Yeˬlaˬmiˇ 47:3 - Akha

³ Mahˬ pyehˬ oe-eu teˇ saˇ maˬ ehˇ, mahˬ laˆ lawˬ oe luꞈ-eu teˇ saˇ maˬ ehˇ, laˆ lawˬ aˇ beuˆ gahˇ-eu teˇ saˇ maˬ ehˇ, teu jeˬ heu jeˬ maˬ siˬ laˇ ni gaˬ le tehꞈ-a. Aˬ da zaˬ-ahˇ ngehˬ maˬ gʼeh nehˬ nya ni, aˬ laꞈ laꞈ shiˇ shiˇ jiˇ tehꞈ-a.

Yeˬlaˬmiˇ 47:3 ပူးပေါင်းရင်းမြစ်များ

Iˇsaˬyaˇ 5:28

Aˬ yawꞈ maꞈ-euˬ kaˆ myaˬ taˆ dui dui-awˇ, kaˆ kʼaˇ ngeuˇ-eu ngoꞈ daˆ jiˇ taˬ-euˬ meh. Aˬ yawꞈ maꞈ-euˬ mahˬ deuˬ kuiˇ sehˬ diˬ lo loꞈ-ehˇ gʼahˇ-awˇ, mahˬ laˆ lawˬ aˇ beuˆ jaˬ lehˇ lehˇ zeuˆ loꞈ-ehˇ buiˇ-eu meh.

Yeˬlaˬmiˇ 46:9

Mahˬ pyehˬ teh sehˇ gʼeh-awˇ, laˆ lawˬ teh coeˬ coeˬ-awˬ. Yehˇ deuˬ mehˬ hu paw pyehˬ gʼeh-awˬ. Suˬdaˬ yehˇ deuˬ hawˇ-eu Liˆbyaˇ yehˇ deuˬ, dehˬ daˬ duˬ baꞈ-awˇ bi iˇ-awˬ. Kaˆ beuˆ yaw dziˇ Luˇdaˆ yehˇ deuˬ, mehˬ hu paw pyehˬ gʼeh-awˬ.”

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Yeˬlaˬmiˇ 8:16

Aˬ dui-ahˇ muiˇ-eu deuˬ Daˬ meuˬ-ahˇ oe keuˆ-awˇ, mahˬ deuˬ naˇ mehˇ baw-eu gaˬ le miˇ-a. Aˬ yawꞈ maꞈ-euˬ mahˬ deuˬ hiˇ gaˇ, miˇ kʼahˬ kʼahˬ lah ni guˆ-awˇ yaw dzuˬ dzuˬ-eu meh. Aˬ dui miˇ kʼahˬ hawˇ-eu kʼaˇ jaˆ-eu jeˬ dawˬ tawˆ, aˬ dui maꞈ-euˬ meuˬ deuˬ hawˇ-eu tsawˇ haˬ dawˬ tawˆ, laˆ cawˆ-eu lehˇ aˬ yawꞈ maꞈ oe-euˬ meh.”

Yeˬsaˬgeˬlaˇ 23:24

Mahˬ laˆ lawˬ teh-awˇ, guiˇ deuˆ-eu keu ka tiˬ byah ni tawˬ luꞈ-eu guiˇ maꞈ maꞈ ma sheuˬ-awˇ, laꞈ taˆ paw kʼahˬ-ahˇ neh aˬ yawꞈ maꞈ oe ka-awˇ, nawˬ-ahˇ guiˇ deuˆ le tehꞈ-a. Dehˬ daˬ duˬ baꞈ-awˇ shmˇ uˬ kʼoˆ kʼoˆ kaˬ-eu laꞈ kʼoeˇ, aˬ yawꞈ maꞈ nawˬ-ahˇ jawˬ lahˇ tehꞈ-a. Ngaˇ nawˬ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ maꞈ-euˬ zahˇ sahˇ kʼoꞈ jaˆ-eu loꞈ-ehˇ nawˬ-ahˇ yaˇ kʼaˬ daˇ tehꞈ-a.

Naˬhmˬ 2:4

Meuˬ-euˬ lehˆ kawˆ gaˇ ma doe ni, kʼoeˇ paw heu paw maˬ siˬ laˇ ni, laˆ lawꞈ teh sehˇ dui dui-eu meh. Miˬ dzaˬ loꞈ-ehˇ naˇ guiˇ guiˇ-awˇ, mˬ myawꞈ loꞈ-ehˇ kawˇ dui dui meh.

Naˬhmˬ 2:8

Iˇ tsahˇ daˬ paˆ doˆ-euˬ loꞈ-ehˇ, Niˇnaˬbeˬ tsawˇ haˬ teuˆ byaˆ-awˇ, “Taˬ cehˆ. Taˬ cehˆ” lehˇ guˇ nehˬ kʼawꞈ, tiˬ gʼaˬ-iˬ maˬ ciˬ pyawˇ haw-aˇ.

Panmaeq 9:9

Aˬ yawꞈ maꞈ-euˬ kʼahˬ-aˬ, shmˇ byaˆ dm kaˬ taˬ-euˬ gaˇ duˇ-awˇ, aˬ yawꞈ maꞈ dahˇ diˬ diˬ-eu teˇ saˇ-aˬ, mahˬ gʼawˬ mya mawˇ bi gʼeu-euˬ mahˬ laˆ lawˬ tiˬ deuˬ guiˇ deuˆ-eu lehˇ coeˬ gʼeh leꞈ-eu teˇ saˇ-ahˇ duˇ-eu meh.

Yaˇ kʼaˬ daˇ 5:22

Mahˬ deuˬ mahˬ pyehˬ pyehˬ gahˇ leꞈ-awˇ, aˬ yawꞈ maꞈ-euˬ kuiˇ sehˬ neh, miˇ tsaˬ-ahˇ deh deh-ehˇ oe-eu meh.