Yeˬlaˬmiˇ 48:27 - Akha

²⁷ Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Yeˬlaˬmiˇ 48:27 ပူးပေါင်းရင်းမြစ်များ

Yeˬlaˬmiˇ 2:26

Sahˬpaˬ Miˬyehˇ heu loꞈ-ehˇ ehˇ-eu meh. “Smˇ kʼoeˬ bi nyehꞈ mi ngeh ya shaꞈ dawˇ-eu loꞈ-ehˇ, naw maꞈ Iˇsaˬleˬlaˆ tsawˇ jeuˬ dawˬ tawˆ daˬ ga tehꞈ-a. Sahˬ paˬ hawˇ-eu yaw huiˬ yaw mahˇ dawˬ tawˆ maˬ ehˇ, piˇ ma hawˇ-eu miˬ yehˇ gʼaˇ duˬ ngehˬ dah-eu deuˬ maˬ ehˇ, daˬ ga-awˇ ya shaꞈ dawˇ tehꞈ-a.

Zeˬpaˬniˇ 2:8

Sahˬpaˬ Miˬyehˇ ehˇ-eu, “Mawˇbaˆ hawˇ-eu Aˬmoˬ tsawˇ jeuˬ, ngaˬ-euˬ tsawˇ haˬ-ahˇ ehˇ doeˇ-awˇ, miˇ kʼahˬ ceh geuꞈ ma lehˇ lmˬ-eu, ngaˬ-euˬ naˬ bawˇ gaˬ taˬ-euˬ ma.

Yeˬsaˬgeˬlaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Yuˇdaˆ miˇ kʼahˬ hawˇ-eu aˬ cawˬ miˇ kʼahˬ deuˬ maˬ beu gaˇ-a lehˇ, Mawˇbaˆ miˇ kʼahˬ ehˇ-eu miˇ neh,

Maꞈtehˬ 27:38

Kʼoeˇ naˇ, tahˇ joe nyiˬ gʼaˬ-ahˇ, aˬ yawꞈ nehˬ-ehˇ tiˬ kawˆ loꞈ-ehˇ, aˬ yawꞈ-euˬ aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ taˬ-euˬ meh.

Maꞈtehˬ 26:55

Kʼoeˇ naˇ, tsawˇ haˬ aˇ maꞈ kʼoeˇ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, naw maꞈ mi cehˇ hawˇ-eu daˇ kawˬ baꞈ-awˇ ngaˬ-ahˇ ya nyehꞈ le ta loˇ. Uˬ duˬ tahˬ nymˇ nymˇ ma laꞈ kʼoeˇ ngaˇ yawˬ nah na luꞈ nuiˇ-awˇ mehˬ nehˬ tsoˆ nehˬ luꞈ kʼawꞈ, naw maꞈ ngaˬ-ahˇ maˬ nyehꞈ le-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Zeˬpaˬniˇ 2:10

Sahˬpaˬ Miˬyehˇ-euˬ tsawˇ haˬ-ahˇ, yehˬ bawˬ-ehˇ ehˇ nehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Yeˬsaˬgeˬlaˇ 36:4

Gawˬ jawˬ gawˬ duˇ deuˬ, lawˇ gawˆ gʼaˬ lawˬ deuˬ bi laˆ cawˆ-euˬ jawˇ duˬ deuˬ hawˇ-eu, dawˬ peh jawˇ-eu tsawˇ jeuˬ deuˬ neh pyuˇ shuiˇ myawˬ gah bi ceh geuꞈ jiˇ-awˇ, kʼaˇ ehˇ doeˇ mawꞈ-eu bi ehˇ doeˇ bi ehˇ doeˇ-ehˇ, ciˬ cuˇ ni jaˆ-euˬ meuˬ deuˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ naˇ haˬ-awˬ.

Yeˬsaˬgeˬlaˇ 36:2

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Aˇ hu ba neh jaˆ-euˬ gawˬ jawˬ kʼoeˇ deuˬ, nymˬ-mˇ poˆ jawˇ-aˬ nga maꞈ-euˬ ma’ lehˇ Iˇsaˬleˬlaˆ-ahˇ muiˇ-eu deuˬ ehˇ luꞈ-eu meh.

Yeˬsaˬgeˬlaˇ 35:15

Ngaˬ-euˬ Iˇsaˬleˬlaˆ miˇ kʼahˬ luˬ-iˇ seˇ-iˇ-euˬ gaˇ nawˇ laˬ kʼaˬ cehˇ-euˬ loꞈ-ehˇ, nawˬ-ahˇ ngaˇ jahˇ poˆ nehˬ ma. Siˇyaˆ gawˬ jawˬ deuˬ hawˇ-euˬ, Eˬdoˬ miˇ kʼahˬ kʼahˬ lah ni ciˬ cuˇ ni gʼeh-eu bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.”

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Jaceuq 79:4

Dawˬ peh jawˇ-eu tsawˇ haˬ deuˬ nga maꞈ-ahˇ kʼaˇ ehˇ mawꞈ-eu ehˇ-awˇ, uiˇ uiˇ-ehˇ ja bu ja doeˇ-eu meh.

Jaceuq 44:13

Aˬcawˬneh bi naˬgʼa-eu lehˇ, nawˇnga maꞈ-ahˇmˇlaꞈ-euˬmeh. dawˬpeh jawˇ-eu deuˬuiˇuiˇ-ehˇ, nga maꞈ-ahˇehˇniˇgʼa-eu meh.

Yawˇbaˆ 16:4

Naw maꞈ ngaˇ pyeuꞈ-awˇ, ngaˇ naw maꞈ pyeuꞈ law nmˇ-aˬ, naw maꞈ kʼaˇ ngehˬ-euˬ dawˬ teu deuˬ ngaˇ ngehˬ nya ma. Naw maꞈ ehˇ-eu maˬ ngeuˇ-a lehˇ ngaˇ uˬ duˬ juiꞈ-awˇ, lawˇ baˬ-ahˇ sheu bu-eu loꞈ-ehˇ ngaˬ-euˬ dawˬ laꞈ kʼoeˇ naw maꞈ-ahˇ bi bu dzaˬ nya ma.

Jaceuq 64:8

Aˬ yawꞈ maꞈ ngehˬ-euˬ dawˬ kʼoeˇ deuˬ baˬ da neh, aˬ yawꞈ maꞈ-ahˇ Miˬyehˇ laˆ cawˆ tehꞈ-a. Aˬ yawꞈ maꞈ-ahˇ kʼaˇ ya mawˇ-eu tsawˇ haˬ deuˬ, uˬ duˬ juiꞈ gaˇ keuˆ tehꞈ-a.

Ngoeˇ dawˬ 1:7

Yeˬluˇsaˬlehˬ shaˬ zahˬ mˇ ngeh, aˇ hu pyeuꞈ dzeuˇ jaˆ dzeuˇ yaꞈ-euˬ, poeˬ dui lawˬ dui dui-euˬ kʼoeˇ-ahˇ, nui ma laꞈ kʼoeˇ noeˬ mawˇ-eu meh. Muiˇ-eu laꞈ-ahˇ yawꞈ ahˇ leˇ ngeh, ka kʼoꞈ nehˬ-eu gʼaˬ maˬ jawˇ-a. Aˬ yawꞈ coˬ-iˇ cawˆ-iˇ luꞈ gaˇ, muiˇ-eu deuˬ haw-awˇ uiˇ-eu meh.

Ngoeˇ dawˬ 1:12

“Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.