Yeˬlaˬmiˇ 43:9 - Akha

⁹ “Kʼaˬ lo yaw huiˬ heu myaˆ siˬ baꞈ-awˇ, Iˇsaˬleˬlaˆ tsawˇ haˬ tiˬ paˆ na deuˬ mawˇ gaˇ, Taˬpaˬneˬ meuˬ-ahˇ jaˆ-eu Iˇjiˇtuˆ sahˬ paˬ-euˬ nymˇ gʼoˆ kʼehˬ dawˬ peh, tsaˬ byaˆ kʼawˬ taˬ-euˬ uˬ moˆ baꞈ pahˬ-awˬ.

Yeˬlaˬmiˇ 43:9 ပူးပေါင်းရင်းမြစ်များ

2 Saˬmeuˬlaˆ 12:31

Kʼoeˇ gaˇ jawˇ-eu tsawˇ haˬ deuˬ-ahˇ aˬ yawꞈ nyehꞈ doˆ laꞈ-awˇ, yehˬ ma, tsehˬ ma, deuˆ haˬ, heu deuˬ baꞈ-awˇ gaˇ bi mˇ-awˇ, tsaˬ byaˆ tehˆ-eu gaˇ kʼawꞈ bi mˇ-euˬ meh. Aˬmoˬ tsawˇ jeuˬ-euˬ meuˬ nui deuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ kʼehˇ dzaˬ-euˬ meh. Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Yeˬluˇsaˬlehˬ meuˬ-ahˇ gʼoꞈ laˇ-euˬ meh.

Doˆ-iˇ 1:14

Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ gʼawˬ shaˬ maˬ gaˬ ni, nymˇ tsoˆ gaˇ maˬ ehˇ, deh yaˇ mˇ gaˇ maˬ ehˇ, maˬ mˇ coeˇ gaˇ keuˆ ni myawˬ kʼaˆ bi mˇ-euˬ meh.

Yeˬlaˬmiˇ 25:19

Kʼmˬ maˬ kʼoeˇ kʼmˬ kʼaˇ ya ciˬ dawˇ-euˬ tsawˇ haˬ deuˬ-aˬ, Iˇjiˇtuˆ sahˬ paˬ hawˇ-eu aˬ yawꞈ-euˬ zaˬ kʼaˆ deuˬ, aˬ yawꞈ-euˬ laꞈ oˆ gaˇ mˇ-eu sahˬ paˬ sahˬ ma deuˬ, aˬ yawꞈ-euˬ miˇ kʼahˬ zaˬ dawˬ tawˆ luꞈ hawˇ-eu,

Yeˬlaˬmiˇ 43:10

Kʼoeˇ naˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Ngaˬ-euˬ zaˬ kʼaˆ Baˬbuˇloˬ sahˬ paˬ Neˬbuˬkaˬneˬzaˬ-ahˇ ngaˇ heu gaˇ sheuˬ leꞈ-awˇ, nawˬ neh baꞈ pahˬ taˬ-euˬ kʼaˬ lo heu deuˬ kʼoeˇ taˆ aˬ yawꞈ-euˬ dzoeˬ dzaˬ nuiˇ mahˬ ka tuˇ-awˇ, aˬ yawꞈ jawˇ-eu dzoeˬ dzaˬ sehˬ gʼawˆ kʼoeˇ tsahˇ nyiˬ paˆ-ehˇ gʼawˆ tehꞈ-a.

Yeˬlaˬmiˇ 43:8

Kʼoeˇ naˇ, Taˬpaˬneˬ meuˬ-ahˇ Sahˬpaˬ Miˬyehˇ ngaˬ-ahˇ heu loꞈ-ehˇ ehˇ le-euˬ meh.

Yeˬlaˬmiˇ 44:30

Yuˇdaˆ sahˬ paˬ Zeˬdaˬkiˇ-ahˇ, aˬ yawꞈ-ahˇ muiˇ-awˇ sehꞈ mawꞈ-eu Baˬbuˇloˬ sahˬ paˬ Neˬbuˬkaˬneˬzaˬ-euˬ laꞈ-ahˇ ngaˬ neh a nehˬ-euˬ loꞈ-ehˇ, Iˇjiˇtuˆ sahˬ paˬ Hawˇpaˬyaˬ-ahˇ kʼawꞈ, aˬ yawꞈ-ahˇ muiˇ-awˇ sehꞈ mawꞈ-eu deuˬ-euˬ aˬ laꞈ laꞈ kʼoeˇ ngaˇ a ahˇ nehˬ ma’ lehˇ ehˇ-eu meh.”

Yeˬsaˬgeˬlaˇ 4:1

Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, nawˬ-euˬ mehˬ shi tsaˬ byaˆ tiˬ siˬ gʼoˆ taˬ-awˇ, Yeˬluˇsaˬlehˬ meuˬ-euˬ aˇ baˇ kawˆ boꞈ-awˬ.

Hawˇseˬ 12:10

“Bawˇlawˇpeh -ahˇ ngaˇ dawˬngehˬ-awˇ, yaw sahˇ laꞈ kʼoeˇ ya mawˇ-eu jeˬ, gʼawˬ mya poˆ ngaˇ byaˬ nehˬ-euˬ ma. Bawˇlawˇpeh-ahˇ gʼoe-eu laꞈ kʼoeˇ, ngaˬ-euˬ tsawˇ haˬ-ahˇ mehˬ-euˬ ma.

Naˬhmˬ 3:14

Guiˇ deuˆ le gaˇ ciˬ daˬ nya ni, iˇ cuꞈ tiˬ byah kʼawꞈ ahˇ taˬ-awˇ, nawˬ-euˬ guiˇ daˬ laˆ ziꞈ taˬ-awˬ. Shaˬ jehˆ yaw jmˬ tsaˬ byaˆ tehˆ-awˇ, nawˬ-euˬ guiˇ daˬ gawˬ ziꞈ taˬ-awˬ.

Gʼaˬkʼehˇ 21:11

Nga maꞈ jawˇ gaˇ aˬ yawꞈ oe-awˇ, Pawˇluˆ-euˬ joꞈ paꞈ yuˇ-awˇ, aˬ yawꞈ-euˬ aˬ kuiˇ hawˇ-eu aˬ laꞈ-ahˇ paꞈ-awˇ heu loꞈ-ehˇ ehˇ-eu meh. “Joꞈ paꞈ heu kahˇ-euˬ yaw sahˇ-ahˇ Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ deuˬ heu loꞈ-ehˇ paꞈ-awˇ, aˬ cawˬ tsawˇjeuˬ-euˬ laꞈ-ahˇ a ahˇ nehˬ tehꞈ-a lehˇ, Muiˬ-eu shawˇ-eu Yaw sahˇ Miˬyehˇ ehˇ-eu meh.”

Panmaeq 18:21

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ lo lehˬ hui ni ahˇ-eu kʼaˬ lo tiˬ siˬ iˬ ma laˆ shaˆ-ahˇ baꞈ puꞈ gʼeh-awˇ, heu loꞈ-ehˇ ehˇ-eu meh. “Huiˬ dui dui-eu Baˬbuˇloˬ meuˬ, heu loꞈ-ehˇ bi baꞈ dzeh gʼeh-awˇ, tiˬ jawˇ-iˬ maˬ paˇ ya mawˇ-aˇ.