Yeˬlaˬmiˇ 47:6 - Akha

⁶ ‘Sahˬpaˬ Miˬyehˇ-euˬ mi cehˇ-oˇ, aˬ myah gʼaˬ naˬ naˬ-eu gʼeh te. Mi cehˇ tawˆ kʼawˆ laꞈ kʼoeˇ gʼoꞈ uˇ leˇ-awˇ, ciˬ cuˇ ni gʼaˬ naˬ naˬ leˇ nehˬ laꞈ-awˬ’ lehˇ, naw maꞈ ngoeˇ ngoeˇ-ehˇ shaˇ tehꞈ-a.

Yeˬlaˬmiˇ 47:6 ပူးပေါင်းရင်းမြစ်များ

2 Saˬmeuˬlaˆ 2:26

Yoˇbaˬ-ahˇ Aˬbaˬnaˬ guˇ-awˇ ehˇ nehˬ-eu, “Aˬ dui maꞈ aˬ myah luꞈ heu loꞈ-ehˇ tehꞈ-ehˇ deuˆ ceh ceh ma loˇ. Aˇ saˬ saˬ laˇ ngeh, nui ma naˇ-eu jeˬ maˬ ngeuˇ naˇ, nui jeˬ tiˬ jeˬ-iˬ maˬ dzeˇ-ehˇ pyeuˬ-iˇ tehꞈ-a lehˇ, nawˬ-ahˇ maˬ noeˬ mawˇ laˇ nya loˇ. Nga maꞈ kʼawꞈ naw maꞈ-ahˇ aˬ yuiꞈ aˬ nyiˇ taꞈ-eu miˇ kʼahˬ zaˬ deuˬ tehꞈ ma. Nawˬ-euˬ tsawˇ haˬ deuˬ-ahˇ nga maꞈ-euˬ mehˬ nah taˬ paˇ teh lehˇ aˬ myah ehˇ nehˬ-eu gʼeh te.”

1 Laˬsaˬbaˬ 21:27

Mˬ taˆ gʼaˬ kʼehˇ kʼoeˇ gʼaˬ-ahˇ, “Mi cehˇ pyehˬ dzeh-awˬ” lehˇ Sahˬpaˬ Miˬyehˇ ehˇ nehˬ ngeh, mˬ taˆ gʼaˬ kʼehˇ kʼoeˇ gʼaˬ mi cehˇ pyehˬ dzeh-euˬ meh.

Jaceuq 17:13

Sahˬpaˬ Miˬyehˇ-oˇ, oe-awˬ. Muiˇ-eu deuˬ-ahˇ deuˆgʼaˬle-awˬ. Nawˬ-euˬmi cehˇneh deuˆle-awˇ, ngaˬ-euˬsaꞈlaˇka kʼoꞈle-awˬ.

Iˇsaˬyaˇ 10:15

Sahˬpaˬ Miˬyehˇ ehˇ-eu, “Daˇ kawˬ deuˆ-eu deuˆ haˬ tiˬ kahˇ, deuˆ sahˇ taꞈ-ehˇ huiˬ dzehˬ ta loˇ. Teˇ byaꞈ yehˬ-eu yehˬ ma tiˬ kahˇ, yehˬ sahˇ taꞈ-ehˇ huiˬ dzehˬ ta loˇ. Daˇ cuiˇ-ahˇ tsawˇ haˬ sheu diˇ-eu maˬ ngeuˇ naˇ, tsawˇ haˬ-ahˇ daˇ cuiˇ maˬ sheu diˇ nya-a.”

