Yeˬlaˬmiˇ 49:8 - Akha

⁸ Deˬdaˬ meuˬ-ahˇ jawˇ-eu tsawˇ haˬ deuˬ-oˇ, naˇ kʼah ciˬ pyawˇ-awˇ cehˆ byoˆ-awˇ, dzuˇ zaꞈ byoˆ-awˬ. Iˇsawˇ-euˬ zaˬ deuˬ uˆ deuˬ-ahˇ ngaˇ laˆ cawˆ-eu lehˇ gʼeh-eu ma. Aˬ jeˬ miˇ neh ehˇ naˇ, aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ-eu aˇ yamˬ tsaˬ laˇ-euˬ meh.

Yeˬlaˬmiˇ 49:8 ပူးပေါင်းရင်းမြစ်များ

Iˇsaˬyaˇ 2:21

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo kʼahˬ lo guˇ zaꞈ gʼaˇ doe ni, tsawˇ haˬ zaˬ deuˬ cehˆ zaꞈ tehꞈ-a.

Iˇsaˬyaˇ 21:13

Heu-aˬ, Aˬleˬbyaˇ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Aˬleˬbyaˇ bawˇ tsahˬ-ahˇ sehˬ gʼawˆ gʼawˆ-awˇ yaꞈ-eu, Deˬdaˬ tsawˇ haˬ baw gaꞈ deuˬ-oˇ,

Iˇsaˬyaˇ 34:5

Mˬ taˆ Sahˬpaˬ Miˬyehˇ mi cehˇ sheu doˆ leꞈ-awˇ, aˬ yawꞈ laˆ cawˆ ma lehˇ noeˬ duˬ taˬ-euˬ deuˬ jawˇ luꞈ-eu, Eˬdoˬ meuˬ-ahˇ deuˆ le tehꞈ-a.

Yeˬlaˬmiˇ 25:23

Deˬdaˬ meuˬ, Teˬmaˇ meuˬ, Buˇzaˆ meuˬ, hawˇ-eu, uˬ duˬ tsehˇ kahˇ yaw nymˇ nymˇ-ehˇ tehˬ-eu tsawˇ jeuˬ deuˬ,

Yeˬlaˬmiˇ 46:21

Aˬ yawꞈ neh aˇ poeˬ biꞈ-awˇ kuˇ-euˬ yehˇ deuˬ kʼawꞈ, mawˇ neˇ mawˇ zaˬ loˆ ni tehꞈ meh. Aˬ yawꞈ maꞈ yawꞈ daˬ-awˇ guiˇ maˬ deuˆ ni, dawˬ tawˆ luꞈ cehˆ byoˆ jiˇ tehꞈ-a. Yaw cawˆ jeˬ oꞈ-eu aˇ nah keuˆ le-awˇ, ya luˬ ya seˇ-iˇ-eu aˇ yamˬ keuˆ le-euˬ meh.

Yeˬlaˬmiˇ 48:28

“Mawˇbaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-oˇ, yawˬ ha jawˇ-eu meuˬ-ahˇ byehˇ dzeh-awˇ, lo guˇ-ahˇ cehˆ jawˇ leˇ-awˬ. Lo kʼahˬ mehˬ kʼehˬ-ahˇ bahˬ bahˬ-eu kʼaˬ kʼoeˬ loꞈ-ehˇ noeˬ gahˇ-awˬ.

Yeˬlaˬmiˇ 48:44

Guˆ-eu gaˆ-eu jeˬ-ahˇ buˬ-iˇ ni cehˆ-eu tsawˇ haˬ deuˬ duˬ kʼahˬ-ahˇ ga ahˇ-awˇ, duˬ kʼahˬ-ahˇ neh daˆ doˆ laˇ-eu tsawˇ haˬ deuˬ lahˇ ju-ahˇ paꞈ leˇ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh Mawˇbaˆ miˇ kʼahˬ ya cawˆ-iˇ-eu aˇ yamˬ bi keuˆ le taˬ-euˬ meh.

Yeˬlaˬmiˇ 48:6

Uˬ kʼawˇ kʼaˇ buˬ maˬ buˬ cehˆ-awˬ. Bawˇ tsahˬ mahˬ tahˬ laˆ deuˬ loꞈ-ehˇ cehˆ-awˬ.

Yeˬlaˬmiˇ 49:30

Haˬzawˇ meuˬ-ahˇ jawˇ-eu tsawˇ haˬ deuˬ-oˇ, gaˇ mahˇ kaˬ gaˇ cehˆ zaꞈ-iˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ ehˇ-eu ma. Baˬbuˇloˬ sahˬ paˬ Neˬbuˬkaˬneˬzaˬ-aˬ, naw maꞈ kʼoeˇ taˆ nui ma jaˆ-awˇ, heu loꞈ-ehˇ ehˇ luꞈ meh.

Yeˬlaˬmiˇ 49:32

Aˬ yawꞈ maꞈ-euˬ law taw deuˬ hawˇ-eu mawˇ neˇ dawˬ tawˆ luꞈ teh geuꞈ jiˇ-awˬ. Uˬ duˬ tsehˇ kahˇ yaw nymˇ nymˇ-ehˇ tehˬ-eu tsawˇ haˬ kʼoeˇ deuˬ-ahˇ ngaˇ teh byaˆ-awˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ tiˬ jawˬ bi keuˆ le ma.

