Yeˬlaˬmiˇ 48:11 - Akha

¹¹ Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-aˬ, dzeuˇ laˇ ngeh tiˬ gaˇ-iˬ guˆ kʼaˇ maˬ za ni dehꞈ-awˇ, aˬ cawˬ miˇ kʼahˬ-ahˇ maˬ bi nyehꞈ gʼeh haw-aˬ siˬ. Mawˇbaˆ miˇ kʼahˬ-aˬ, ciˬ cuˇ yawˬ siˬ yawˬ-ahˇ maˬ kʼaˇ paˇ ahˇ haw-euˬ aˬ gaꞈ dzaˇ uiˇ-ahˇ duˇ-eu meh. Aˬ yawꞈ-euˬ yaw kuiˇ kui-eu jeˬ maˬ byoˆ-iˇ ni jaˆ luꞈ gaˇ duˇ-eu meh.

Yeˬlaˬmiˇ 48:11 ပူးပေါင်းရင်းမြစ်များ

Jaceuq 123:4

Smˇ muiˬ aˬ da dawˬ doeˇ ngehˬ-awˇ, smˇ kʼaˆ aˬ da yehˬ bawˬ-ehˇ jahˇ laˇ gaˇ, nga maꞈ ya daˬ myahˇ laꞈ-euˬ ma.

Jaceuq 55:19

Aˬ yawꞈ maꞈ nui ma maˬ paˇ-ehˇ, Miˬyehˇ-ahˇ maˬ guˆ-eu miˇ neh, mˬ hawˇ-eu miˇ maˬ bymˬ mi naˆ-ehˇ uˆ lahˇ luꞈ-eu Miˬyehˇ, ngaˬ-euˬ shaˇ dawˬ naˇ haˬ-awˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.

Dawqdaq 1:32

Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Iˇsaˬyaˇ 16:6

Yuˇdaˆ tsawˇ haˬ deuˬ ehˇ-eu, “Mawˇbaˆ tsawˇ haˬ deuˬ jahˇ gʼeh-eu gaˇ kawˆ, nga maꞈ ya gaˬ gʼaˬ taˬ-euˬ ma. Aˬ yawꞈ maꞈ kʼahˬ sehˇ huiˬ-awˇ jahˇ gʼeh sehꞈ kʼawꞈ, aˬ yawꞈ maꞈ neh kʼahˬ sehˇ jehˆ-euˬ awˬ kʼawꞈ tehꞈ meh.”

Iˇsaˬyaˇ 24:3

Miˇ tsaˬ tahˬ kʼawˇ luˬ-iˇ seˇ-iˇ jiˇ-awˇ, geuꞈ-eu jeˬ maˬ ahˇ ni pyeuꞈ-iˇ tehꞈ-a. Sahˬpaˬ Miˬyehˇ neh kʼaˇ ehˇ taˬ-euˬ jeˬ, dawˬ tawˆ luꞈ byah laˇ jiˇ tehꞈ-a.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Yeˬlaˬmiˇ 22:21

Naw maꞈ dehꞈ dzaˬ luꞈ ngeh Sahˬpaˬ Miˬyehˇ dawˬ ngehˬ cawˬ gaˇ, naw maꞈ naˬ bawˇ maˬ ciˬ kʼmˇ-aˬ. Naw maꞈ dehꞈ dzeuˇ laꞈ-euˬ aˇ yamˬ heu myah laꞈ kʼoeˇ, Sahˬpaˬ Miˬyehˇ ehˇ dawˬ maˬ naˇ haˬ-aˬ.

Yeˬlaˬmiˇ 48:12

Nymˬ-mˇ poˆ jawˇ-aˬ, ngaˇ tsawˇ haˬ kʼehˇ gʼeh-awˇ, aˬ gaꞈ dzaˇ uiˇ kʼaˇ doˆ-eu loꞈ-ehˇ, Mawˇbaˆ miˇ kʼahˬ-ahˇ ya kʼaˇ doˆ-eu aˇ yamˬ tsaˬ laˇ-euˬ meh. Aˬ yawꞈ-euˬ ciˬ cuˇ deuˬ aˬ yawꞈ maꞈ kʼaˇ ngehꞈ-awˇ, kʼoˆ paˆ dzeh tehꞈ-a.

Yeˬlaˬmiˇ 48:29

Mawˇbaˆ-aˬ, nui ma huiˬ dui mahˇ dui dui meh. Aˬ yawꞈ maꞈ nui ma aˇ naˆ ni huiˬ-eu gʼahˇ-eu gaˇ kawˆ, aˇ naˆ ni kʼahˬ sehˇ jehˆ-eu gaˇ kawˆ, aˇ naˆ ni jahˇ gʼeh-eu gaˇ kawˆ, ngaˇ ya gaˬ gʼaˬ-euˬ ma. Yawˬ haˇ yawˬ ha maˬ gaˇ dui dui ma lehˇ noeˬ luꞈ meh.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Naˬhmˬ 2:10

Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

Naˬhmˬ 2:2

Muiˇ-eu deuˬ neh laˆ cawˆ nehˬ-awˇ, uˬ pyaˬ uˬ laꞈ juˆ dzeh jiˇ-euˬ, Iˇsaˬleˬlaˆ tsawˇ jeuˬ-euˬ baoˬ, Yaˬkoˆ-euˬ yaw shehꞈ kʼahˬ sehˇ kʼoeˇ, Sahˬpaˬ Miˬyehˇ biꞈ kʼoꞈ tehꞈ-a.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Zaˬkaˬliˇ 1:15

Nui saˇ oꞈ-awˇ ciˬ cuˇ ni jawˇ luꞈ-eu miˇ kʼahˬ deuˬ-ahˇ ngaˇ nui ma pehˇ dui dui nya. Ngaˬ-euˬ tsawˇ haˬ deuˬ-ahˇ ngaˇ nui ma pehˇ-eu jeˬ ui cuiˆ tehꞈ kʼawꞈ, aˬ yawꞈ maꞈ ngaˬ-euˬ tsawˇ haˬ deuˬ-ahˇ aˇ dzehˬ dzeuˇ ni kʼehˬ-euˬ kʼaˆ-euˬ meh.