬ mehˬ luˬ-ahˇ gʼoe-awˇ, aˬ yawꞈ maꞈ-ahˇ ngaˇ ngehˬ cawˬ kʼawꞈ, ngaˬ-euˬ dawˬ-ahˇ maˬ naˇ haˬ-aˇ.”
ကြော်ငြာတွေ