Yeˬlaˬmiˇ 48:36 - Akha

³⁶ “Tsawˇ shiˇ baꞈ pahˬ-iˇ ngeh, aˬ cawˬ noeˬ shaˬ noeˬ shaˬ-ehˇ mehˬ liˇ baw-eu loꞈ-ehˇ duˇ ni, Mawˇbaˆ tsawˇ haˬ hawˇ-eu Kiˇlaˆheˬyehˆ tsawˇ haˬ deuˬ-euˬ gʼaˇ duˬ ngaˇ noeˬ shaˬ dui dui nya. Aˬ jeˬ miˇ neh ehˇ naˇ, aˬ yawꞈ maꞈ-euˬ myawˬ dawˬ tawˆ luꞈ byoˆ jiˇ-euˬ meh.

Yeˬlaˬmiˇ 48:36 ပူးပေါင်းရင်းမြစ်များ

2 Sahˬpaˬ 3:25

Meuˬ deuˬ-ahˇ aˬ yawꞈ maꞈ laˆ cawˆ nehˬ jiˇ-awˇ, deh yaˇ kʼaˇ muiˬ-eu kʼaˬ lo lo gahˬ pyeuꞈ jiˇ ni, tiˬ gʼaˬ-euˬ kʼaˬ lo tiˬ siˬ yawˬ gʼaˬ na luꞈ biˬ ahˇ-euˬ meh. Iˇ cuꞈ lah duˬ deuˬ-ahˇ aˬ yawꞈ maꞈ duˬ tsoeˬ-awˇ, aˇ siˬ aˇ bawˇ deuˬ tuˇ dzeh-euˬ meh. Aˇ saˬ saˬ laˇ ngeh, sahˬ paˬ jawˇ-eu meuˬ pyeuꞈ-eu Kiˇlaˆheˬyehˆ meuˬ tiˬ meuˬ tehꞈ-ehˇ maˬ cawˆ-iˇni dzeˇ-eu meh. Caˬ oeˬ pi luꞈ-eu deuˬ meuˬ kʼoeˇ meuˬ-ahˇ loꞈ jawˬ-awˇ guiˇ deuˆ-euˬ meh.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Dawqdaq 13:22

Muiˬ-eu jaˬ-eu tsawˇ haˬ oeˬ paˬ oeˬ ma deuˬ-ahˇ jeˬ biˇ biꞈ yaꞈ nya kʼawꞈ, iˬ baˇ mˇ-eu deuˬ-euˬ pyuˇ shuiˇ myawˬ gahˬ yaw tsaˬ yaw dawˇ tsawˇ haˬ-euˬ laꞈ-ahˇ le tehꞈ-a.

Dawqdaq 18:11

Smˇ muiˬ aˬ da-euˬ pyuˇ shuiˇ myawˬ gahˬ, ziꞈ dah ni gʼeh-eu meuˬ-ahˇ duˇ-awˇ, maˬ byaˆ-iˇ nya-eu meuˬ lahˇ ma lehˇ noeˬ-eu meh.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Iˇsaˬyaˇ 15:7

Aˬ yawꞈ maꞈ-euˬ myawˬ gahˬ dawˬ tawˆ yuˇ-awˇ cehˆ dzeuˇ nya ni, Pawˇpaˬlaˬ aˇ bawˇ dehꞈ-eu gʼaˬ law le tsehˆ-euˬ meh.

Iˇsaˬyaˇ 16:11

Mawˇbaˆ miˇ kʼahˬ gʼaˇ duˬ ngaˇ tsawˇ ngoeˇ ngoeˇ-awˇ, Kiˇlaˆheˬyehˆ meuˬ gʼaˇ duˬ ngaˇ shaˬ zahˬ mˇ-eu ma.

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Yeˬlaˬmiˇ 17:11

Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 48:31

Kʼoeˇ miˇ neh, Mawˇbaˆ miˇ kʼahˬ laꞈ kʼoeˇ jawˇ-eu tsawˇ haˬ yawˬ gʼaˬ na luꞈ gʼaˇ duˬ hawˇ-eu, Kiˇlaˆheˬyehˆ meuˬ-ahˇ jawˇ-eu tsawˇ haˬ deuˬ gʼaˇ duˬ, ngaˇ tsawˇ ngoeˇ ngoeˇ ma.