Yeˬlaˬmiˇ 48:47 - Akha

⁴⁷ Ehˇ kʼawꞈ, aˬ kaˇ keuˆ laˇ-eu aˇ yamˬ laꞈ kʼoeˇ, Mawˇbaˆ miˇ kʼahˬ paˇ dehꞈ dzaˬ laˇ ni, Sahˬpaˬ Miˬyehˇ jahˇ tehꞈ-a. Sahˬpaˬ Miˬyehˇ neh kʼaˇ ehˇ taˬ-euˬ heu deuˬ dawˬ tawˆ luꞈ Mawˇbaˆ miˇ kʼahˬ kʼoeˇ taˆ keuˆ le tehꞈ-a.

Yeˬlaˬmiˇ 48:47 ပူးပေါင်းရင်းမြစ်များ

Yawˇbaˆ 19:25

Ehˇ kʼawꞈ, aˇ saˬ saˬ ngeh ngaˬ-ahˇ ka kʼoꞈ le-eu gʼaˬ, mˬ kʼoeˇ taˆ jawˇ meh lehˇ ngaˇ siˬ nya ma.

Iˇsaˬyaˇ 18:7

Baoˬ huiˬ-awˇ aˬ cawˬ tsawˇ jeuˬ-ahˇ gʼaˬ leˇ-eu miˇ neh, dawˬ peh gaˇ mahˇ jawˇ-eu tsawˇ jeuˬ deuˬ ya guˆ-eu, lawˇ baˬ gʼawˬ mya gawˆ yoeˇ paˆ-eu miˇ kʼahˬ-ahˇ jawˇ-eu, shaˬ jiˇ muiˬ-awˇ caˇ gawˬ goˇ-eu tsawˇ haˬ deuˬ neh, damˬ nehˬ lawˇ nehˬ laˇ-euˬ jeˬ-ahˇ, Baoˬ huiˬ-eu Sahˬpaˬ Miˬyehˇ ha geuꞈ nehˬ-eu aˇ nah keuˆ tehꞈ-a. Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ, Ziˇoˬ gawˬ jawˬ-ahˇ aˬ yawꞈ maꞈ laˇ-awˇ, damˬ laˇ lawˇ laˇ tehꞈ-a.

Iˇsaˬyaˇ 23:18

Aˬ yawꞈ neh gaꞈ za-euˬ pyuˇ deuˬ Sahˬpaˬ Miˬyehˇ-ahˇ damˬ nehˬ tehꞈ-a. Pyuˇ kʼoeˇ deuˬ-ahˇ nui gaˇ maˬ paˇ jeˬ hmˬ-ehˇ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ gʼaˇ duˬ, dzaˬ dzaˬ dawˇ dawˇ hawˇ-eu dm gʼaˬ dm lmˇ zeuˇ gaˇ zmˬ tehꞈ-a.

Iˇsaˬyaˇ 25:11

Aˬ yawꞈ maꞈ iˇ cuꞈ iˇ diˬ diˬ doˆ laꞈ-eu lehˇ, aˬ laꞈ cawˬ doˆ tehꞈ-a. Ehˇ kʼawꞈ, Miˬyehˇ aˬ yawꞈ maꞈ kʼoeˇ taˆ shaꞈ dawˇ-eu jeˬ bi keuˆ le-awˇ, aˬ yawꞈ maꞈ-euˬ aˬ laꞈ ga byoˆ-iˇ tehꞈ-a.

Iˇsaˬyaˇ 45:20

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ-oˇ, tiˬ kawˆ loꞈ-ehˇ uiˬ laˇ jiˇ-awˬ. Miˇ kʼahˬ byaˆ-iˇ gaˇ cehˆ buˬ-euˬ tsawˇ haˬ dawˬ tawˆ, laˇ-awˇ bi pyehˆ tseˇ duˬ laˇ sheˇ. Daˇ kawˬ jahˇ-euˬ tahˬ pahˬ aˬ ma mawˇ kawˇ-ahˇ cehˇ gʼa-awˇ, maˬ ka kʼoꞈ nehˬ nya-eu miˬ yehˇ deuˬ-ahˇ guiˬ lahˬ shaˇ-eu, tsawˇ haˬ kʼoeˇ deuˬ dawˇ ga tehꞈ meh.

