Yeˬlaˬmiˇ 48:3 - Akha

³ Hawˇloˬneˬ meuˬ-ahˇ jawˇ-eu tsawˇ haˬ deuˬ, ‘Shiˇ jiˇ miˇ-a. Cawˆ jiˇ miˇ-a’ lehˇ guˇ tehꞈ-a.

Yeˬlaˬmiˇ 48:3 ပူးပေါင်းရင်းမြစ်များ

Iˇsaˬyaˇ 15:2

Diˇboˬ meuˬ-ahˇ jawˇ-eu tsawˇ haˬ deuˬ, yaw goˇ-ahˇ jaˆ-eu taˆ-ahˇ daˆ leˇ-awˇ, tsawˇ ngoeˇ ngoeˇ leˇ-euˬ meh. Neˬboˬ meuˬ hawˇ-eu Meˬdeˬbaˬ meuˬ gʼaˇ duˬ, Mawˇbaˆ tsawˇ haˬ deuˬ tsawˇ ngoeˇ ngoeˇ-eu meh. Yawˬ gʼaˬ na luꞈ noeˬ shaˬ dui dui-eu miˇ neh, uˬ duˬ hawˇ-eu mehˬ mahˬ jehˆ dzeh-eu meh.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Iˇsaˬyaˇ 15:8

Mawˇbaˆ miˇ kʼahˬ tiˬ jawˬ tsawˇ ngoeˇ ngoeˇ-eu teˇ saˇ, Eˇgaˬleˬ hawˇ-eu Beˬlaˇeˬlmˬ meuˬ-ahˇ gaˬ keuˆ-eu meh.

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Yeˬlaˬmiˇ 20:16

Sahˬpaˬ Miˬyehˇ gʼawˬ shaˬ maˬ gaˬ nehˬ ni, laˆ cawˆ nehˬ-euˬ meuˬ deuˬ loꞈ-ehˇ, tsawˇ haˬ kʼoeˇ gʼaˬ-euˬ guiˬ lahˬ doeˇ luꞈ-uˇ. Uˬ shawˬ paw naˇ-awˇ mahˇ-eu teˇ saˇ-ahˇ ya gaˬ-awˇ, nah gʼahˇ paw guiˇ deuˆ-awˇ guˇ-eu teˇ saˇ ya gaˬ luꞈ-uˇ.

Yeˬlaˬmiˇ 47:2

Sahˬpaˬ Miˬyehˇ heu loꞈ-ehˇ ehˇ-eu meh. “Haw yawˬ. Kʼoeˇ taˆ paw iˇ cuꞈ dahˬ goˇ daˆ laˇ-awˇ, iˇ jeuˬ jeuˬ le tehꞈ-a. Miˇ tsaˬ hawˇ-eu kʼaˇ jaˆ-eu jeˬ dawˬ tawˆ kʼoeˇ taˆ, meuˬ deuˬ hawˇ-eu meuˬ-ahˇ jawˇ-eu tsawˇ haˬ kʼoeˇ taˆ, iˇ cuꞈ yoeˇ pymˬ tehꞈ-a. Tsawˇ haˬ zaˬ deuˬ caw ba le-awˬ lehˇ guˇ tehꞈ-a. Miˇ tsaˬ zaˬ dawˬ tawˆ luꞈ guˇ guˇ-ehˇ ngoeˇ tehꞈ-a.

Yeˬlaˬmiˇ 48:34

“Heˬshaˬboˬ meuˬ hawˇ-eu Eˇlaˬleˬ meuˬ-ahˇ jawˇ-eu tsawˇ haˬ deuˬ guˇ guˇ-ehˇ ngoeˇ-awˇ, aˬ yawꞈ maꞈ ngoeˇ-eu teˇ saˇ Yaˬhaˇ meuˬ-ahˇ keuˆ ni gaˬ keuˆ laˇ-eu meh. Zoˇlaˆ meuˬ-ahˇ jawˇ-eu tsawˇ haˬ deuˬ kʼawꞈ, aˬ yawꞈ maꞈ ngoeˇ-eu teˇ saˇ ya gaˬ-awˇ, Hawˇloˬneˬ meuˬ hawˇ-eu Eˇgaˬlaˆsheˬliˇshahˬ meuˬ-ahˇ keuˆ ni gaˬ keuˆ leˇ-euˬ meh. Nymˇlmˬ lah-ahˇ keuˆ ni, gui coˇ ni gui-iˇ-euˬ meh.

Yeˬlaˬmiˇ 48:4

“Mawˇbaˆ miˇ kʼahˬ bi laˆ cawˆ gʼaˬ-euˬ meh. Zaˬ deuˬ ngoeˇ luꞈ gaˇ naˇ haˬ sheˇ.

Yeˬlaˬmiˇ 48:5

Luˇhiˆ meuˬ-ahˇ le-eu gaˇ ma kahˇ li, aˬ yawꞈ maꞈ ngoeˇ gaˇ naˇ haˬ sheˇ. Hawˇloˬneˬ gaˇ ma law caw, shaˬ zahˬ maˬ mˇ coeˇ-ehˇ guˇ luꞈ gaˇ naˇ haˬ sheˇ.

Yeˬlaˬmiˇ 51:54

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ meuˬ ngoeˇ gaˇ naˇ haˬ sheˇ. Miˇ kʼahˬ cawˆ-iˇ-euˬ baˬ da neh, tsawˇ ngoeˇ ngoeˇ luꞈ gaˇ naˇ haˬ sheˇ.