Yeˬlaˬmiˇ 48:2 - Akha

² Mawˇbaˆ miˇ kʼahˬ kʼahˬ sehˇ maˬ paˇ jaˆ meh. Muiˇ-eu deuˬ Heˬshaˬboˬ meuˬ-ahˇ deuˆ za-awˇ, Mawˇbaˆ miˇ kʼahˬ laˆ cawˆ-eu lehˇ lehˬ hmˬ luꞈ meh. Maˬdaˬmehˇ meuˬ ciˬ cuˇ ni bi laˆ pyeuꞈ tehꞈ-a. Guiˇ maꞈ deuˬ kʼoeˇ paw le luꞈ meh.

Yeˬlaˬmiˇ 48:2 ပူးပေါင်းရင်းမြစ်များ

Iˇsaˬyaˇ 15:1

Heu-aˬ, Mawˇbaˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Mawˇbaˆ miˇ kʼahˬ laꞈ kʼoeˇ jaˆ-eu, Aˇlaˆ meuˬ hawˇ-eu Kiˇlaˆ meuˬ, tiˬ miˇ tehꞈ-ehˇ bi laˆ cawˆ-awˇ, Mawˇbaˆ miˇ kʼahˬ ciˬ cuˇ ni jaˆ-eu meh.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Iˇsaˬyaˇ 16:14

Nymˬ-mˇ Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-euˬ pyuˇ shuiˇ myawˬ gahˬ dawˬ tawˆ luꞈ, smˇ kʼoꞈ laꞈ kʼoeˇ byoˆ le tehꞈ-a. Aˬ yawꞈ maꞈ-euˬ tsawˇ haˬ ui cuiˆ tehꞈ-ehˇ uˬ kʼawˇ dzeuˇ-iˇ-awˇ, kʼaˇ dzeuˇ-iˇ-euˬ deuˬ kʼawꞈ gʼaˬ baˬ dui dui tehꞈ-a.”

Iˇsaˬyaˇ 25:10

Ziˇoˬ gawˬ jawˬ-ahˇ Sahˬpaˬ Miˬyehˇ haw piˇ tehꞈ-a. Ehˇ kʼawꞈ, gʼo yoeˬ-ahˇ mawˇ neˇ keˬ duˬ kʼawꞈ laꞈ kʼoeˇ nawˬ pahˬ nehˬ-eu loꞈ-ehˇ, Mawˇbaˆ tsawˇ haˬ deuˬ-ahˇ aˬ yawꞈ nawˬ pahˬ tehꞈ-a.

Yeˬlaˬmiˇ 25:15

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˇ nui ma pehˇ-eu jeˬ tiˬ byah ni dahˬ-eu aˬ gaꞈ dzaˇ uiˇ kʼmˬ maˬ heu kʼmˬ-ahˇ haw sheˇ. Ngaˇ nawˬ-ahˇ kʼaˇ kʼehˇ gʼeh-euˬ tsawˇ jeuˬ dawˬ tawˆ luꞈ jawˇ gaˇ kʼmˬ maˬ heu ciˬ gʼeh-awˇ bi dawˇ-awˬ.

Yeˬlaˬmiˇ 25:17

Kʼoeˇ naˇ, Sahˬpaˬ Miˬyehˇ ciˬ luꞈ-eu kʼmˬ maˬ kʼoeˇ kʼmˬ ngaˇ ciˬ-awˇ, Sahˬpaˬ Miˬyehˇ neh ngaˬ-ahˇ kʼehˇ gʼeh-euˬ tsawˇ jeuˬ dawˬ tawˆ luꞈ jawˇ gaˇ iˇ-awˇ, ciˬ nehˬ-awˇ bi dawˇ-euˬ ma.

Yeˬlaˬmiˇ 31:36

Mˬ hawˇ-eu miˇ kʼaˇ ziꞈ kʼoeˇ keuˆ, Iˇsaˬleˬlaˆ tsawˇ jeuˬ maˬ bi byoˆ-iˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh.

Yeˬlaˬmiˇ 33:24

“Ngaˬ neh tseˇ doˆ-euˬ nymˇ jiˇ nyiˬ nymˇ-ahˇ duˇ-eu, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ ngaˬ neh byehˇ dzeh nehˬ-euˬ gaˇ kawˆ-ahˇ, aˬ cawˬ aˬ joˆ-ehˇ ja luꞈ-eu nawˇ gaˬ maˬ loˇ. Aˬ yawꞈ maꞈ ngaˬ-euˬ tsawˇ jeuˬ-ahˇ taˬ nyiˇ-awˇ, tsawˇ jeuˬ tiˬ jeuˬ lehˇ maˬ paˇ sawˇ meh.