Yeˬlaˬmiˇ 12:14

Sahˬpaˬ Miˬyehˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ ngaˬ neh biꞈ taˬ-euˬ miˇ kʼahˬ kʼoeˇ kʼahˬ laˆ cawˆ-euˬ tsawˇ haˬ deuˬ pyeuꞈ-eu, Iˇsaˬleˬlaˆ miˇ kʼahˬ dawˬ peh jawˇ-eu tsawˇ jeuˬ kʼoeˇ deuˬ-ahˇ, ngaˇ ehˇ nehˬ paˬ-ehˇ gʼeh-eu jeˬ jaˆ-eu ma. Aˇ bawˇ puˇ ngawˬ ngawˬ-eu loꞈ-ehˇ haiˬ-eu tsawˇ haˬ kʼoeˇ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh ngaˇ gʼawˇ lehˆ dzeh-awˇ, aˬ yawꞈ maꞈ-euˬ aꞈ laꞈ laꞈ kʼoeˇ neh, Yuˇdaˆ miˇ kʼahˬ-ahˇ ngaˇ ka kʼoꞈ doˆ ma.

Yeˬlaˬmiˇ 12:15

Ehˇ kʼawꞈ, aˬ yawꞈ maꞈ-ahˇ gʼawˇ lehˆ gʼaˬ ngeh, gʼawˬ shaˬ paˇ gaˬ nehˬ ma. Tsawˇ jeuˬ aˬ yawꞈ jeuˬ yawꞈ-ahˇ, yawˬ ha-euˬ miˇ kʼahˬ-ahˇ ngaˇ paˇ sheuˬ kʼoꞈ ha nehˬ ma.

Yeˬlaˬmiˇ 23:20

Aˬ yawꞈ nui noeˬ maˬ mˇ li kʼoeˇ keuˆ ni, Sahˬpaˬ Miˬyehˇ nui pehˇ maˬ shuꞈ-iˇ-aˇ.”

Yeˬlaˬmiˇ 30:24

Sahˬpaˬ Miˬyehˇ-euˬ nui ma pehˇ-eu jeˬ, guˆ dui dui laˇ paˬ-ehˇ gʼeh-awˇ, nui kʼahˇ maˬ mˇ li kʼoeˇ keuˆ ni, nui pehˇ shuꞈ-iˇ-eu maˬ baw-a. Mehˬ hu paw dehꞈ gʼeh-eu aˇ yamˬ laꞈ kʼoeˇ, aˬ yawꞈ-euˬ tsawˇ haˬ deuˬ gaˇ kawˆ heu ya siˬ duˬ tehꞈ-a.

Yeˬlaˬmiˇ 46:26

Aˬ yawꞈ maꞈ-ahˇ sehꞈ mawꞈ-eu Baˬbuˇloˬ sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ guiˇ maꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ngaˇ a nehˬ ma. Ehˇ kʼawꞈ, aˇ yamˬ paˇ myahˇ laˇ ngeh jawˇ, dzeuˇ laˇ ngeh loꞈ-ehˇ, Iˇjiˇtuˆ miˇ kʼahˬ laꞈ kʼoeˇ tsawˇ haˬ paˇ jawˇ laˇ tehꞈ-a lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 49:39

Ehˇ kʼawꞈ, Eˇlamˬ tsawˇ haˬ deuˬ aˬ kaˇ paˇ baw paˇ za le ni jahˇ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 49:6

“Ehˇ kʼawꞈ, aˬ kaˇ Aˬmoˬ miˇ kʼahˬ paˇ dehꞈ dzaˬ laˇ ni ngaˇ jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 38:8

Aˇ nah aˇ yamˬ gʼawˬ myahˇ ni dzeuˇ-iˇ gʼaˬ ngeh jawˇ, aˬ cawˬ miˇ kʼahˬ gʼawˬ mya kʼahˬ-ahˇ neh gʼoꞈ uiˬ laˇ-awˇ jawˇ-eu, guiˇ deuˆ laˇ gaˇ maˬ guˆ ni ya dehꞈ ya jawˇ luꞈ-eu miˇ kʼahˬ tiˬ kʼahˬ-ahˇ, nawˬ-ahˇ ngaˇ guiˇ bi deuˆ-iˇ ma. Dzeuˇ laˇ ngeh aˇ yamˬ gʼawˬ myahˇ ni cawˆ-iˇ-awˇ ciˬ cuˇ ni jaˆ-euˬ kʼawꞈ, nymˬ-mˇ tsawˇ haˬ dawˬ tawˆ luꞈ nui saˇ oꞈ-eu laꞈ kʼoeˇ jawˇ luꞈ-eu miˇ kʼahˬ pyeuꞈ-eu Iˇsaˬleˬlaˆ gawˬ jawˬ deuˬ-ahˇ aˬ yawꞈ guiˇ ya deuˆ-iˇ tehꞈ-a.

