Yeˬlaˬmiˇ 48:17 - Akha

¹⁷ “Miˇ kʼahˬ tsawˇ myahˇ doˆ-euˬ kʼaˇ siˬ nya-eu, dawˬ peh jawˇ-eu tsawˇ jeuˬ dawˬ tawˆ, miˇ kʼahˬ kʼoeˇ kʼahˬ gʼaˇ duˬ tsawˇ ngoeˇ ngoeˇ-awˬ. Aˬ yawꞈ dzoeˬ dzaˬ kʼehꞈ-iˇ kʼoeˆ-iˇ jiˇ-awˇ, baoˬ hawˇ-eu kʼahˬ sehˇ maˬ paˇ jaˆ meh lehˇ ehˇ-awˬ.

Yeˬlaˬmiˇ 48:17 ပူးပေါင်းရင်းမြစ်များ

Jaceuq 110:2

Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 14:6

Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Iˇsaˬyaˇ 16:8

Heˬshaˬboˬ meuˬ-ahˇ jaˆ-eu deh yaˇ deuˬ hawˇ-eu, Siˇbaˬmaˬ meuˬ-ahˇ jaˆ-eu aˬ gaꞈ yaˇ kmˇ deuˬ, bi laˆ cawˆ jiˇ-euˬ meh. Ciˇ ni Yaˬzeuˬ meuˬ-ahˇ cah keuˆ-awˇ, uˬ laꞈ kʼaˇ shuiꞈ deh yaˇ-ahˇ cawˬ keuˆ-awˇ, baw nmˬ iˬ ma laˆ shaˆ iˇ dzeuˇ taˬ-euˬ, mehˇ dui dui-eu aˬ gaꞈ baw duˆ kʼoeˇ deuˬ, miˇ kʼahˬ tsawˇ jeuˬ sahˬ paˬ sahˬ ma deuˬ neh, bi coeˇ tsehˆ jiˇ-eu meh.

Iˇsaˬyaˇ 9:4

Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Yeˬlaˬmiˇ 48:39

Mawˇbaˆ miˇ kʼahˬ cawˆ-iˇ ngaˇ lehˇ guˇ-awˬ. Mawˇbaˆ tsawˇ haˬ deuˬ myaˆ pyawˬ naˇ mehˇ cawˆ jiˇ-euˬ meh. Dawˬ peh jawˇ-eu tsawˇ jeuˬ dawˬ tawˆ luꞈ aˬ yawꞈ maꞈ-ahˇ yehˬ bawˬ sehˇ lu-ehˇ gʼeh-eu meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”