Yeˬlaˬmiˇ 46:28

Naw maꞈ-ahˇ ngaˇ ka kʼoꞈ le ma. Ngaˬ neh naw maꞈ-ahˇ bi jawˇ byaˆ luꞈ-eu, miˇ kʼahˬ tsawˇ jeuˬ kʼoeˇ deuˬ-ahˇ laˆ cawˆ kʼawꞈ, naw maꞈ-ahˇ maˬ laˆ cawˆ ni bi dehꞈ ma. Naw maꞈ-ahˇ maˬ kʼehˬ-ehˇ-aˬ, maˬ bi dzeuˇ-iˇ nya-a. Ehˇ kʼawꞈ, naw maꞈ-ahˇ ngaˇ kʼehˬ ngeh, aˇ dzehˬ maˬ dzeuˇ ni jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 48:17

“Miˇ kʼahˬ tsawˇ myahˇ doˆ-euˬ kʼaˇ siˬ nya-eu, dawˬ peh jawˇ-eu tsawˇ jeuˬ dawˬ tawˆ, miˇ kʼahˬ kʼoeˇ kʼahˬ gʼaˇ duˬ tsawˇ ngoeˇ ngoeˇ-awˬ. Aˬ yawꞈ dzoeˬ dzaˬ kʼehꞈ-iˇ kʼoeˆ-iˇ jiˇ-awˇ, baoˬ hawˇ-eu kʼahˬ sehˇ maˬ paˇ jaˆ meh lehˇ ehˇ-awˬ.

Yeˬlaˬmiˇ 48:42

Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, tsawˇ jeuˬ meh-iˇ gaˇ keuˆ ni bi laˆ cawˆ byoˆ leꞈ tehꞈ-a.

Yeˬlaˬmiˇ 48:45

Uˬ duˬ tahˬ shaˇ kʼaˇ maˬ za-eu tsawˇ haˬ kʼoeˇ deuˬ, yaw beh sahˬ paˬ Siˇhoˬ neh uˆ lahˇ-euˬ Heˬsahˬboˬ meuˬ-ahˇ cehˆ leˇ-euˬ meh. Ehˇ kʼawꞈ, meuˬ kʼoeˇ meuˬ miˬ dzaˬ puiˆ luꞈ-eu meh. Guiˇ deuˆ haw ma lehˇ lmˬ-eu Mawˇbaˆ tsawˇ haˬ deuˬ-euˬ miˇ kʼahˬ gaˇ dzeˇ gaˇ taw maˬ ehˇ, gawˬ jawˬ yaw goˇ deuˬ-ahˇ maˬ ehˇ, miˬ dzaˬ puiˆ dzaˬ jiˇ-euˬ meh.

Yeˬlaˬmiˇ 49:3

Heˬshaˬboˬ meuˬ-ahˇ jawˇ-eu deuˬ-oˇ, yaw kʼaˆ-ehˇ ngoeˇ-awˬ. Aˬiˇ meuˬ maˬ paˇ baw meh. Laˬbah meuˬ-ahˇ jawˇ-eu zaˬ miˬ zaˬ deuˬ-oˇ, tsawˇ ngoeˇ ngoeˇ-awˬ. Guˬ daˇ pehˇ zeuˇ mehˬ tsoeˬ dm-awˇ ngoeˇ-awˬ. Gʼoꞈ laˆ gʼoꞈ dmˇ-ehˇ cehˆ cehˆ-ehˇ shaˬ gʼa-awˬ. Naw maꞈ-euˬ miˬ yehˇ Miˇlaˬkoˬ-aˬ, aˬ yawꞈ-euˬ piˇ ma deuˬ hawˇ-eu sahˬ paˬ zaˬ yo deuˬ nehˬ-ehˇ, tiˬ kawˆ loꞈ-ehˇ bi nyehꞈ byoˆ gʼeh tehꞈ-a.

Yeˬlaˬmiˇ 49:37

Aˬ yawꞈ maꞈ-ahˇ sehꞈ mawꞈ-eu muiˇ-eu deuˬ-ahˇ guˆ guˆ-ehˇ bi shaˬ-awˇ, ngaˇ nui ma pehˇ dui dui-eu miˇ neh, Eˇlamˬ tsawˇ haˬ kʼoeˇ deuˬ-ahˇ laˆ cawˆ nehˬ ma. Aˬ yawꞈ maꞈ-ahˇ ngaˇ maˬ laˆ cawˆ jiˇ kʼoeˇ keuˆ ni, aˬ yawꞈ maꞈ jawˇ gaˇ guiˇ maꞈ deuˬ pyehˬ gʼeh ma.

Bawˇtsahˬ 32:37

Luˇbeˬ tsawˇ jeuˬ neh tsoˆ muiˬ geuꞈ-eu meuˬ deuˬ-aˬ, Heˬshaˬboˬ meuˬ, Eˇleˬlaˬ meuˬ, Kiˇlaˬdeˬ meuˬ,