Daˬyeˬlaˇ 10:14

Aˬ kaˇ mehˬ hu paw nawˬ-euˬ tsawˇ jeuˬ kʼoeˇ taˆ aˬ joˆ-ehˇ pyeuꞈ laˇ-eu gaˇ kawˆ nawˇ gʼoˆ shaw nya ni ngaˇ ja mehˬ le-euˬ ma. Heu-aˬ, aˬ kaˇ mehˬ hu paw pyeuꞈ laˇ-eu gaˇ kawˆ-ahˇ taꞈ leˇ-eu yaw sahˇ laꞈ kʼoeˇ ya siˬ ya mawˇ-eu jeˬ meh.”

Daˬyeˬlaˇ 11:41

Miˬyehˇ neh Saˇ jaˇ dzaˬ taˬ-euˬ Miˇ kʼahˬ-ahˇ kʼawꞈ, aˬ yawꞈ uˇ-iˇ-awˇ, tsawˇ haˬ aˇ heˇ aˇ muiˇ gʼaˬ-ahˇ sehꞈ tehꞈ-a. Ehˇ kʼawꞈ, Eˬdoˬ miˇ kʼahˬ, Mawˇbaˆ miˇ kʼahˬ hawˇ-eu, Aˬmoˬ miˇ kʼahˬ tiˬ paˆ dzehˬ ni dzeuˇ-iˇ tehꞈ-a.

Daˬyeˬlaˇ 2:28

Ehˇ kʼawꞈ, naꞈ dui dui-eu gaˇ kawˆ pah mehˬ nya-eu, mˬ kʼoeˇ taˆ Miˬyehˇ jawˇ meh. Mehˬ hu paw pyeuꞈ laˇ-eu gaˇ kawˆ deuˬ, aˬ yawꞈ nawˬ-ahˇ mehˬ nehˬ laꞈ-euˬ meh. Nawˬ neh yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu nawˬ neh yuꞈ maˆ maˆ-euˬ gaˇ kawˆ, ngaˇ nawˬ-ahˇ dzawˇ mehˬ ma.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Bawˇtsahˬ 24:14

Baˬlehˇ-ahˇ Baˬlamˬ ehˇ nehˬ-eu, “Ngaˬ-euˬ tsawˇ haˬ jawˇ gaˇ ngaˇ nymˬ-mˇ gʼoꞈ-iˇ ma. Ngaˇ maˬ gʼoꞈ-iˇ mi naˆ-ehˇ, aˬ kaˇ, Iˇsaˬleˬlaˆ tsawˇ haˬ deuˬ nawˬ-euˬ tsawˇ haˬ deuˬ kʼoeˇ taˆ aˬ joˆ-ehˇ jahˇ nehˬ laꞈ paˬ-ehˇ jaˆ-eu gaˇ kawˆ ehˇ nehˬ yaꞈ nyaˇ.”

Dawˬmehˬ 31:29

Ngaˇ shiˇ dzeuˇ ngeh jawˇ, tsawˇ haˬ heu deuˬ yaw haiˬ jeˬ mˇ-awˇ, ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ jeˬ-ahˇ byehˇ dzeh tehꞈ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, luˬ-iˇ seˇ-iˇ-eu jeˬ aˬ yawꞈ maꞈ ya tahˬ puˬ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh laˆ tsoeˬ taˬ-euˬ jeˬ aˬ yawꞈ maꞈ mˇ-eu laꞈ kʼoeˇ, aˬ yawꞈ nui ma pehˇ ni aˬ yawꞈ maꞈ jahˇ tehꞈ-a.”

Dawˬmehˬ 4:30

Shaˬ-eu zahˬ-eu jeˬ-ahˇ naw maꞈ ya tahˬ puˬ-awˇ, kʼoeˇ deuˬ dawˬ tawˆ luꞈ naw maꞈ kʼoeˇ taˆ keuˆ le naˇ, aˇ saˬ saˬ laˇ ngeh Sahˬpaˬ Miˬyehˇ jawˇ gaˇ naw maꞈ paˇ gʼoꞈ kʼoꞈ laˇ-awˇ, aˬ yawꞈ-euˬ ehˇ dawˬ naˇ haˬ tehꞈ-a.