Yeˬlaˬmiˇ 48:19 - Akha

¹⁹ Aˬyawˬ meuˬ-ahˇ jawˇ-eu tsawˇ haˬ deuˬ-oˇ, gaˇ ma gaˇ dzeˇ loꞈ-awˇ, cehˆ byoˆ luꞈ-eu tsawˇ haˬ deuˬ-ahˇ, gaˇ kawˆ naˇ haˬ duˬ-awˬ.

Yeˬlaˬmiˇ 48:19 ပူးပေါင်းရင်းမြစ်များ

2 Saˬmeuˬlaˆ 24:5

Aˬ yawꞈ maꞈ Yawˇdaˬ lawˇ baˬ tsehˆ doˆ-awˇ, Gaˆ miˇ kʼahˬ laꞈ kʼoeˇ, Aˬyawˬ meuˬ-euˬ laꞈ oˆ paw naˬ-euˬ meh. Kʼoeˇ gaˇ neh naˇ, laꞈ taˆ paw pyawˬ-ahˇ jaˆ-eu Yaˬzeuˬ meuˬ-ahˇ le-euˬ meh.

1 Laˬsaˬbaˬ 5:8

Beˬlaˬ, Beˬlaˬ-euˬ aˬ bawˇ-aˬ, Yawˇlaˆ-euˬ aˬ li Sheˬmaˬ pyeuꞈ-awˇ, Beˬlaˬ-euˬ aˬ da-aˬ, Sheˬmaˬ-euˬ aˬ li Aˬzaˬzaˇ pyeuꞈ-eu meh. Aˇ jeuˬ heu jeuˬ-aˬ, Aˬyawˬ meuˬ hawˇ-eu kʼoeˇ-euˬ laꞈ taˆ paw pyawˬ jeˬ-ehˇ, Neˬboˬ hawˇ-eu Baˬlaˇmyoˬ meuˬ-ahˇ keuˆ ni jaˆ-eu gahˬ kaˬ laꞈ kʼoeˇ jawˇ-euˬ meh.

Bawˇtsahˬ 32:34

Gaˆ tsawˇ jeuˬ neh tsoˆ muiˬ geuꞈ-euˬ meuˬ deuˬ-aˬ, Diˇboˬ meuˬ, Aˬtaˬyoˆ meuˬ, Aˬyawˬ meuˬ,

Dawˬmehˬ 2:36

Aˬnoˬ lawˇ baˬ gawˆ mehˇ paw, deh kʼawꞈ mehˬ dzaˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ gʼahˇ ceh jaˆ-eu meuˬ hawˇ-eu Giˇlaˆ meuˬ-ahˇ doˆ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi deuˆ gʼaˬ laꞈ-euˬ meh. Aˬ dui maꞈ maˬ deuˆ uˇ gʼeh nya-eu meuˬ meuˬ lahˇ tiˬ lahˇ-iˬ maˬ jaˆ-aˬ.

Yawˇshuˆ 12:2

Tiˬ gʼaˬ-aˬ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ sahˬ paˬ Siˇhoˬ meh. Aˬ yawꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ hawˇ-eu deh kʼawꞈ-euˬ gʼahˇ ceh jaˆ-eu meuˬ-ahˇ neh, Aˬmoˬ miˇ kʼahˬ-euˬ miˇ kaˬ pyeuꞈ-eu Jaˬboˆ lawˇ baˬ-ahˇ keuˆ ni meh. Kʼoeˇ-aˬ, Giˇlaˆ miˇ kʼahˬ tiˬ paˆ ehˇ gʼaˬ ni pyeuꞈ-eu meh.

Yaˇ kʼaˬ daˇ 11:26

Heˬshaˬboˬ meuˬ hawˇ-eu Aˬyawˬ meuˬ-ahˇ maˬ ehˇ, kʼoeˇ nyiˬ meuˬ-euˬ jawˬ jawˬ-ehˇ jaˆ-eu meuˬ meuˬ zaˬ deuˬ-ahˇ maˬ ehˇ, Aˬnoˬ lawˇ baˬ lawˇ deh caw caw-ehˇ jaˆ-eu meuˬ dawˬ tawˆ luꞈ-ahˇ maˬ ehˇ, Iˇsaˬleˬlaˆ tsawˇ haˬ deuˬ jawˇ luꞈ-eu smˬ yaˇ kʼoꞈ keuˆ laˇ-euˬ meh. Aˇ yamˬ heu myah ni gʼeh-eu laꞈ kʼoeˇ, aˬ jeˬ miˇ neh meuˬ kʼoeˇ deuˬ nawˇ maˬ yuˇ kʼoꞈ geuꞈ te.

1 Saˬmeuˬlaˆ 4:16

“Ngaˇ guiˇ deuˆ luꞈ gaˇ neh cehˆ buˬ-awˇ, tiˬ gaˇ-iˬ maˬ naˬ leˇ ni cehˆ gʼoꞈ laꞈ-eu laꞈ kʼoeˇ, iˬ nah heu gaˇ cehˆ keuˆ laꞈ-euˬ ma” lehˇ, tsawˇ haˬ kʼoeˇ gʼaˬ ehˇ-eu meh. Kʼoeˇ ngeh, “Aˬ joˆ-ehˇ gʼeh taˬ li-oˬ” lehˇ, tsawˇ haˬ kʼoeˇ gʼaˬ-ahˇ Eˇliˆ naˇ haˬ-euˬ meh.