Yeˬlaˬmiˇ 50:27

Aˬ yawꞈ maꞈ-euˬ yehˇ deuˬ-ahˇ jeˬ zaˬ sehꞈ-eu loꞈ-ehˇ sehꞈ gahˬ gʼeh-awˬ. Baˬbuˇloˬ tsawˇ haˬ kʼoeˇ taˆ yaw cawˆ jeˬ keuˆ le-euˬ meh. Aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-eu aˇ yamˬ tsaˬ laˇ taˬ-euˬ meh.”

Yeˬlaˬmiˇ 6:1

Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

Yeˬsaˬgeˬlaˇ 25:13

Nymˬ-mˇ poˆ jawˇ, Eˬdoˬ miˇ kʼahˬ-ahˇ ngaˇ kʼehˬ-awˇ, tsawˇ haˬ hawˇ-eu jeˬ zaˬ dawˬ tawˆ luꞈ sehꞈ jiˇ ma lehˇ ngaˇ ehˇ-eu ma. Teˬmaˬ meuˬ-ahˇ neh Deˬdaˬ meuˬ-ahˇ keuˆ ni, ciˬ cuˇ ni bi pyeuꞈ-iˇ-awˇ, guiˇ deuˆ-eu laꞈ kʼoeˇ bi shiˇ jiˇ ma.

Maˬlaˬkiˇ 1:3

Iˇsawˇ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ bye-euˬ ma. Iˇsawˇ jawˇ-eu gawˬ jawˬ gawˬ duˇ miˇ kʼahˬ deuˬ-ahˇ ngaˇ ngehˬ maˬ gʼeh ni byehˇ byoˆ nehˬ-awˇ, bawˇ tsahˬ jeˬ zaˬ jawˇ duˬ bi pyeuꞈ-iˇ-euˬ ma.”

Maˬlaˬkiˇ 1:4

Iˇsawˇ-euˬ zaˬ deuˬ uˆ deuˬ pyeuꞈ-eu Eˬdoˬ tsawˇ haˬ deuˬ, “Nga maꞈ-euˬ meuˬ deuˬ cawˆ-iˇ-euˬ meh. Ehˇ kʼawꞈ, nga maꞈ paˇ gawˬ muiˬ geuꞈ ma” lehˇ ehˇ laˇ naˇ, Sahˬpaˬ Miˬyehˇ heu loꞈ-ehˇ ehˇ tehꞈ-a. “Aˬ yawꞈ maꞈ paˇ gawˬ muiˬ kʼawꞈ, ngaˇ tiˬ poˆ paˇ laˆ byaˆ dzeh ma. Aˬ yawꞈ maꞈ-ahˇ aˬ cawˬ haiˬ-eu miˇ kʼahˬ lehˇ kuˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ nui ma pehˇ-eu miˇ kʼahˬ lehˇ ehˇ tehꞈ-a.”

Panmaeq 6:15

Kʼoeˇ naˇ, miˇ kʼahˬ sahˬ paˬ deuˬ maˬ ehˇ, uˆ lahˇ-eu sahˬ paˬ sahˬ ma deuˬ maˬ ehˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, smˇ muiˬ muiˬ-awˇ baoˬ ahˇ-eu tsawˇ haˬ deuˬ maˬ ehˇ, nui deuˬ maˬ ehˇ, zaˬ kʼaˆ deuˬ hawˇ-eu zaˬ kʼaˆ maˬ ngeuˇ-eu deuˬ maˬ ehˇ, gawˬ jawˬ kʼoeˇ taˆ jaˆ-eu lo kʼahˬ lo guˇ doe ni cehˆ zaꞈ jiˇ-euˬ meh.

Yaˇ kʼaˬ daˇ 6:2

Miˇdiˬyaˬ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ naˆ maˬ tseˇ kʼaˆ dzehˬ-eu miˇ neh, Iˇsaˬleˬlaˆ tsawˇ haˬ deuˬ, lo kʼahˬ deuˬ-ahˇ hawˇ-eu, gawˬ jawˬ gawˬ duˇ doe ni cehˆ yaꞈ-awˇ jawˇ-euˬ meh.

1 Saˬmeuˬlaˆ 13:6

Kʼoeˇ naˇ, kʼaˆ dui dui-eu guiˇ maꞈ pyehˬ gʼeh-awˇ, Iˇsaˬleˬlaˆ tsawˇ haˬ deuˬ-ahˇ teh byaˆ jiˇ-euˬ meh. Iˇsaˬleˬlaˆ tsawˇ haˬ tiˬ paˆ na deuˬ-aˬ, lo kʼahˬ lo byoe doe ni maˬ ehˇ, lo guˇ uˬ gʼmˬ-ahˇ maˬ ehˇ, lo guˇ kʼahˬ naꞈ kʼaˇ jaˆ gaˇ maˬ ehˇ, dzuˇ zaꞈ luꞈ-eu meh.