Yeˬlaˬmiˇ 43:7 - Akha

⁷ Sahˬpaˬ Miˬyehˇ neh biꞈ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ ni, Iˇjiˇtuˆ miˇ kʼahˬ laꞈ kʼoeˇ paw, Taˬpaˬneˬ meuˬ-ahˇ keuˆ ni aˬ yawꞈ maꞈ iˇ gʼeh-euˬ meh.

Yeˬlaˬmiˇ 43:7 ပူးပေါင်းရင်းမြစ်များ

2 Sahˬpaˬ 25:26

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ, smˇ muiˬ maˬ ehˇ, iˇ shaˬ maˬ ehˇ, guiˇ maꞈ kʼoeˇ taˆ aˬ yuiꞈ geuꞈ-eu yaw huiˬ yaw mahˇ deuˬ maˬ ehˇ, Baˬbuˇloˬ tsawˇ haˬ deuˬ-ahˇ guˆ-eu miˇ neh, Iˇjiˇtuˆ miˇ kʼahˬ-ahˇ cehˆ-euˬ meh.

2 Laˬsaˬbaˬ 25:16

Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

Iˇsaˬyaˇ 30:2

Ngaˬ-ahˇ tiˬ dawˬ maˬ naˇ haˬ ni, Iˇjiˇtuˆ miˇ kʼahˬ-ahˇ laꞈ jeuˬ shaˇ-awˇ, Iˇjiˇtuˆ sahˬ paˬ-ahˇ jah-eu laꞈ kʼoeˇ, Iˇjiˇtuˆ tsawˇ jeuˬ-ahˇ tahˬ shaˇ-euˬ meh.

Iˇsaˬyaˇ 30:4

Iˇjiˇtuˆ meuˬ nyiˬ meuˬ pyeuꞈ-eu, Zoˇnaˆ hawˇ-eu Haˬneˬ meuˬ-ahˇ, aˬ yawꞈ maꞈ-euˬ tsawˇ kaˬ deuˬ oe keuˆ taˬ-euˬ kʼawꞈ,

Yeˬlaˬmiˇ 2:16

Iˇjiˇtuˆ miˇ kʼahˬ-ahˇ jaˆ-eu. Mehˇpiˇ meuˬ hawˇ-eu Taˬpaˬneˬ meuˬ-ahˇ jawˇ-eu deuˬ neh, aˬ yawꞈ-euˬ uˬ duˬ kʼmˬ kʼoˆ paˆ-euˬ meh.

Yeˬlaˬmiˇ 41:17

Kʼoeˇ naˇ, Iˇjiˇtuˆ miˇ kʼahˬ paw iˇ-eu gʼaˇ duˬ, Behˬlehˬhehˬ meuˬ dawˬ peh jaˆ-eu Ciˇmaˬhaˬ meuˬ-ahˇ aˬ yawꞈ maꞈ jawˇ naˬ-euˬ meh.

Yeˬlaˬmiˇ 42:21

Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ-awˇ, naw maꞈ-ahˇ bi ehˇ gaˬ le-euˬ yawˬ jeˬ na luꞈ-ahˇ nymˬ-mˇ naw maꞈ maˬ naˇ haˬ geuꞈ-a.

Yeˬlaˬmiˇ 44:1

Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 44:24

Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ-ahˇ ngaˇ heu loꞈ-ehˇ ehˇ nehˬ-euˬ ma. “Yuˇdaˆ miˇ kʼahˬ-ahˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ le-euˬ tsawˇ haˬ dawˬ tawˆ luꞈ Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬlaˬmiˇ 46:14

“Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Yeˬsaˬgeˬlaˇ 30:18

Iˇjiˇtuˆ-euˬ baoˬ ngawˬ kʼehꞈ-awˇ, gʼaˬ gʼaˬ siˬ nyehꞈ paˆ dzeh nehˬ ngeh, Taˬpaˬnehˇ meuˬ zahˬ leˇ tehꞈ-a. Iˇjiˇtuˆ-ahˇ juˬ kʼoeˬ tmˬ-awˇ, Iˇjiˇtuˆ meuˬ doe ni jawˇ-eu, tsawˇ haˬ deuˬ bi nyehꞈ jiˇ tehꞈ-a.