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 15:3

Guˆ dui dui laˇ paˬ-ehˇ gʼeh-eu oeˬ jeˬ, aˬ yawꞈ maꞈ-euˬ kʼoeˇ taˆ bi keuˆ le-eu gʼaˇ duˬ, Sahˬpaˬ Miˬyehˇ pyeuꞈ-eu ngaˇ noeˬ tsehˆ taˬ-euˬ ma. Aˬ yawꞈ maꞈ guiˇ deuˆ gaˇ bi sehꞈ tehꞈ-a. Aˬ yawꞈ-euˬ gʼawˇ mawˇ-ahˇ aˬ kuiˬ baꞈ tehꞈ-a. Aˇ jiˇ deuˬ aˬ yawꞈ maꞈ-ahˇ toˆ dzaˬ-awˇ, dzeˇ-eu deuˬ-ahˇ bawˇ tsahˬ jeˬ zaˬ deuˬ dzaˬ tehꞈ-a.

Yeˬlaˬmiˇ 25:27

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Yeˬlaˬmiˇ 4:21

Aˇ myah keuˆ ni guiˇ deuˆ-eu ya mawˇ-awˇ, aˇ myah keuˆ ni daˇ heh teˇ saˇ ya gaˬ-eu gʼeh ta.

Yeˬlaˬmiˇ 48:10

Sahˬpaˬ Miˬyehˇ neh bi mˇ-euˬ jeˬ-ahˇ nui ma pi-awˇ maˬ mˇ-eu tsawˇ haˬ, yaˬ kʼehˇ yaˬ gaˇ ya daˬ tehꞈ-a. Mi cehˇ tuˆ tehˬ-awˇ tsawˇ haˬ-ahˇ maˬ sehꞈ peuˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a.

Yeˬlaˬmiˇ 50:35

Sahˬpaˬ Miˬyehˇ ehˇ-eu, “Baˬbuˇloˬ-ahˇ mi cehˇ keuˆ le luꞈ-uˇ. Aˬ yawꞈ-euˬ tsawˇ haˬ deuˬ hawˇ-eu, sahˬ paˬ sahˬ ma, zaˬ siˬ tsawˇ siˬ dawˬ tawˆ kʼoeˇ taˆ, mi cehˇ keuˆ le luꞈ-uˇ.

Yeˬsaˬgeˬlaˇ 14:17

“Maˬ ngeuˇ naˇ, miˇ kʼahˬ kʼoeˇ kʼahˬ kʼoeˇ taˆ guiˇ deuˆ-eu jeˬ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi sehꞈ cuˆ-eu gʼaˇ duˬ, laˆ sehꞈ laˆ naˇ-eu keu ka deuˬ bi hehˇ ahˇ leꞈ ma.

Yeˬsaˬgeˬlaˇ 21:30

“Tawˆ kʼawˆ-ahˇ mi cehˇ soeˬ ahˇ kʼoꞈ-awˬ. Naw maꞈ-ahˇ beh-euˬ jawˇ duˬ hawˇ-eu naw maꞈ dehꞈ le-euˬ miˇ kʼahˬ-ahˇ naw maꞈ-ahˇ ngaˇ kʼehˬ nehˬ ma.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Yoˇhaˬ 18:11

Beˬtuˆluˆ-ahˇ Yeˬsuˇ ehˇ nehˬ-eu, “Nawˬ-euˬ mi cehˇ paˇ soeˬ ahˇ kʼoꞈ-awˬ. Nga Da neh ngaˬ-ahˇ bi dawˇ laꞈ-euˬ kʼaˬ dui dui-eu kʼmˬ maˬ heu-ahˇ ngaˇ maˬ dawˇ-aˇ lehˇ nawˇ noeˬ te loˇ.”

Yaˇ kʼaˬ daˇ 7:20

Dzeˇ-eu aˇ muˇ kʼoeˇ nyiˬ muˇ kʼawꞈ kʼoeˇ loꞈ-ehˇ jahˇ-euˬ meh. Aˬ yawꞈ maꞈ dawˬ tawˆ luꞈ, aˇ caˇ laꞈ-ahˇ tsiˇ kʼmˬ ciˬ-awˇ, aˇ maˇ laꞈ-ahˇ daˇ heh yuˇ-awˇ, “Sahˬpaˬ Miˬyehˇ hawˇ-eu Giˇdoˬ gʼaˇ duˬ mi cehˇ” lehˇ guˇ-eu meh.